WAEBRANIA 4:12 - Biblia Ilagho Jiboie Kwa Wandu Wose

¹² Angu ilagho ja Mlungu jeko moyo, sena jawadie ndighi, sena jakalie kuchumba lufu lukalie chia rose; najo jadunga na kuvikia irangi na roho, hata kuvikia mawungo na wusuchi; jikitambua maghesho na maririkanyo gha ngolo.

WAEBRANIA 4:12 ပူးပေါင်းရင်းမြစ်များ

ZABURI 110:2

BWANA uchaghushabua wuzuri ghwako ghuwadie ndighi kufuma Sioni. Kuchawibonyera wamaiza wako nguma.

ZABURI 119:130

Mawonyero ghako ghadareda mwengere; ghadamneka mkelu akili.

ZABURI 139:2

Oho kwaichi maza rose nibonyagha; kwaghimanya maghesho ghapo ghose.

ZABURI 149:6

Ndewimkase Mlungu kwa chwaka ra ighu, wiko na chufu rikalie mikonunyi kwawo

ZABURI 45:3

Rwaa lufu lwako kiwonunyi ee mundu kuwadie ndighi; oho koko wa wubaa na nguma ra kiwuzuri.

MAKATANISHO 5:4

ela kutua kwaro kwabirie nandighi sa nyongo; kwakalie sa lufu lukalie chia rose.

MCHILI 12:11

Madedo gha mundu wa hikima gheeka sa mzata ghusongokie gholisha mfugho, na mifwano itumbanyiro sa misumari ikomerelo ikamanga. Eenekwa ni Mlungu, uo Mlisha odu isi diwose.

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 49:2

Orebonyereghe malagho ghapo ghikaie sa lufu lukalie, ukanivisa kijunyi cha mkonu ghwake; ukanibonya sa iwanu jakalishwa na kuniwika andenyi ya zaka yake.

ISAYA 55:11

niko koni na ilagho jifumagha momunyi kwapo, ndejichaaniwuria iduu, ela jichakatisha agho makusudi ghapo gha kujiduma, najo jichawona nicha kwa kula ilagho nerejidumieghe.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 23:29

Welee, ilagho japo ndejeeka sa modo, ndejeeka sa nyondo ibaraa-bara igho?

LUKA 8:11

“Mfwano ugho kutambua kwaro niko uku: Mbeu ni ilagho ja Mlungu.

JOHANE 12:48

Uo unileghagha ini, nao ndewadagha malagho ghapo, oko na umu umtanyagha. Ilagho jija nijighorie, nijo jichaakaia mtanyi wake ituku ja kutua mbai.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

MABONYO GHA WADUMI 2:37

Nao iji wereghisikireghe agho, wikadungwa ngolonyi kwawo wikamzera Petro na wadumi wambao, “Dibonya wada wanidu?”

MABONYO GHA WADUMI 4:31

Hata iji wameria kulomba, andu aja werekwanyikieghe kukasughusika; wikachulwa ni Roho Mweli wose, na kughora Ilagho ja Mlungu kwa wuwana.

MABONYO GHA WADUMI 5:33

Nao iji wandu wa mwandu wasikira malagho agho, wikajokwa ni machu loli-loli, wikakunda kuwibwagha.

MABONYO GHA WADUMI 7:38

Uo Musa, nuo moni orekoghe aghadi ya izungu ja wandu kireti, andwamweri na malaika uo orededieghe nao aighu ya Mghondi ghwa Sinai na weke aba wori; ukawada malagho ghiko moyo na kudineka isi.

WAROMA 1:16

Angu ini sijiwoniagha waya Ilagho Jiboie, kwa kukaia ni ndighi ra Mlungu remkira mundu uo ose urumiriagha; kwa Myahudi kande, na kwa Mgriki wori.

1 WAKORINTHO 1:24

Ela kwa awo wiwangilo ni Mlungu, ikaiagha ni Wayahudi angu Wagriki, kwawo Kristo ni ndighi ra Mlungu na hikima ya Mlungu.

2 WAKORINTHO 2:17

Angu isi, ndediko sa wandu wamu wengi witumiagha ilagho ja Mlungu kwa fwaida rawo weni anduangi, ela deko sa wandu wa loli widumilo ni Mlungu; dadeda imbiri ya Mlungu andenyi ya Kristo.

2 WAKORINTHO 4:2

Ela darilegha iro chia rivisikie ra waya, na kulegha kughenda na mikalo, hata ndedikunde kujighalusa ilagho ja Mlungu anduangi. Ela dadeda worinyi malagho gha loli, eri kula mundu udimanye seji diko imbiri ya Mlungu.

WAEFESO 5:13

Ela iji maza ringi rafunukulwa ni ghuja mwengere, rakaia worinyi; angu icho chose chiko worinyi ni mwengere.

WAEFESO 5:26

upate kujielesha kwa kujioghosha na machi kwa ilagho;

WAEFESO 6:17

Sena wusenyi kukia sa kofia ya chuma, na Ilagho ja Mlungu sa lufu lwa Roho.

1 WATHESALONIKE 2:13

Wokoni dadamfunyira Mlungu chawucha kwa wundu ughu, kukaia, mwendajiwusa ilagho ja Mlungu, ijo morejisikireghe kufuma kodu, morejirumirieghe; si sa ilagho ja wadamu anduangi, ela morejirumirieghe sa iji koni jiko ilagho ja Mlungu, ijo jibonyagha kazi andenyi konyu inyo warumirii.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

WAEBRANIA 13:7

Wikumbukenyi vilongozi venyu, ivo veremghorieghe Ilagho ja Mlungu; ririkanyenyi mighendo na uko kutua kwawo, nenyo msunge irumirio jawo.

WAEBRANIA 6:5

wikaghutoa wucha ghwa Ilagho ja Mlungu nandighi ra ngelo richagha,

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.

1 PETRO 1:23

Mwamerie kuvalwa wuwishi, kwa chia ya ilagho ja Mlungu jiko moyo; si kwa mbeu iwoagha, ela kwa iyo isewoagha anduangi.

WUFUNUO 1:16

Orekoghe wawadia nyerinyeri mfungade kwa mkonu ghwake ghwa kiwomi, momunyi kwake lorefumieghe lufu lukalie chia rose, na wushu ghwake ghorekoghe ghuking'ala-ng'ala sa iruwa jakala na ndighi.

WUFUNUO 19:15

Momunyi kwake korekoghe kukifuma lufu lukalie, ulo uchaakaba nalo wandu wa iro mbari; uchawibonyera nguma kwa mzata ghwa chuma, nao uchakama andenyi ya chombo chekamia divei ya kubia kwa machu gha Mlungu, Uo Uwadie Ndighi Rose.

WUFUNUO 19:21

Na awo wazima, werebwaghiloghe kwa lufu lwa uo ujokagha farasi, ulo lufu lufumagha momunyi kwake; na iro nyonyi rikaja iro nyama rawo rikaghuda.

WUFUNUO 2:16

Idana kuhee. Si huwo, nichacha kulwa nawo kwa lufu lwa momunyi kwapo.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

WUFUNUO 20:4

Niko ngawona vifumbi va nguma, na awo wereviserieghe, ni awo werenekeloghe nguma retanya. Na wokoni nerewonieghe roho ra wandu weredumbuloghe vongo kwa wundu ghwa kumshuhudia Jesu, na kwa wundu ghwa ilagho ja Mlungu, awo wisereitasireghe iyo nyamandu hata mlimu ghwake; hata ndewerebonyeroghe alama ingi yake chamunyi kwawo, angu mikonunyi kwawo anduangi. Wikakaia moyo, na kubonya nguma andwamweri na Kristo miaka elfu.

WATANYI 3:16

Ehudi orekoghe wakubonyera moni lufu lukalie chia rose luko na wulacha ghwa sentimeta mirongo misanu ukalufunganya na marwao ghake barenyi ya mkonu ghwa kiwomi.