WAEBRANIA 3:5 - Biblia Ilagho Jiboie Kwa Wandu Wose

⁵ Na Musa orekoghe mloli andenyi ya nyumba yose ya Mlungu sa mdumiki, upate kushuhudia maza rechaadedwa konyuma ni Mlungu.

WAEBRANIA 3:5 ပူးပေါင်းရင်းမြစ်များ

NEHEMIA 9:14

Kukawifundisha kuitala Sabato yako kukaia ya wueli, kukawineka sharia rako kwa mkonu ghwa Musa mdumiki wako.

ZABURI 105:26

Niko ukamduma mdumiki wake Musa, na Haruni uo oremsaghueghe.

KUFUMA 14:31

Waisraeli wikawona kazi mbaa iyo BWANA oreibonyereghe kwa kuwisima Wamisri, nawo wikamuobua BWANA; wikamrumiria BWANA na mdumiki wake Musa.

KUFUMA 40:16

Musa ukabonya maza rose sa iji koni BWANA oremlaghirieghe.

MITALO 12:7

Ela huwo siko kungi nibonyagha na mdumiki wapo Musa; uo wawikilo aighu ya nyumba yapo yose.

MATHAYO 24:45

“Nani uo mdumiki uko mloli na wa akili, uo bwana wake uchaammbika aighu ya wandu wake, uwineke vindo kwa kimu charo?

MATHAYO 25:21

Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’

LUKA 12:42

Bwana ukamzera, “Idana mdumiki mucha na wa akili ni uao, uo Bwana wake uchaammbika aighu ya nyumba yake, uwiwaghie wadumiki wambao vindo vawo, kwa ngelo yaro?

LUKA 24:27

Niko ukawitambuya maza rose riandikilo kwa wundu ghwake ukizoya na vuo va Musa na va walodi wose.

LUKA 24:44

Niko ukawizera, “Agha nigho malagho neremghorieghe iji nerekwanyeghe andwamweri nenyo, kukaia agho ghose ghereandikiloghe aighu yapo andenyi ya Sharia ra Musa, Maandiko gha walodi na Zaburi, suti ghikatisho.”

JOHANE 5:39

Mwadazighana-zighana Maandiko, mkiririkanya wei ghadima kumneka irangi ja kala na kala, nagho nigho ghinishuhudiagha ini;

MABONYO GHA WADUMI 28:23

Hata iji wadumbua ituku jekwana nao, wikacha wandu walazi nyumbenyi kwake. Paulo ukawighoria agho malagho kufuma nakesho hata luma lwa kenyi; ukiwishuhudia malagho gha Wuzuri ghwa Mlungu, na kutima kuwibonya wirumirie malagho gha Jesu kwa kutumia Sharia ya Musa na maandiko gha walodi.

MABONYO GHA WADUMI 7:37

Uo Musa nuo moni orewizerieghe Waisraeli, ‘Mlungu uchammbusiria mlodi kufuma aghadi ya wanyinyu sa ini.’

WAROMA 3:21

Ela idana chia ya Mlungu epatanisha wandu na Uo moni yamerie kufunukulwa. Ndeiko kwa chia ya Sharia, hata ngera Sharia ya Musa na Walodi waishuhudia;

1 WAKORINTHO 4:2

Sena yakundikie wazighaniri wikaie waloli.

WUKUMBUSO 3:24

‘Ee BWANA Mlungu, kwaazoya kummbonyera mdumiki wako woruwu ugho wubaa ghwako na kudima kwako; ni mlungu uao uko mlungunyi angu ndoenyi udimagha kubonya kazi ring'ane huwu sa rako?

WUKUMBUSO 34:5

Kwa huwo Musa mdumiki wa BWANA ukafwa isanga ja Moabu kunughana na ilagho ja BWANA;

1 TIMOTHEO 1:12

Namfunyira chawucha Kristo Jesu Bwana odu, uo unidimishire kubonya iyo kazi, na kunitala kukaia mloli andenyi ya wudumiki ghwake;

WAEBRANIA 1:1

Kufuma kokala, Mlungu oreghorieghe mando malazi na weke aba wedu kwa chia zima-zima, ukitumia walodi.

WAEBRANIA 3:2

Uo orekoghe mloli kwa uo oremmbikieghe, sa iji koni Musa orekoghe mloli andenyi ya nyumba ya Mlungu.

WAEBRANIA 3:4

(Angu kula nyumba eaghwa ni mndumu, ela uo uaghie vilambo vose ni Mlungu).

WAEBRANIA 8:5

Awo waawuyabonya kazi iko fwana na kirerendi cha kazi ya Andu kwa Wueli kwa mlungunyi; angu iji Musa orekoghe kaavui na kuiwusira iyo hema, orefundishiroghe ni Mlungu ukizerwa, “Manya kubonye kula kindo karakara na mfwano ghuja ghoni korewonyeroghe aighu ya mghondi.”

WAEBRANIA 9:24

Angu Kristo nderengirieghe Andu kwa Wueli kubonyero ni mikonu, kuko fwana ya uko kwa loli anduangi, ela orengirieghe mlungunyi koni; upate kuwoneka imbiri ya Mlungu kwa wundu ghodu.

JOSHUA 1:15

hata BWANA wameria kuwineka awo wanyinyu kuhora karakara na inyo mmbeni, nawo weni wipate ijo isanga BWANA Mlungu onyu wawuyawineka. Aho niko inyo mchawuya isangenyi konyu mkaie aho cha mashariki ya Jordani andu Musa mdumiki wa Mlungu oremlaghirieghe.”

JOSHUA 1:2

“Mdumiki wapo Musa wafue. Idana wuka kuruwuke Jordani oho na awa wandu wose wa Israeli, kungie ijo isanga nawuyawineka.

JOSHUA 1:7

Oho kaia na ndighi tu, na ngolo ya wuing'oni, kukilindia kubonya karakara na Sharia yose morelaghiriloghe ni Musa mdumiki wapo; mseghaluke na mbai mkonu ghwa kiwomi hata mkonu ghwa kiwaka; eri kupate kuwona mecha andu kose kuchaaghenda.

JOSHUA 8:31

sa iji koni Musa mdumiki wa Mlungu orewilaghirieghe wandu wa Israeli, seji iandikilo Sharienyi ya Musa: “Madhabahu ibonyero kwa magho ghisewachilo.” Wikafunya vizongona vekora kwa BWANA na vizongona va mapatano.

JOSHUA 8:33

Waisraeli wose, wa kiwughenyi na awo wa kuvalwa, na waghosi wawo, na wabaa, na watanyi wawo, wikakaia kimusi zaria iwi, kulangaya Sanduku ya Ilaghano ja BWANA eredukiloghe ni awo wakohani. Luzaria lumu mighongo yawo ikalangaya Mghondi ghwa Gerizimu, na luzaria lumu mighongo yawo ikalangaya Mghondi ghwa Ebali, sa iji koni Musa mdumiki wa Mlungu orewilaghirieghe koimbiri, wikaie huwo ngelo ya kuwusa irasimio.

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.