WAEBRANIA 3:14 - Biblia Ilagho Jiboie Kwa Wandu Wose

¹⁴ Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

WAEBRANIA 3:14 ပူးပေါင်းရင်းမြစ်များ

WAROMA 11:17

Ela ngera awo sa mbashu ra mzeituni rerechikanyiroghe, na oho sa lumbashu lwa mzeituni ghwa isakenyi kukakakadishirwa wulalo ghwawo, eri kuwaghilo kuja kudeghedeka ni mzeituni ghwa loli;

WAROMA 11:22

Idana wona wucha ghwa Mlungu na kubia kwake. Wabirie kwa awo wighue, ela ni mucha kwako, ikakaia kwadua andenyi ya ugho wucha ghwake; si huwo, na oho wori kuchadumbulwa wokoni.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

1 WAKORINTHO 10:17

Kwa kukaia ugho mkate ni ghumweri; isi, hata ngera deko wengi, de mumbi ghumweri; angu isi diwose dadawaghiana ugho mkate ghoni ghumweri.

1 WAKORINTHO 9:23

Maza iri naawuyaribonya kwa wundu ghwa Ilagho Jiboie, eri nipate iwaghio ja marasimio gharo.

WAEFESO 3:6

kukaia, wandu wa mbari zima wapatire kuwuya wandu wa ifwa, via va ghuja mumbi ghumweri, na wangara wa ijo ilaghiro Mlungu orejibonyereghe andenyi ya Kristo Jesu kwa chia ya Ilagho Jiboie.

WUKUMBUSO 1:35

‘Ndekuwadie mndungi wa kivalwa ichi cha wuwiwi uchaawona ijo isanga jighokie nerewilaghirieghe weke ndeyo kukaia nichawineka,

1 TIMOTHEO 6:2

Awo wazumba wiko na weke bwana wirumiriagha, wisakewisowia ishima angu wei wiko wanidu. Wulalo ghwaro suti widumike nicha kuchumba, kwa kukaia awa wipatagha fwaida kwa wudumiki ghwawo ni warumirii na wakundwa. Kurifundishe na kushashira maza iri.

WAEBRANIA 11:1

Idana irumirio ni kukaia na wuloli ghwa maza rawuyasuwirilwa, ni kukaia na loli putu na maza risewonekie.

WAEBRANIA 12:10

Weke aba wa ndoenyi weredikanieghe kwa ngelo ndini seji werekundieghe, ela Mlungu wadikania kwa fwaida edu diweni, dighupate ghuja wueli ghwake.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

WAEBRANIA 3:6

Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

WAEBRANIA 6:11

Na isi dakunde kula umu onyu uwonyere kufunga ndighi uko koni, kwa kukatisha ijo isuwirio hata kutua.

WAEBRANIA 6:4

Angu ndeidimikagha kuwiwunja wihee sena awo wandu wimerie kulangalishirwa mwengere, wikajitoa ijo inosi ja mlungunyi, wikabonywa wangara wa Roho Mweli,

1 PETRO 4:13

Ela boilonyi kwa kukaia mwakaia wangara wa matiriro gha Kristo; eri mpate kuboilwa na kuzuma ngelo ya kufunukulwa kwa wubaa ghwake.

1 PETRO 5:1

Kwa wundu ugho, nawivoya waghosi wiko aghadi konyu, ini moni niko mghosi sa awo weni, na mshahidi wa matiriro gha Kristo, na mngara wa ghuja wubaa ghuchaafunukulwa.

1 JOHANE 1:3

Ijo Ilagho dijiwonie na kujisikira, damchilia inyo wori, eri mpate kukaia na wungara nesi. Na wungara ghodu, ni andwamweri na uja Aba, na Mwana wake Jesu Kristo.