WAEBRANIA 3:12 - Biblia Ilagho Jiboie Kwa Wandu Wose

¹² Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

WAEBRANIA 3:12 ပူးပေါင်းရင်းမြစ်များ

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

AYUBU 21:14

Wandu wawiwi wadamzera Mlungu, ‘Fuma kodu! Ndedikunde kurimanya chia rako.

AYUBU 22:17

Ni wandu weremleghieghe Mlungu, wikarumiria kukaia ndedimagha kuwibonya ilagho jingi.

ZABURI 18:21

Nailindirie sharia ya BWANA, hata sikosere kwa kumsigha Mlungu wapo anduangi.

MAKATANISHO 1:32

Wandu wisemanyagha wiabwaghwa ni kulegha hikima, na wukelu ghwawo ghuchawitotesha.

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

JEREMIA 11:8

Ela ndewerenisikireghe, hata kudegha madu ghawo kwapo, ela kula umu wawo oreghendieghe kwa kukua kwa ngolo rawo mbiwi. Kwa wundu ugho niko nerewiredieghe njowe kunughana na malagho ghose gha iji ilaghano nerewilaghirieghe wibonye, ela ndewerebonyereghe anduangi.”

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 17:5

BWANA waghamba huwu, “Mundu umsuwiriagha mdamu, na ngolo yake yaghalukie na mbai ikamsigha BWANA, uwado ni njowe.

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

JEREMIA 18:12

Ela awo wadaghamba, ‘Agho ni gha duu! Isi dichanugha mipango yedu, na kula umu odu uchanugha kuja kukua kwa ngolo yake mbiwi.’”

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

EZEKIELI 14:5

nipate kurighalua ngolo ra wandu wa Israeli cha kwapo, awo wilaghashiro na kufuma kwapo kwa wundu ghwa iyo milimu yawo.

HOSEA 1:2

Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

MATHAYO 24:4

Jesu ukawitumbulia, “Manyenyi mndungi usakemlaghasha.

MARKO 13:23

Nenyo mkumanye angu namghoria maza rose kiimbiri.”

MARKO 13:33

Manyenyi mchereshe, angu kimu charo ndemchimanyire chichakaia lii anduangi.

MARKO 13:9

“Ela manyenyi mkulindie inyo mmbeni, angu wandu wichamfunya mandunyi, na kumkaba andenyi ya masunagogi. Mchakaia kimusi imbiri ya wabonyi nguma na wazuri kwa wundu ghwapo, mpate kuwishuhudia.

LUKA 21:8

Jesu ukawitumbulia, “Mkulindie msechelaghashwa, angu wandu wengi wichacha wikitumia irina japo na kughamba, ‘Ini nuo moni!’ na ‘Ngelo yavika!’ Msakewinugha.

WAROMA 11:21

Angu ngera Mlungu ndererilekieghe rija mbashu ra asili, huwo koni ndechaakuleka oho wori.

1 WAKORINTHO 10:12

Kwa huwo, mndungi ukaririkanya kukaia wamange, ndekulindie usecheghwa.

WAKOLOSAI 2:8

Manyenyi mndungi usakemlaghasha kwa mafundisho na makalio ghake gha duu, kwa kunugha mizango ya wandu, na mafundisho gha pepo, ghiseko gha Kristo anduangi.

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

WAEBRANIA 10:31

Ni ilagho jeobosha kughwa mikonunyi kwa Mlungu uko moyo.

WAEBRANIA 10:38

Ela mhachi wapo, uchadua moyo kwa irumirio; nao ngera wawuya nyuma, ngolo yapo ndeichaaboilwanya nao anduangi.

WAEBRANIA 12:15

Manyenyi mndungi useghusowe ghuja mvono ghwa Mlungu, isechekaia muri ghungi ghwa kuwawa ghubuke na kureda wasi hata kuwilusha wandu wengi.

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

WAEBRANIA 3:10

Kwa huwo wandu wa kivalwa chija, werenivavirieghe ngolo nani ngaghamba, ‘Awo wadalaghaya toe ngolonyi kwawo na chia rapo ndewirimanyire anduangi.’

WAEBRANIA 3:19

Kwa wundu ugho, dawona angu werelemeloghe ni kungia kwa kusowa irumirio.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.