WAEBRANIA 3:10 - Biblia Ilagho Jiboie Kwa Wandu Wose

¹⁰ Kwa huwo wandu wa kivalwa chija, werenivavirieghe ngolo nani ngaghamba, ‘Awo wadalaghaya toe ngolonyi kwawo na chia rapo ndewirimanyire anduangi.’

WAEBRANIA 3:10 ပူးပေါင်းရင်းမြစ်များ

KUZOYA 6:6

BWANA ukawawa na kusirimika ngolonyi angu oremuumbieghe mdamu na kummbika ndoenyi.

ZABURI 147:20

Ndebonyere huwo kwa mbari ingi zima, ndewiichi sharia rake. BWANA ndekaso.

ZABURI 67:2

Chia yako imanyike andoenyi, na kukia kwako kumanyike kwa mbari rose ra wandu.

ZABURI 78:40

Ni kalinga werekoghe wikimlegha kireti, na kumvavira ngolo ikarenyi!

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

ZABURI 95:10

Kivalwa icho cherenivavirieghe ngolo kwa miaka mirongo ina. Ngaghamba, “Ni wandu wisenisikiragha, hata ndewitalagha Sharia rapo anduangi.”

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

ISAYA 63:10

Ela weremleghieghe wikamvavira Roho Mweli, nao moni ukaghaluka kukaia m'maiza wawo, ukawoka kulwa nawo.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

HOSEA 4:12

Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya.

MATHAYO 20:24

Nao iji waja wanughi wazima ikumi wasikira agho, wikawibonyera machu uja mundu na mruna.

MARKO 3:5

Ukawizighana wose kwa machu, ukawawa ni ngolo kwa wundu ghwa awo kukaia na ngolo rikurie; ukamzera uo mundu, “Ghorua mkonu ghwako.” Nao ukaghughorua, na mkonu ghwake ghukaboa.

JOHANE 8:45

Ela angu ini nawuyamghoria loli, niko msewuerumiria.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

WAROMA 3:7

Ela ikakaia kwa chia ya makosa ghapo, loli ya Mlungu iawonyera wubaa ghwake worinyi, kwaki sena ini niduagha ngitanywa kukaia mkaung'a?

WAEFESO 4:30

Hata msakemvavira Roho Mweli wa Mlungu, uo morekabiloghe muhuri andenyi kwake, hata ituku ja kukombolwa konyu.

WAEBRANIA 3:12

Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

WATANYI 10:16

Wikainja milungu ya kighenyi kufuma kwawo, wikamdumikia BWANA; nao ukawawa kwa wundu ghwa wasi ghwa Waisraeli.