WAEBRANIA 3:1 - Biblia Ilagho Jiboie Kwa Wandu Wose

¹ Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

WAEBRANIA 3:1 ပူးပေါင်းရင်းမြစ်များ

ZABURI 110:4

BWANA waghemie, nao ndechaaghaluka: “Oho ko mkohani kwa kala na kala kwa kunughishira wukohani ghwa Melkizedeki.”

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

ISAYA 41:20

Wandu wichawona na kumanya, wizighane na kutambukilwa chiaimweri, kukaia ndighi ra BWANA niro rabonya agho, ee, Mlungu Mweli wa Israeli nuo ughibonyere.”

ISAYA 5:12

Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

EZEKIELI 12:3

Kwa wundu ugho ee mwana wa mdamu, kufunge msigo ghwako nadime wandu wikiwona, ugho msigo ghoghenda wubarishonyi; kuchafuma andu kuko, kughende andu kuzima wikiwona; kewada wadima kutambukilwa hata ngera ni wandu welegha.

EZEKIELI 18:28

Kwa kukaia wacheemanya ukaghaluka kufuma kwa makosa ghake oreghibonyereghe; loli uchakaia moyo, ndechaafwa anduangi.

HAGAI 1:5

Ndemmbonagha seji mwawuyapatwa ni malagho?

HAGAI 2:15

BWANA waghamba, “Wonenyi agho ghimpatire imbiri msezoe kuagha Hekalu.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

JOHANE 20:21

Jesu ukawizera sena, “Sere ndeikaie konyu. Sa iji koni Aba orenidumieghe ini, niko koni namduma inyo.”

JOHANE 20:27

Nao ukamzera Tomasi, “Reda chala chako kuvizighane vikoto vapo, reda mkonu ghwako kughungire luwarunyi kwapo. Kusakekaia mundu userumiriagha, ela uo urumiriagha!”

MABONYO GHA WADUMI 1:15

Nao matuku agho, korekoghe na ikwanyiko ja wanidu sa ighana na mirongo iwi. Petro ukawuka kimusi aghadi ya wanidu ukaghamba,

WAROMA 11:17

Ela ngera awo sa mbashu ra mzeituni rerechikanyiroghe, na oho sa lumbashu lwa mzeituni ghwa isakenyi kukakakadishirwa wulalo ghwawo, eri kuwaghilo kuja kudeghedeka ni mzeituni ghwa loli;

WAROMA 15:27

Werefunyireghe kwa kuboilwa, ela kwa loli erewifwanieghe wibonye huwo; angu ngera wandu wa mbari zima wawaghane na waeli marasimio gha kiroho, yawifwana wandu wa mbari zima nawo weni wiwidumikie waeli kwa marasimio gha kimumbi.

WAROMA 15:8

Angu namzera inyo, Kristo orewurieghe mdumiki wa awo wishamishiro, upate kuwonyera wuloli ghwa Mlungu, na kughimangisha agho malaghiro gherenekeloghe weke wawa;

WAROMA 9:24

Angu isi de awo wandu orediwangieghe, si kufuma kwa Wayahudi weni wiekeri, ela hata na kufuma kwa awo wandu wa mbari zima wori.

1 WAKORINTHO 1:2

damuandikia inyo ikanisa ja Mlungu jiko Korintho, inyo mmbose mueleshero andenyi ya Kristo Jesu, mmbangilo mkaie waeli, andwamweri na awo wose andu kose wijiwangiagha irina ja Bwana Jesu Kristo; nao ni Bwana wawo na Bwana odu.

1 WAKORINTHO 10:17

Kwa kukaia ugho mkate ni ghumweri; isi, hata ngera deko wengi, de mumbi ghumweri; angu isi diwose dadawaghiana ugho mkate ghoni ghumweri.

1 WAKORINTHO 9:23

Maza iri naawuyaribonya kwa wundu ghwa Ilagho Jiboie, eri nipate iwaghio ja marasimio gharo.

2 WAKORINTHO 1:7

Isuwirio diko najo kwa wundu ghonyu jamange; angu damanya sa iji koni mwawuyakaia wangara wa matiriro ghedu, huwo koni mchakaia wangara wa kuhoreshwa kodu.

2 WAKORINTHO 9:13

Kwa chia ya kutimwa kwaro wudumiki ughu, wichamkasa Mlungu wikiwona seji mwawuyasikira, kwa kujirumiria ijo Ilagho Jiboie ja Kristo; na kwa wundu ghwa iyo ngolo enyu ndicha efunya, kwa wundu ghwawo na kwa wazima wose;

WAEFESO 3:6

kukaia, wandu wa mbari zima wapatire kuwuya wandu wa ifwa, via va ghuja mumbi ghumweri, na wangara wa ijo ilaghiro Mlungu orejibonyereghe andenyi ya Kristo Jesu kwa chia ya Ilagho Jiboie.

WAEFESO 4:1

Kwa huwu, ini niko mfungwa kwa wundu ghwa Bwana, namlomba mkaie na kughenda kufwananagha na kuwangwa konyu uko morewangiloghe.

WAEFESO 4:4

Mumbi ni ghumweri, na Roho ni umweri, sa iji koni morewangiloghe ni Mlungu kwa ijo isuwirio jimweri ja kuwangwa konyu.

WAFILIPI 3:14

Nafunga ndighi kughenda imbiri, nipate kuvikia andu aho jiko ijo inosi nijiwangilo ni Mlungu, kwa chia ya Kristo Jesu.

WAKOLOSAI 1:12

Mkimfunyira Aba chawucha, uo umdimishire kukaia wandu wifwane kukaia wangara wa ijo ifwa ja waeli, andenyi ya ugho mwengere.

WAKOLOSAI 1:22

Ela idana, wampatanishire na uo moni kwa chia ya kifwa cha Mwana wake, uko na mumbi ghwa nyama; upate kumreda inyo imbiri kwake wandu wielie, msewadie iboli hata ikosa jingi.

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

1 WATHESALONIKE 2:12

angu mkaie na irangi jim'boiagha Mlungu, uo ummbangagha inyo andenyi ya Wuzuri na wubaa ghwake moni.

1 WATHESALONIKE 5:27

Namlaghira kwa irina ja Bwana kukaia barua ihi ishomelo wanidu wose.

2 WATHESALONIKE 1:11

Kwa wundu ughu, dawuyamlombia inyo matuku ghose, eri Mlungu odu upate kum'bonya mkaie wandu wifwane kwa ijo irangi oremmbangieghe; nenyo mdime kukatisha kula ilagho icha, na kazi ya irumirio kwa ndighi rake;

2 WATHESALONIKE 2:14

Mlungu oremmbangieghe ilagho iji kwa chia ya Ilagho Jiboie deremchilieghe inyo, eri mughupate ugho wubaa ghwa Bwana odu Jesu Kristo.

1 TIMOTHEO 6:12

Lwaa ghuja wuda ghuboie ghwa irumirio, kujiwadie jija irangi ja kala na kala, ijo korejiwangiloghe iji korerumirieghe nicha imbiri ya washahidi wengi.

1 TIMOTHEO 6:2

Awo wazumba wiko na weke bwana wirumiriagha, wisakewisowia ishima angu wei wiko wanidu. Wulalo ghwaro suti widumike nicha kuchumba, kwa kukaia awa wipatagha fwaida kwa wudumiki ghwawo ni warumirii na wakundwa. Kurifundishe na kushashira maza iri.

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.

2 TIMOTHEO 2:7

Ririkanya agho nighoragha, angu Bwana uchakuneka kutambukilwa ni maza rose.

WAEBRANIA 10:19

Kwa huwu wanidu, deko na wuwana ghongia Andu kwa Wueli kwa bagha ya Jesu;

WAEBRANIA 10:21

Na kwa kukaia deko na mkohani m'baa wa nyumba ya Mlungu,

WAEBRANIA 10:23

Ndedimazire uko kurumiria kwa isuwirio jedu, disakenyavurika; angu uo ulaghirie ni mloli.

WAEBRANIA 13:22

Namlomba wanidu mrumaghie mafundisho ghapo, angu naamwandikia kwa wuvui.

WAEBRANIA 2:11

Angu uo ueleshagha, na awo wieleshwagha, weefuma kwa Ndee umweri. Kwa wundu ugho niko Jesu usefwagha waya kuwiwanga waruna

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

WAEBRANIA 3:12

Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

WAEBRANIA 3:14

Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

WAEBRANIA 6:20

andu Jesu uzoe ukakiria na kungia kwa wundu ghodu, uendawuya Mkohani M'baa wa kala na kala, kwa kunughishira wukohani ghwa Melkizedeki.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

WAEBRANIA 7:28

Loli Sharia yawiwika wandu wiko na wunyonge wikaie wakohani wabaa, ela ilaghiro jibonyero kwa ighemi, najo jerechieghe nyuma ya Sharia, jammbika Mwana uo ukatishiro kwa kala na kala.

WAEBRANIA 9:11

Ela Kristo uendacha, uo sa Mkohani M'baa wa maza ndicha richee, kwa chia ya ija hema mbaa ikatie kuchumba (isebonyero kwa mikonu, kutambua kwaro iseko ya kuumbwa uku),

WAEBRANIA 9:15

Kwa huwo, Jesu nuo mpatanishi wa ijo ilaghano iwishi; eri awo wiwangilo, wipate kujiwusa ijo ifwa ja kala na kala jilaghirilo; kwa kukaia kifwa chapatikie, icho chiwikombuagha wandu kufuma makosenyi ghaja gherebonyeroghe ngelo ya ilaghano ja imbiri.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

1 PETRO 3:5

Huwo niko waja waka wielie wa kala awo weremsuwirieghe Mlungu, werekoghe wikikupamba; nawo werekuwikieghe aisi ya womi wawo,

1 PETRO 5:1

Kwa wundu ugho, nawivoya waghosi wiko aghadi konyu, ini moni niko mghosi sa awo weni, na mshahidi wa matiriro gha Kristo, na mngara wa ghuja wubaa ghuchaafunukulwa.

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.

1 JOHANE 1:3

Ijo Ilagho dijiwonie na kujisikira, damchilia inyo wori, eri mpate kukaia na wungara nesi. Na wungara ghodu, ni andwamweri na uja Aba, na Mwana wake Jesu Kristo.

JUDA 1:1

Ini Juda mdumiki wa Jesu Kristo mruna Jakobo, nawiandikia awo wandu wiwangilo, wikundo ni Mlungu uja Aba, na kulindilwa kwa wundu ghwa Jesu Kristo.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”