WAEBRANIA 2:9 - Biblia Ilagho Jiboie Kwa Wandu Wose

⁹ Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.

WAEBRANIA 2:9 ပူးပေါင်းရင်းမြစ်များ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

MATHAYO 16:28

Namghoria loli, weko wandu aha wisechaafwa anduangi hata wameria kummbona Mwana wa Mdamu ukicha kwa Wuzuri ghwake.”

MATHAYO 6:28

Kwaki sena mughisumbukiagha marwao? Rizighanenyi mboi ra mlambenyi seji rizoghuagha; nderibonyagha kazi hata nderilukagha anduangi.

MARKO 9:1

Ukachuria kuwizera, “Namghoria loli, koko wandu wiko kimusi aha, na jingi wisechaatoa kifwa anduangi, hata wameria kughuwona wuzuri ghwa Mlungu ghukicha kwa ndighi.”

LUKA 9:27

Nani namghoria loli, koko na wandu wiko kimusi aha wisechaawona kifwa, hata wameria kughuwona wuzuri ghwa Mlungu.”

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

JOHANE 10:17

“Uja Aba wanikunda kwa kukaia najifunya irangi japo nipate kujiwusa sena.

JOHANE 12:32

Nani ngameria kujoswa aighu ya ndoenyi, nichawiruda wandu wose cha kwapo.”

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

JOHANE 8:51

Namghoria loli, uo usikiragha mafundisho ghapo ndechaafwa anduangi.”

JOHANE 8:52

Wayahudi wikamzera, “Idana damanya loli angu koko na pepo. Abrahamu wafue, na walodi wafue, na oho kwadizera wei, ‘Uo usikiragha mafundisho ghapo ndechaafwa anduangi.’

MABONYO GHA WADUMI 2:33

Nao moni, umeria kujoswa kwa mkonu ghwa kiwomi ghwa Mlungu, na kuwusa kufuma kwa Aba ijo ilaghiro ja Roho Mweli, niko wachidia ichi mchiwonagha na kuchisikira wori.

MABONYO GHA WADUMI 3:13

Mlungu wa Abrahamu, Isaaka, na Jakobo; Mlungu wa weke aba wedu, wamneka wubaa mdumiki wake Jesu uo moremfunyireghe na kumlegha imbiri ya Pilato; iji orekundeghe kumfungua.

WAROMA 5:18

Angu sa iji koni ikosa ja mundu umweri jiredie kutanywa kwa wandu wose, ni huwo koni na ibonyo ja hachi ja mundu umweri jaredie kulekwa makosa na kupata irangi kwa wandu wose.

WAROMA 5:8

Ela Mlungu wawonyera seji udikunde, angu hata iji derekoghe dikikaia kaung'enyi Kristo orefueghe kwa wundu ghodu.

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

2 WAKORINTHO 5:15

Nao orefueghe kwa wundu ghwa wose, eri awo wiko moyo wisakekaia moyo sena kwa wundu ghwawo weni anduangi, ela wikaie moyo kwa wundu ghwa uo orefueghe, na kurukishwa kwa wundu ghwawo.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAGALATIA 4:4

Ela iji ngelo yakatia, Mlungu oremdumieghe Mwana wake ukavalwa ni muka, nao orevaloghe aisi ya Sharia,

1 TIMOTHEO 2:6

uo orekufunyireghe moni ukaie wukomboli kwa wundu ghwa wandu wose, nagho ni wushuhuda ghufunyiro kwa ngelo yaro.

WAEBRANIA 1:9

Oho kwaikunda hachi, na kuzamilwa ni kiwiwi; Kwa huwo Mlungu, Mlungu wako wakushingie mavuda, na kukuneka kuboilwa kubaa kuchumba wambenyu.”

WAEBRANIA 10:5

Kwa wundu ghwa agho, Kristo uendacha wurumwengunyi, oreghambieghe huwu, “Oho ndekorekoghe na haja ya vizongona na mafunyo ghangi, ela koreniboisireghe mumbi.

WAEBRANIA 11:5

Kwa irumirio, Enoko oredwaloghe nokoighu usewone kifwa, nao nderewonekieghe anduangi, angu Mlungu oremdwaeghe. Elaima imbiri usedwalo, oreshuhudiloghe kukaia mundu um'boiagha Mlungu.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

WAEBRANIA 2:7

Oho korem'bonyereghe mtini kuchumba weke malaika kwa ngelo ndini, kukamrusha kirumbu cha wubaa na ishima;

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

WAEBRANIA 8:3

Kula Mkohani M'baa wadawikwa kwa kazi efunya manosi na vizongona, nao moni wori, suti ukaie na kindo chimu chefunya.

1 PETRO 1:21

Kwa chia yake uo, moko na irumirio kwa Mlungu, uo oremrukishireghe kufuma kwa wafu, na kumneka wubaa; eri irumirio jenyu, na isuwirio jenyu, jikaie kwa Mlungu.

1 JOHANE 2:2

nao nuo wushano ghwa kaung'a redu; hata si kwa wundu ghwa kaung'a redu reni riekeri anduangi, ela na ra wurumwengu ghose wori.

WUFUNUO 19:12

Meso ghake gherekoghe sa lumu lwa modo, urwae virumbu vingi chongonyi kwake; nao oko na irina ijo mndungi usedimagha kujimanya, ela uo moni uekeri.

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.