WAEBRANIA 13:9 - Biblia Ilagho Jiboie Kwa Wandu Wose

⁹ Msakelaghashwa ni mafundisho mazima mazima gha kighenyi; angu ni nicha iyo ngolo imangisho kwa mvono ghwa Mlungu, hata si kwa vindo anduangi; ivo visemnekagha fwaida ingi uo mundu unughanagha navo.

WAEBRANIA 13:9 ပူးပေါင်းရင်းမြစ်များ

ZABURI 112:8

Ngolo yake yadakaia kidombo usena wowa, hata uvikie kuwona wamaiza wake wikisimwa.

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 24:4

Jesu ukawitumbulia, “Manyenyi mndungi usakemlaghasha.

LUKA 5:38

Ela divei mbishi ni suti idungirilo viribenyi viwishi.

MABONYO GHA WADUMI 20:30

na wandu wamu wichawuka aghadi konyu mmbeni wighoragha tee, wipate kuwilaghasha awo wanughi wiwonewinugha.

MABONYO GHA WADUMI 20:32

“Na idana nammbika kwa Mlungu, na kwa ilagho ja mvono ghwake, ijo jidimagha kumuagha na kumneka ifwa andwamweri na wose wieleshwagha.

WAROMA 14:17

Angu wuzuri ghwa Mlungu si kuja na kunywa anduangi, ela ni hachi, na sere, na kuboilwa andenyi ya Roho Mweli;

WAROMA 14:2

Mndumu warumiria wadima kuja vindo vose, uo mnyonge nao wadaaja mbogha ra malemba reni.

WAROMA 14:6

Uo ujitalagha ituku wajitala kwa kumneka Bwana ishima. Uo ujagha wori, waja kwa kumneka Bwana ishima, kwa kukaia wamfunyira Mlungu chawucha; na uhu usejagha, wasigha kuja kwa kumneka Bwana ishima; nao wamfunyira Mlungu chawucha.

1 WAKORINTHO 6:13

“Vindo veewikwa kwa wundu ghwa kifu na kifu kwa wundu ghwa vindo,” ela Mlungu uchavitotesha vose. Mumbi ndeghuwikilo kwa wundu ghwa wulaki, ela kwa wundu ghomdumikia Bwana, na Bwana kwa wundu ghwa mumbi.

1 WAKORINTHO 8:8

Elaima vindo ndevidimagha kudisoghora kaavui na Mlungu anduangi. Dikakaia disejie, ndedipungukilwagha ni kilambo chingi; hata dikaja, ndedichurikiagha kwa kilambo chingi anduangi.

2 WAKORINTHO 1:21

Ela Mlungu moni, nuo udimangishagha isi na inyo andenyi ya Kristo; nao wadidumie,

WAGALATIA 6:1

Wanidu, ngera mndungi wawadwa na ikosa jingi, inyo muko wa kiroho, mumtesie kwa roho ya wumboa; mkikulindia inyo mmbeni msechetimwa wori.

WAEFESO 4:14

eri diseduo wanake wekumbwa-kumbwa ii chia na ii chia, na kudukwa ni kula mbeo ya mafundisho kwa mikalo ya wandu, na kwa wuya ghwawo ghwa tee.

WAEFESO 5:6

Msakekalilwa ni mndungi kwa madedo maduu, angu kwa wundu ghwa maza iri, machu gha Mlungu ghawichea awo wisesikiragha.

WAKOLOSAI 2:4

Naghora huwu, eri mndungi usemkalie kwa madedo gha wukalo.

2 WATHESALONIKE 2:17

ndemhoreshe ngolo renyu na kurimangisha kwa kula ilagho, na kazi ndicha.

2 WATHESALONIKE 2:2

msekambo ni chongo icho kisha, angu kusumbuka kwa ilagho jingi ja kiroho, angu kwa barua ingi iwonekagha kukaia yafuma kodu, ikiwonyera wei Ituku ja Bwana jameria kuvika.

1 TIMOTHEO 6:20

Ee Timotheo, lindia icho cherewikiloghe mikonunyi kwako. Kughiinjikie na mbai madedo ghisewadie kuobua kwa Mlungu, na nganyi ra wukelu iro riwangwagha kumanya, ela ni tee;

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

JUDA 1:12

Wandu awa weeka sa maboli gha wuchafu andenyi ya karamu renyu ra lukundo, wikijanya nenyo wisene waya, na kukukunda weni. Weeka sa mawingu ghisewadie machi, ghidukwaa-dukwa ni mbeo; ni sa midi isewadie matunda ngelo ya kimu cha matunda, iko seji eekulwa na kufwa putu.

JUDA 1:3

Wakundwa, ngikaia na bea mbaa emuandikia malagho aighu ya kukia kodu isi diwose, nerewonieghe ni suti niandike, ngimlomba angu mujidederie ijo irumirio werenekeloghe awo waeli indo jimweri tua.