WAEBRANIA 13:7 - Biblia Ilagho Jiboie Kwa Wandu Wose

⁷ Wikumbukenyi vilongozi venyu, ivo veremghorieghe Ilagho ja Mlungu; ririkanyenyi mighendo na uko kutua kwawo, nenyo msunge irumirio jawo.

WAEBRANIA 13:7 ပူးပေါင်းရင်းမြစ်များ

LUMBO 1:8

Kamanya kuseichi andu kwaro, ee muka kufwano kuchumba wose, ghenda kunughe chwau ra mfugho, kulishe ndaghina rako kaavui na hema ra walisha.

MATHAYO 24:45

“Nani uo mdumiki uko mloli na wa akili, uo bwana wake uchaammbika aighu ya wandu wake, uwineke vindo kwa kimu charo?

LUKA 12:42

Bwana ukamzera, “Idana mdumiki mucha na wa akili ni uao, uo Bwana wake uchaammbika aighu ya nyumba yake, uwiwaghie wadumiki wambao vindo vawo, kwa ngelo yaro?

LUKA 5:1

Nao iji orekoghe kimusi mbai mbai ya ndiwa ya Genesareti, wandu wengi wikacha na kumtindiria wikikunda kujisikira ilagho ja Mlungu.

LUKA 8:11

“Mfwano ugho kutambua kwaro niko uku: Mbeu ni ilagho ja Mlungu.

MABONYO GHA WADUMI 13:46

Hata huwo saki, Paulo na Barnaba wikaghora kwa wuwana wikighamba, “Erekoghe suti ilagho ja Mlungu jighoro konyu kande. Idana angu mwajilegha, na kukutanya inyo mmbeni kukaia wandu msefwane irangi ja kala na kala, olenyi diaghenda kwa wandu wa mbari zima.

MABONYO GHA WADUMI 14:23

Hata wimeria kuwisaghuya waghosi kula ikanisa, wikilomba na kufunga tumu, wikawiwika kwa Bwana uo weremrumirieghe.

MABONYO GHA WADUMI 4:31

Hata iji wameria kulomba, andu aja werekwanyikieghe kukasughusika; wikachulwa ni Roho Mweli wose, na kughora Ilagho ja Mlungu kwa wuwana.

WAROMA 10:17

Kwa huwo irumirio jiachanya na kusikira Ilagho, na jija Ilagho jiachanya na kumchila Kristo.

1 WAKORINTHO 10:13

Ndekuwadie itimo jingi jimpatire, iseeka ni ijo jeni jiwipatagha wandu wose. Mlungu ni mloli, nao ndechaamsigha mtimo kuchumba ndighi renyu; ela chiaimweri na jija itimo, uchaboisa chia ejifuma, eri mdime kujirumaghia.

1 WAKORINTHO 11:1

Nisungenyi ini, sa iji koni nawuyamsunga Kristo.

1 WAKORINTHO 4:16

Niko namvoya mnughe mfwano ghwapo.

WAFILIPI 3:17

Wanidu, munisungeghee; nenyo muwimanye awo wawuyakaia na mfwano ugho ghoni mwawuyaghuwona kodu.

1 WATHESALONIKE 1:6

nenyo mkakufwananisha nesi, na kukufwananisha na Bwana; angu morejiwusireghe ijo ilagho kwa wasi mungi, muko na kuboilwa kufumagha kwa Roho Mweli;

1 WATHESALONIKE 2:13

Wokoni dadamfunyira Mlungu chawucha kwa wundu ughu, kukaia, mwendajiwusa ilagho ja Mlungu, ijo morejisikireghe kufuma kodu, morejirumirieghe; si sa ilagho ja wadamu anduangi, ela morejirumirieghe sa iji koni jiko ilagho ja Mlungu, ijo jibonyagha kazi andenyi konyu inyo warumirii.

2 WATHESALONIKE 3:7

Angu inyo mmbeni mwamanya seji imfwane kukufwananisha nesi; isi ndederekoghe waghadi iji derekwanyeghe nenyo,

2 WATHESALONIKE 3:9

Si angu wei ndediwadie hachi emlemera, ela dedekunda dimmbonyere mfwano ghwa tabia edu, mpate kukufwananisha nagho.

1 TIMOTHEO 3:5

Ikakaia mundu usedimagha kuibonyera nguma nyumba yake cheni, udima wada kujilindia ikanisa ja Mlungu?

WAEBRANIA 13:17

Muvisikire vilongozi venyu na kukuwika aisi kwawo, angu vaawuyacheresha kwa wundu ghwa roho renyu, kwa kukaia wichafunya mtalo ghwa wudumiki ghwawo. Bonyenyi huwo wipate kudumika kwa kuboilwa isakekaia kwa wasi; angu wikabonya kwa wasi, ndempatagha fwaida ingi anduangi.

WAEBRANIA 13:24

Muwiroghuo vilongozi venyu, na awo waeli wose. Awanidu wifumie Italia wamroghua.

WAEBRANIA 6:12

Msekaie waghadi, ela mkufwananishe na awo wichaajipata ifwa ijo ilaghiro, kwa chia ya irumirio na irumaghio.

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

WUFUNUO 20:4

Niko ngawona vifumbi va nguma, na awo wereviserieghe, ni awo werenekeloghe nguma retanya. Na wokoni nerewonieghe roho ra wandu weredumbuloghe vongo kwa wundu ghwa kumshuhudia Jesu, na kwa wundu ghwa ilagho ja Mlungu, awo wisereitasireghe iyo nyamandu hata mlimu ghwake; hata ndewerebonyeroghe alama ingi yake chamunyi kwawo, angu mikonunyi kwawo anduangi. Wikakaia moyo, na kubonya nguma andwamweri na Kristo miaka elfu.

WUFUNUO 6:9

Hata iji uo Mwana wa Ng'ondi oreghufungueghe ugho muhuri ghwa kasanu, nerewonieghe aisi ya madhabahu roho ra wandu werebwaghiloghe kwa wundu ghwa ijo ilagho ja Mlungu, na kwa wundu ghwa wushuhuda werekoghe nagho;