WAEBRANIA 13:4 - Biblia Ilagho Jiboie Kwa Wandu Wose

⁴ Ndoa ineko ishima ni wandu wose, na awo wilowuane wikaie waloli kula mundu na mmbao; angu Mlungu uchawitanya walaki, na awo wiselagha na waka wa wandu.

WAEBRANIA 13:4 ပူးပေါင်းရင်းမြစ်များ

KUZOYA 2:21

BWANA Mlungu ukamredia uo mundu dilo nyingi, nao uko dilonyi, Mlungu ukamfunya luwaru lumu, ukachura nyama wulalo ghwaro;

KUZOYA 2:24

Kwa huwu mundu wadamsigha ndee na mae, na kumazirana na mkake, nawo wadawuya mumbi ghumweri.

2 WAZURI 22:14

Niko Mkohani M'baa Hilkia, na Ahikamu, na Akbori, na Shafani na Asaia, wikaghenda kwa mlodi wa waka Hulda mka wa Shalumu mwana wa Tikva, wawae Harhasi mlindiri wa kabati ya nguwo, (orekoghe ukikaia Jerusalemu, mtaa ghwa kawi); wikaja malagho nao.

AYUBU 31:12

Wulaki ni sa modo ghulunguragha ghwa Jehanamu ghudimagha kutotesha kula kindo niko nacho.

ISAYA 8:3

Niko ngamghendia uja mlodi wa waka mkwapo, nao ukapata kifu, ukava mwana wa womi. BWANA ukanizera, “Mmbange, ‘Maher-shalal-hash-bazi;’

WALAWI 15:18

Mndungi ukalala na muka hata ufumo ni mbeu rake, suti wose wawi wikuoghoshe kwa machi; nawo wichatalwa kukaia wiseelie hata luma lwa kenyi.

WALAWI 18:20

Kusekulushe kwa kulala na muka wa mmbenyu.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

1 WAKORINTHO 5:13

Mlungu uwitanya waja wiko shighadi. “Mmbingenyi uja mundu mmbiwi ufume aghadi konyu.”

1 WAKORINTHO 6:18

Kukimbienyi kulaka. Kula kaung'a mundu uibonyagha, wadaibonya shighadi ya mumbi; ela uo ulakagha, wadaghubonyera kaung'a mumbi ghwake ghoni.

1 WAKORINTHO 6:9

Huwu ndemmanyire angu wawiwi ndewichaapata ifwa ja wuzuri ghwa Mlungu? Msakekalilwa; walaki, watasi milimu, wandu wiselagha na waka wa wandu, womi wikubonyagha weni sa waka, na womi wikanyagha na womi sa waka,

1 WAKORINTHO 7:38

Kwa wundu ugho, uo ulowuagha mchumba wake, uchabonya nicha; na uo uselowuagha, uchabonya nicha kuchumba.

1 WAKORINTHO 9:5

Ndediko na hachi enughana na muka urumiriagha, karakara na wadumi wazima, na waruna Bwana, na Kefa anguwada?

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

WAGALATIA 5:19

Idana kazi ra mumbi rawoneka worinyi, naro ni kulaka, ikakala, kushughunuka,

WAGALATIA 5:21

bea, kuwongia, lwafuo, na maza zima rifwane huwo. Namghoria, seji koni neremghorieghe imbiri wori, kukaia, awo wibonyagha maza sa iro, ndewichaapata ifwa ugho wuzuri ghwa Mlungu anduangi.

WAEFESO 5:5

Manyenyi kwa loli, ndekuwadie mlaki ungi, angu mundu useelie, angu mundu wa iriso (nao nuo mtasi milimu), uko na ifwa jingi andenyi ya wuzuri ghwa Kristo na ghwa Mlungu anduangi.

WUKUMBUSO 22:22

“Mundu ukawadwa ukilala na muka wa mundu mzima, wose wichabwaghwa mndwawomi na muka. Na kwa iyo chia, mchainja ugho wuwiwi kwa Israeli.

1 WATHESALONIKE 4:6

mndungi usakemkita hata kumkosera mruna aighu ya maza iri, kwa kukaia Bwana wadalipia kisasi aighu ya maza iri rose; sa iji koni deremghorieghe imbiri na kumkania.

1 TIMOTHEO 3:12

Watesia wa ikanisa wikaie womi wa muka umweri-umweri, wikaie wandu wiwibonyeragha wana wawo nguma nicha, na nyumba rawo.

1 TIMOTHEO 3:2

Idana mzighaniri wa ikanisa ni suti ukaie usewadie ikosa jingi; ukaie mndwawomi wa muka umweri, udimagha kukumazira, uko na akili nicha, mundu wa ishima, ukaribishagha wandu, uichi kufundisha,

1 TIMOTHEO 3:4

Suti ukaie mundu uibonyeragha nguma nyumba yake nicha, mundu uwibonyagha wana wake wimsikire, na kukaia na ishima kwa kula chia.

1 TIMOTHEO 4:3

Wandu awo wichaghiria wandu kulowua, na vindo, navo Mlungu orevibonyereghe viwuso kwa chawucha ni awo wirumiriagha, na kuimanya ija loli.

1 TIMOTHEO 5:14

Kwa wundu ugho, niawona waka wifuilo ni womi wawo wiko watini, wilowolo, wive wana, wiribonyere nguma nyumba rawo; wisechemneka mmaiza wulalo ghodisholia.

TITO 1:6

Mghosi ukaie mundu usewadie ikosa jingi, mndwawomi wa muka umweri, uko na wana wirumiriagha, wiseghorwagha kwa maza rizamie kwa kulegha kusikira.

WAEBRANIA 12:16

Mndungi usekaie mlaki, angu usemuobuagha Mlungu sa Esau uo oreuzireghe hachi ya kuvalwa kwake kwa vindo va ngelo imweri.

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.