WAEBRANIA 13:20 - Biblia Ilagho Jiboie Kwa Wandu Wose

²⁰ Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,

WAEBRANIA 13:20 ပူးပေါင်းရင်းမြစ်များ

2 SAMUELI 23:5

Hee, si huwo koni kivalwa chapo chiko na Mlungu? Angu orenibonyereghe ilaghano ja kala na kala, jilaghirilo na kumangishwa kwa wundu ghwa vilambo vose. Welee, ndechaanibonya niwone nicha na kunikatishira bea yapo anguwada?

1 MALAGHO GHA NGELO 16:17

orejimangishireghe kwa Jakobo jikaie sharia, kwa Israeli jikaie ilaghano ja kala na kala.

2 MALAGHO GHA NGELO 30:12

Wokoni wandu wa Juda wikateselwa ni Mlungu kukaia na ngolo imweri na kubonya seji mzuri na wabaa werelaghirieghe kwa ilagho ja BWANA.

ZABURI 23:1

BWANA nuo mlisha wapo, sichaasowa kindo chingi anduangi;

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

KUFUMA 24:8

Niko Musa ukawusa bagha erekoghe bakulinyi, ukawimichira wandu ukighamba, “Ihi niyo bagha ya ijo ilaghiro BWANA orebonyereghe nenyo, iji oremnekieghe malaghiro agha ghose.”

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

ISAYA 61:8

BWANA waghamba, “Ini BWANA nadakunda loli, nadazamilwa ni kusoka na makosa; nani nichawilipia wandu wapo kwa hachi, na kubonya nawo ilaghano ja kala na kala.

ISAYA 63:11

Niko wikakumbuka matuku gha kala gha Musa mdumiki wa Mlungu, wikakotia, “Oko hao uo BWANA orewijosereghe vilongozi kufuma baharinyi? Oko hao uo BWANA orewinekieghe awo wandu Roho wake Mweli?

JEREMIA 32:40

Nani nichabonya ilaghano ja kala na kala nawo, kukaia sichaaleka kuwibonyera mecha. Nichawibonya winiobuo wisechewuya nyuma na kunisigha.

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

EZEKIELI 37:26

Nichabonya ilaghano ja sere nawo, najo jichakaia ilaghano ja kala na kala. Nichawimangisha na kuwibonya wichurikie; na Andu Kwapo kwa Wueli nichakuwika aghadi kwawo kwa kala na kala.

ZEKARIA 9:11

BWANA waghamba, “Na kwa wundu ghwa ilaghano japo na oho jimangishiro kwa bagha ya kizongona, nichawifungua wandu wako wifume andenyi ya kina chisewadie machi.

MATHAYO 26:28

angu ihi niyo bagha yapo ya ilaghano idikagha kwa wundu ghwa wengi kulekwa kaung'a.

MARKO 14:24

Ukawizera, “Ihi niyo bagha yapo ya ilaghano, idikagha kwa wundu ghwa wandu wengi.

LUKA 22:20

Na wokoni nyuma ya vindo ukawada kikombe ukighamba, “Kikombe ichi ni ilaghano iwishi kwa bagha yapo idikagha kwa wundu ghonyu.]

JOHANE 10:11

“Ini nuo Mlisha mucha. Mlisha mucha wadafunya irangi jake kwa wundu ghwa ng'ondi.

JOHANE 10:14

Ini nuo Mlisha mucha. Iro rapo nariichi, naro wori raniichi ini,

MABONYO GHA WADUMI 13:30

Ela Mlungu oremrukishireghe kufuma kwa wafu,

MABONYO GHA WADUMI 17:31

Angu wawikie ituku jechaghutanya wurumwengu kwa hachi, kwa mundu uo oremmbikieghe; nao wawiwonyera wandu wose wuloli ghwa ilagho ijo kwa kumrukisha mundu uo kufuma kwa wafu.”

MABONYO GHA WADUMI 2:24

Ela Mlungu oremrukishireghe kufuma kwa wafu, ukamuinja luwawo lwa kifwa, angu ndeeredimikieghe chimmazire anduangi.

MABONYO GHA WADUMI 2:32

Uo Jesu, Mlungu oremrukishireghe kufuma kwa wafu, nesi diwose deko washahidi wa maza iri.

MABONYO GHA WADUMI 3:15

Mkam'bwagha uja M'baa wa irangi, ela Mlungu oremrukishireghe kufuma kwa wafu, nesi deko washahidi wa maza iri.

MABONYO GHA WADUMI 4:10

ndejimanyike konyu na kwa Waisraeli wose kukaia, kwa irina ja Jesu Kristo wa Nazareti, uo moremsulubishireghe, nao moni Mlungu ukamrukisha kufuma kwa wafu, kwa uo, mundu uhu oko kimusi imbiri konyu uboisiro putu.

MABONYO GHA WADUMI 5:30

Mlungu wa weke wawa wedu wamrukishire Jesu, uo morem'bwaghieghe kwa kumnyonyoresha mdinyi.

WAROMA 1:4

na kwa chia ya wueli ghwake ghwa wulungu, orewonyeroghe kukaia Mwana wa Mlungu kwa ndighi mbaa, kwa uko kurukishwa kwake kufuma kwa wafu, uo Jesu Kristo Bwana odu.

WAROMA 10:7

angu “Nani useagha andu kwa wafu?” (huwo ni kumjosa Kristo kufuma kwa wafu.)

WAROMA 15:33

Mlungu wa sere ndekaie andwamweri nenyo mmbose. Amen.

WAROMA 16:20

Na Mlungu uo uredagha sere uchamfasha Shetani aisi ya maghu ghenyu kafwani. Mvono ghwa Bwana Jesu Kristo ndeghukaie andwamweri nenyo.

WAROMA 8:11

Ikakaia Roho wa Mlungu uo oremrukishireghe Jesu kufuma kwa wafu wakaiagha andenyi konyu, uo Mlungu oremrukishireghe Kristo kufuma kwa wafu, uchaikaisha moyo mimbi yenyu ifwagha kwa chia ya Roho wake uo ukaiagha andenyi konyu.

1 WAKORINTHO 14:33

angu Mlungu si Mlungu wa nganyi anduangi ela ni wa sere. Sa iji koni iko makanisenyi ghose gha waeli,

1 WAKORINTHO 15:15

Na isi diawoneka kukaia washahidi wa tee wa Mlungu, dishuhudiagha angu Mlungu wamrukishire Kristo sena usemrukishire; ikakaia ni loli wafu ndewirukishwagha.

1 WAKORINTHO 6:14

Uo Mlungu oremrukishireghe Bwana kufuma kwa wafu, uchadirukisha na isi wori kwa ndighi rake.

2 WAKORINTHO 13:11

Kutua wanidu, mkaie mana. Boisenyi chia renyu, munisikire, mmbwadane, mkaie na sere, na uo Mlungu wa lukundo na sere uchakaia andwamweri nenyo.

2 WAKORINTHO 4:14

dikimanya angu uo oremrukishireghe Bwana Jesu, uchadirukisha isi wori andwamweri na Jesu, na kudireda imbiri kwake andwamweri nenyo.

WAGALATIA 1:1

Ini Paulo, mdumi usedumilo ni wandu, hata kudumwa kwa chia ya mdamu, ela kwa chia ya Jesu Kristo, na Mlungu Aba uo oremrukishireghe kufuma kwa wafu;

WAEFESO 1:20

iro orerikatishireghe andenyi ya Kristo, iji oremrukishireghe kufuma kwa wafu, na kumsera kidombo chia ya mkonu ghwake ghwa kiwomi aho mlungunyi;

WAFILIPI 4:9

Iro maza rose mkufundishire, mkariwusa, mkirisikira na kuriwona kwapo, ribonyenyi; na Mlungu wa sere uchakaia andwamweri nenyo.

WAKOLOSAI 2:12

Nenyo mwarikilo andwamweri nao kwa wubaputizo, na kwa ugho wubaputizo, mkarukanya andwamweri nao kwa chia ya irumirio, kwa uko kubonya kazi kwa Mlungu; uo oremrukishireghe Kristo kufuma kwa wafu.

1 WATHESALONIKE 1:10

na kummbesera Mwana wake kufuma mlungunyi uo oremrukishireghe kufuma kwa wafu; uo Jesu udikiragha na agho machu gha Mlungu ghichagha.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

2 WATHESALONIKE 3:16

Idana, uo Bwana moni wa sere, ndemneke inyo sere ngelo rose kwa chia rose. Bwana ndekaie nenyo mmbose.

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 10:29

Mwamanya ni ikabo ibaa saki jichaamfwana mundu ummenyere Mwana wa Mlungu, ukaibonya bagha ya ilaghano kukaia kilambo cha kisha, iyo cheni oreelesheroghe nayo, sena wammenya Roho wa mvono?

WAEBRANIA 9:20

“Ihi niyo bagha ya ilaghano, ijo Mlungu oremlaghirieghe.”

1 PETRO 1:21

Kwa chia yake uo, moko na irumirio kwa Mlungu, uo oremrukishireghe kufuma kwa wafu, na kumneka wubaa; eri irumirio jenyu, na isuwirio jenyu, jikaie kwa Mlungu.

1 PETRO 2:25

Angu morekoghe mwalaghaya sa ng'ondi, ela idana mwamerie kummburia Mlisha na Mzighaniri wa roho renyu.

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.