WAEBRANIA 13:18 - Biblia Ilagho Jiboie Kwa Wandu Wose

¹⁸ Mudilombie, angu isi deko na loli kukaia nia redu raelie, nesi dakunde kubonya maza rose kwa ishima.

WAEBRANIA 13:18 ပူးပေါင်းရင်းမြစ်များ

MABONYO GHA WADUMI 23:1

Nao Paulo ukighukuya meso mwandu ukaghamba, “Wanidu, nakaie moyo kwa nia ielie imbiri ya Mlungu hata linu.”

MABONYO GHA WADUMI 24:16

Kwa huwo naawuyafunga ndighi matuku ghose nisekaie na ikosa jingi imbiri ya Mlungu, na imbiri ya wandu wori.

WAROMA 12:17

Msakemlipa mndungi kiwiwi kwa kiwiwi, ela mririkanye iro riko ndicha imbiri ya wandu wose.

WAROMA 13:13

Ndedighende nicha seji dighendagha na dime; si kwa lwafuo na kuwongia, si kwa kulaka na kushughunuka, si kwa kurashana na iriso,

WAROMA 15:30

Namvoya wanidu kwa wundu ghwa Bwana odu Jesu Kristo, na kwa wundu ghwa lukundo lwa Roho, mfunge ndighi andwamweri nani kwa malombi ghenyu. Dimlombe Mlungu kwa wundu ghwapo,

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

WAFILIPI 4:8

Kutua wanidu, maza iro rose riko ra loli, iro rose riko ra ishima, iro rose riko ra hachi, iro rose rielie, iro rose riboie; ikakaia riko ringi ra sare ndicha, ikakaia ghuko wucha ghungi, ikakaia chiko kilambo chingi chifwanagha kukaswa; ririkanyenyi aighu ya maza iro.

WAKOLOSAI 4:3

Mdilombie na isi wori, eri Mlungu udirughuye mnyango ghojighora ijo ilagho, dipate kuieresha iyo ngasu ya Kristo, iyo nayo kwa wundu ghwaro, neko kifungonyi;

1 WATHESALONIKE 4:12

Kwa chia iyo, wandu wiserumiriagha wichamneka ishima, nenyo ndemchaakusaghika na mndungi anduangi.

1 WATHESALONIKE 5:25

Dilombienyi wanidu.

2 WATHESALONIKE 3:1

Kutua wanidu, dilombienyi; eri ilagho ja Bwana jipate kuera kwa shwa-shwa, na kusima sa iji koni jerebonyeroghe aghadi konyu.

1 TIMOTHEO 1:5

Na malaghiro ghedu isi ni kukunda wikaie na lukundo ulo lufumagha kwa ngolo ielie, na nia iboie, na irumirio ja loli.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

1 PETRO 3:16

mkikaia na nia ielie, eri iji mwadukanwa, awo wisholiagha tabia renyu riboie andenyi ya Kristo, wipate kufwa waya.

1 PETRO 3:21

Ilagho ijo, jafwanana na wubaputizo ghwa idana ghumkiragha inyo; si sa kuja kuinja wuchafu ghwa mumbi anduangi, ela ni kuja kubonya malaghiro kwa Mlungu kwa nia ielie, kwa chia ya kuruka kwake Jesu Kristo;