WAEBRANIA 13:17 - Biblia Ilagho Jiboie Kwa Wandu Wose

¹⁷ Muvisikire vilongozi venyu na kukuwika aisi kwawo, angu vaawuyacheresha kwa wundu ghwa roho renyu, kwa kukaia wichafunya mtalo ghwa wudumiki ghwawo. Bonyenyi huwo wipate kudumika kwa kuboilwa isakekaia kwa wasi; angu wikabonya kwa wasi, ndempatagha fwaida ingi anduangi.

WAEBRANIA 13:17 ပူးပေါင်းရင်းမြစ်များ

KUZOYA 16:9

Malaika wa BWANA ukamzera, “Wuya kwa bibi wako, kukusere kumoni imbiri kwake.”

KUFUMA 32:31

Niko Musa ukajoka kwa BWANA ukamzera, “To, awandu wabonya kaung'a mbaa na ndighi. Wabonya mlungu ghwa dhahabu wikaghutasa.

MAKATANISHO 5:13

Nerelemeloghe ni kusikira walimu wapo, ngalemwa ni kudegha kudu kwa wandu wapo werekoghe wikinighoria.

ISAYA 62:6

Nawikie walindiri welindia mawurigha ghako ee Jerusalemu, ndewichaanyama na dime hata nakio. Inyo mumkumbusagha BWANA maza, msehore;

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

EZEKIELI 33:2

“Mwana wa mdamu, dedanya na wandu wako kuwizere: Ngareda wuda isangenyi, waisanga wichaawika mndumu ukaie mlindiri wawo.

LUKA 16:2

Ukammbanga na kumzera, ‘Ni malaghoki agha nawuyasikira aighu yako? Niredie mtalo ghwa wunyapara ghwako; angu ndekuchaakaia mnyapara sena.’

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

WAROMA 14:12

Kwa huwu, kula umu odu uchafunya mtalo ghwake moni imbiri ya Mlungu.

1 WAKORINTHO 16:16

namvoya mkuwike aisi ya wandu sa awo, na kula mngara wawuyabonya kazi andwamweri nawo.

WAEFESO 5:21

Kula mundu ndekuwike aisi ya mmbao kwa kumwobua Kristo.

WAFILIPI 1:4

na kula ngelo nimlombiagha inyo, nadamlombia kwa kuboilwa;

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

WAFILIPI 2:16

Mkijiwadia nandighi ilagho ja irangi, eri nidime kukukasa ijo Ituku ja Kristo, kukaia serekimbirieghe, angu kubonya kazi duu anduangi.

WAFILIPI 2:29

Kwa huwu mmbusenyi andenyi ya Bwana kwa kuboilwa kose; nenyo muwibonyere ishima wandu wifwane huwu.

WAFILIPI 3:18

Angu namghorie kalazi koni, hata idana niamghoria kwa kudikwa ni mbori kukaia, wandu wengi wakaia wamaiza wa msalaba ghwa Kristo.

WAFILIPI 4:1

Kwa huwu wanidu nimkunde, muniriragha, kuboilwa kwapo na kirumbu chapo, mangenyi huwo koni andenyi ya Bwana wakundwa.

2 WATHESALONIKE 3:14

Ngera mndungi walegha kusikira agho daghighora andenyi ya barua ihi, mmbikenyi worinyi hata msewadane nao kwa ilagho jingi; eri upate kufwa waya.

1 TIMOTHEO 5:17

Awo waghosi wiko na wulongozi ghuboie, wafwana wineko malipo mando awi; na kuchumba awo wawuyadumika kwa kazi ya kuchila na kufundisha.

WAEBRANIA 13:24

Muwiroghuo vilongozi venyu, na awo waeli wose. Awanidu wifumie Italia wamroghua.

WAEBRANIA 13:7

Wikumbukenyi vilongozi venyu, ivo veremghorieghe Ilagho ja Mlungu; ririkanyenyi mighendo na uko kutua kwawo, nenyo msunge irumirio jawo.

JAKOBO 4:7

Kwa huwu, mkusere mmbeni aisi ya Mlungu. Mtangalenyi Ibilisi, nao uchamkimbia.

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”

1 SAMUELI 8:19

Ela awo wandu wikalegha kumsikira Samueli, nawo wikaghamba, “Hata! Isi deekunda mzuri odibonyera nguma,