WAEBRANIA 13:16 - Biblia Ilagho Jiboie Kwa Wandu Wose

¹⁶ Msakesigha kubonya nicha, na kuwaghiana icho muko nacho; angu vizongona sa ivo vam'boia Mlungu.

WAEBRANIA 13:16 ပူးပေါင်းရင်းမြစ်များ

ZABURI 37:3

Msuwirie BWANA kubonye nicha, na oho kuchakaia nicha na kudua banana isangenyi.

ZABURI 51:19

Niko kuchaaboilwa ni vizongona va hachi; vizongona vekora, na vizongona vekora vose; niko njau richaafunywa madhabahunyi kwako.

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

MABONYO GHA WADUMI 9:36

Na aja Jopa korekoghe na mnughi umu uwangwagha Tabitha, kigriki ni Dorkasi (kutambua kwaro ni shaa.) Muka uhu orekoghe na mabonyo mecha na kufunya makuwio.

WAROMA 12:13

Funyenyi manosi kwa wundu ghwa waeli, mkulisishe kukaribisha waghenyi.

WAGALATIA 6:10

Kwa huwo, diwibonyere wandu wose nicha ngelo diko na wulalo; na kuchumba awo wa kinyumba cha irumirio.

WAGALATIA 6:6

Uo mundu ufundishwagha Ilagho ja Mlungu, ndewaghane vilambo vose viboie na uo umfundishagha.

WAEFESO 4:28

Mundu orekoghe kitoi, useiwe sena; ela bora ubonye kazi ndicha kwa mikonu yake, eri udime kuwitesia awo wisewadie.

WAFILIPI 4:14

Ela sena mwabonyere nicha nandighi kunitesia wasi ghwapo.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

1 WATHESALONIKE 5:15

Manyenyi angu mndungi onyu usakelipia kiwiwi kwa kiwiwi, ela matuku ghose mlole kubonyerana mecha mmbeni na mmbeni kwa wandu wose.

2 WATHESALONIKE 3:13

Msakesilwa ni ndighi kwa kubonya nicha wanidu.

1 TIMOTHEO 6:18

Nawo wibonye nicha, wikaie na mali kwa wundu ghwa kubonya nicha, wifunyagha vindo vawo wikiwiwaghia wazima kwa ngolo ndicha.

FILEMONI 1:6

Nani naawuyalomba angu wungara diko nagho aighu ya irumirio jako, ghurede kumanya agho mecha ghedu diko nagho andenyi ya Kristo.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

3 JOHANE 1:11

Mkundwa, kusesunge wuwiwi, ela kusunge wucha. Uo ubonyagha nicha ni wa Mlungu; uo ubonyagha kiwiwi, ndemmbonie Mlungu anduangi.