WAEBRANIA 13:15 - Biblia Ilagho Jiboie Kwa Wandu Wose

¹⁵ Idana ndedimfunyire Mlungu kizongona cha makaso tulituli kwa chia ya Jesu, nacho ni madedo gha memu ujishuhudiagha irina jake.

WAEBRANIA 13:15 ပူးပေါင်းရင်းမြစ်များ

2 MALAGHO GHA NGELO 29:31

Niko Hezekia ukaghamba, “Idana angu mwameria kukuwika mmbeni wakfu kwa BWANA, redenyi vizongona na mafunyo gha chawucha Hekalunyi.” Wandu wikareda vizongona na mafunyo gha chawucha; na awo werekoghe na ngolo efunya, wikareda vizongona vekora.

2 MALAGHO GHA NGELO 33:16

Wokoni ukaboisa madhabahu ya BWANA, ukafunya vizongona va mapatano, na vizongona va chawucha aighu yaro; ukawilaghira wandu wa Juda wimdumikie BWANA Mlungu wa Israeli.

2 MALAGHO GHA NGELO 7:6

Wakohani, na Walawi wori, wikakaia kimusi andu kwawo, wiko na vombo vebora, ivo Mzuri Daudi orevibonyereghe kwa wundu ghwa BWANA; wikamfunyira BWANA chawucha. Angu lukundo lwake lukatie, lwadua matuku ghose; seji Daudi oremkasagha ukitumia wudumiki ghwawo. Wakohani wikiwilangaya, wikakaba tarumbeta, na Waisraeli wose wikawuka kimusi.

EZRA 3:11

Nawo wikabora kwa kudikiana wikikasa na kumfunyira BWANA chawucha huwu: “BWANA ni mucha, angu lukundo lwake kwa Israeli, lwadua matuku ghose.” Na wandu wose wikakema wikimkasa BWANA kwa lwaka lubaa, kwa kukaia msingi ghwa Hekalu ghorekoghe ghwazolwa.

NEHEMIA 12:40

Kwa huwo mafungu ghose gha awo werekoghe wikifunya chawucha wikakaia kimusi Hekalunyi chiaimweri nani na nusu ya wabaa.

NEHEMIA 12:43

Ituku ijo wandu wikafunya vizongona vingi kwa kuboilwa kubaa, ungi Mlungu orewinekieghe kuboilwa kubaa. Waka na wanake wori wereboiloghe. Ndoghoi ya maboilo agho ikasikirika kula.

ZABURI 118:19

Nirughuenyi mbenge ra Hekalu, nipate kungia na kumfunyira BWANA chawucha.

ZABURI 119:108

Kurumirie malombi ghapo gha chawucha ee BWANA; kunifundishe memu yako.

ZABURI 18:49

Kwa wundu ughu nichakukuma aghadi ya mbari zima ee BWANA, na kujiboria irina jako makaso.

ZABURI 50:14

Mfunyire Mlungu vizongona va chawucha, mneke Uo-Uko-Aighu-Nandighi vindo kulaghirie.

ZABURI 50:23

Mundu unifunyiragha vizongona va chawucha, wadanineka ishima, na uo uboisagha mighendo yake, nichammbonyera kukia kwapo.”

ISAYA 57:19

nichawibonya awo werekoghe wikilila wichulo ni makaso andenyi ya Israeli. Sere, sere kwa uo uko kula na uo uko kaavui, ini BWANA naghamba, nani nichamkira.

JEREMIA 33:11

lwaka lwa kuseka na kuboilwa, na lwaka lwa bwana na bibi arusi, na chwaka ra awo wiboragha wikireda mafunyo gha chawucha andenyi ya Hekalu ya BWANA wikighamba, ‘Funyenyi chawucha kwa BWANA wa majeshi, angu BWANA ni mucha, na lukundo lwake lukatie lwadua kwa kala na kala.’ Kwa kukaia nichajibonya isanga jikaie sa iji koni jerekoghe, waghamba BWANA.”

JEREMIA 33:18

na wakohani wa Kilawi ndewichaasowa mundu imbiri kwapo ofunya vizongona vekora, na kukora vizongona va viro, na kufunya vizongona kwa kala na kala.”

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

WALAWI 7:12

Iji mundu wakafunya kizongona chemfunyira BWANA chawucha, iyo nyamandu ya kizongona uchaifunyanya na mkate ghusewadie chachu ghuranganyiro na mavuda; angu skozi risewadie chachu rishingilo mavuda, angu mikate mitini iboisiro na mufu ghudendere ghuranganyiro nicha na mavuda.

MITALO 7:62

Bakuli imweri ya dhahabu ya gramu ighana na ikumi ichue marumba;

MATHAYO 11:25

Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini.

LUKA 10:21

Ngelo ija cheni, Jesu ukaboilwa andenyi ya Roho Mweli, ukaghamba, “Nakuneka chawucha oho Aba, Bwana wa mlungunyi na ndoenyi, angu korewivisireghe wandu wa akili na suku maza iri, kukawifunukuya wanake watini, ee Aba, angu ulo nulo lorekoghe lukundo lwako.

JOHANE 10:9

Ini nuo mnyango, uo ungiagha kwa kuidiria kwapo, uchakia; nao uchangia, na kufuma, na kuwona malisho.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

WAROMA 6:19

Niaghora sa wandu wose, kwa wundu ghwa kusowa kutambukilwa konyu. Sa iji koni morefunyireghe via venyu kwa wuchafu, na kubonya wuwiwi ghuchumbie, huwo koni idana muvifunye putu via venyu kubonya hachi kwa wundu ghwa kueleshwa.

WAEFESO 2:18

Angu kwa uo, isi diwose dapata chia emvikia uja Aba, andenyi ya Roho umweri.

WAKOLOSAI 1:12

Mkimfunyira Aba chawucha, uo umdimishire kukaia wandu wifwane kukaia wangara wa ijo ifwa ja waeli, andenyi ya ugho mwengere.

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.