WAEBRANIA 13:14 - Biblia Ilagho Jiboie Kwa Wandu Wose

¹⁴ Angu aha ndediwadie muzi ghungi ghuduagha anduangi, ela daawuyaghulola ugho ghuchagha.

WAEBRANIA 13:14 ပူးပေါင်းရင်းမြစ်များ

MIKA 2:10

Wukenyi mghende; ndemmbwadie wubanana ghungi aha sena. Kaung'a renyu rabonyere andu aha kunoneke.

1 WAKORINTHO 7:29

Naawuyaghamba huwu wanidu, ngelo isigharikie ni ndini na ndighi. Kufuma idana, awandu wiko na waka wikaie sa wisewadie;

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

WAEFESO 2:19

Kwa huwo idana, inyo ndemduagha waghenyi na wandu wemara-mara, ela moko wakitina andwamweri na waeli, nenyo moko wandu wa kinyumba cha Mlungu;

WAFILIPI 3:20

Ela isi kedu ni mlungunyi, nesi daawuyammbesera Mkiri ufumagha aho, Bwana Jesu Kristo;

WAEBRANIA 10:34

Angu morekoghe na wughoma na wafungwa, mkarumiria kusokwa mali renyu kwa kuboilwa; kwa kukaia inyo mmbeni moremanyireghe angu moko na mali riboie kuchumba, riduagha.

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WAEBRANIA 12:27

Malagho agha “Indo jimu sena,” ghiawonyera kuinjwa kwaro ivo visughuswagha sa vilambo viumbilo, eri ivo visedimikagha kusughuswa, vipate kusigharika.

WAEBRANIA 2:5

Angu Mlungu nderewikieghe weke malaika wicheghubonyera nguma wurumwengu ghuchagha, ugho dawuyaja malagho gharo.

WAEBRANIA 4:9

Kwa wundu ugho, eko Sabato ehora isigharikie kwa wundu ghwa wandu wa Mlungu.

WAEBRANIA 9:11

Ela Kristo uendacha, uo sa Mkohani M'baa wa maza ndicha richee, kwa chia ya ija hema mbaa ikatie kuchumba (isebonyero kwa mikonu, kutambua kwaro iseko ya kuumbwa uku),

1 PETRO 4:7

Uko kutua kwa maza rose kwalighisa; kwa huwo kaienyi na akili na kukumazira eri mpate kulomba Mlungu.

WUFUNUO 3:12

Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.