WAEBRANIA 12:6 - Biblia Ilagho Jiboie Kwa Wandu Wose

⁶ Kwa kukaia Bwana wadamkania uo mundu umkunde, na kumdama mwana uo ose umrumiriagha.”

WAEBRANIA 12:6 ပူးပေါင်းရင်းမြစ်များ

2 SAMUELI 7:14

Ini nichakaia ndee, nao uchakaia mwana wapo. Ukabonya makosa, nichamkaba kwa kutumia wandu, sa iji koni ndee mwana ukabagha mwana wake.

ZABURI 119:71

Ni nicha kwapo angu koreninekieghe ikabo, nipate kukufundisha sharia rako.

ZABURI 119:75

Namanya ee BWANA kukaia kutanya kwako ni kwa hachi, na angu kwaninekie ikabo kwa hachi.

ZABURI 94:12

Warasimilwa uo mundu kumkaniagha kwa kumkaba ee BWANA, uo kumfundishagha Sharia yako.

MAKATANISHO 13:24

Mundu usetumiagha changu, ndemkunde mwana wake, ela uo umkunde mwana wake, wadamdama.

MAKATANISHO 3:11

Mwana wapo, kusakemenya kukania kwa BWANA, hata kusezamilo ni kukemia kwake.

MAKATANISHO 3:12

BWANA wadamkania uo umkundagha, seji ndee mwana umkaniagha mwana wake umkunde.

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

JEREMIA 10:24

Kuniwunje ee BWANA, ela kwa kipimo cha hachi isekaie kwa machu ghako, nichewuya kindo cha duu.

KILILO CHA JEREMIA 3:39

Kwaki mdamu ulalamikagha iji wakabwa kwa wundu ghwa kaung'a rake?

WUKUMBUSO 8:5

Kumbukenyi kukaia BWANA Mlungu onyu wadam'bonyera sa wana wake kwa kumkaba na kumfundisha.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

JAKOBO 5:11

Ola isi dadawiwanga warasimilwa; kwa kukaia ni wandu werekoghe na irumaghio. Mwasikire malagho gha irumaghio ja Ayubu, nenyo mwawonie kutua kwa mpango ghwa Bwana aighu yake, na seji Bwana uko wa ishima na wughoma.

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

RUTHU 1:3

Ela Elimeleki mumi wa Naomi ukafwa, Naomi ukasighwa uekeri na wana wake wawi.