WAEBRANIA 12:3 - Biblia Ilagho Jiboie Kwa Wandu Wose

³ Mtalenyi uo orerumaghieghe kutangalwa kung'ane huwu ni wakaung'a, eri msechesilwa ni ndighi angu kufwa ngolo.

WAEBRANIA 12:3 ပူးပေါင်းရင်းမြစ်များ

MAKATANISHO 24:10

Kukazimia ngelo ya wasi, ndekuwadie ndighi.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

MATHAYO 11:19

Mwana wa Mdamu orechieghe ukija ukinywa, nawo waghamba, ‘Mzighanenyi mundu wa lwafuo, mmbongeri na mghenyi wa wawadi wushuru na wakaung'a.’ Elaima sena ija hekima yanekwa hachi ni kazi raro.”

MATHAYO 12:24

Ela iji Mafarisayo wasikira agho wikaghamba, “Mundu uhu wadariwinga pepo tu kwa ndighi ra Beelizebuli m'baa wa pepo.”

MATHAYO 15:2

“Kwaki wanughi wako wisenughagha mizango diipatire kwa weke wawa? Ndewioghoshagha mikonu yawo seji ifwanagha ngelo eja vindo.”

MATHAYO 21:23

Nao iji Jesu wangia Hekalunyi, wakohani wabaa na waghosi wa wandu wikamchea ukifundisha wikamkotia, “Kwawuyabonya maza iri kwa nguma iao, nao nani ukunekie nguma ihi?”

MATHAYO 21:46

Nawo iji werekundieghe kummbwada, wikawiobua wandu angu weremrumirieghe Jesu kukaia mlodi.

MATHAYO 22:15

Nao Mafarisayo wikafuma wikaghenda kubonya njama seji widimagha kumdegha Jesu wimmbwade kwa madedo ghake.

LUKA 14:1

Ituku jimu ja Sabato, Jesu oreghendieghe kuja vindo nyumbenyi kwa m'baa umu wa Mafarisayo, na wandu werekoghe wikimzighanira.

LUKA 15:2

Ela Mafarisayo na walimu wa Sharia wikazughunuka wikighamba, “Mundu uhu wadakaribisha wakaung'a na kujanya nawo.”

LUKA 16:14

Nao iji Mafarisayo wereghisikireghe agho, nawo ni wandu wikundagha mali, wikamseka kwa lumenyo.

LUKA 2:34

Nao Simeoni ukawirasimia ukamzera Maria, mae mwana, “Ola mwana uhu wawikwa kwa wundu ghwa kughwa na kuwuka kwa wengi andenyi ya Israeli, na kwa alama etangalwa ni wandu;

LUKA 5:21

Nao walimu wa Sharia na Mafarisayo wikazoya kukukotia weni, “Nani uhu udedagha malagho gha masholio? Mlungu uekeri nuo udimagha kuleka kaung'a!”

JOHANE 10:20

Wengi wawo wikaghamba, “Oko na pepo, sena oko na isu, kwaki mumsikiragha?”

JOHANE 18:22

Nao iji waghora agho, mlindiri umu orekoghe kimusi ahoeni, ukamkaba Jesu na lui ukighamba, “Kuamtumbulia Mkohani M'baa huwu?”

JOHANE 5:16

Nao Wayahudi wikazoya kumtirira Jesu, angu orebonyereghe maza iro ituku ja Sabato.

JOHANE 7:12

Korekoghe na madedo mengi-mengi wandunyi kwa wundu ghwake; wamu wikaghamba, “Ni mundu mucha.” Na wazima wikaghamba, “Hata, ualaghasha wandu.”

JOHANE 8:13

Mafarisayo wikamzera, “Oho kwakushuhudia kumoni, kwa huwo wushuhuda ghwako si ghwa loli anduangi.”

JOHANE 8:52

Wayahudi wikamzera, “Idana damanya loli angu koko na pepo. Abrahamu wafue, na walodi wafue, na oho kwadizera wei, ‘Uo usikiragha mafundisho ghapo ndechaafwa anduangi.’

JOHANE 8:59

Nao wikashoa magho wimlase, ela Jesu ukakuvisa, ukafuma Hekalunyi.

JOHANE 9:40

Mafarisayo wamu werekoghe kaavui wikasikira agho malagho wikamkotia, “Welee, na isi wori deeka vitungure?”

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

2 WAKORINTHO 4:1

Kwa huwo, angu diko na ughu wudumiki kwa wughoma ghwa Mlungu, ndedifwagha ngolo kungi.

2 WAKORINTHO 4:16

Kwa huwo, ndedifwagha ngolo. Angu hata ngera mumbi ghodu ghwa asili ghwaawuyasia, ela asili edu ya kiroho yaawuyabonywa wuwishi ituku ituku.

WAGALATIA 6:9

Nesi disesilo ni ndighi kubonya nicha, angu dichakuwida kwa ngelo yaro ikavika, iji dakaia disefue ngolo.

WUKUMBUSO 20:3

na kuwizera, ‘Sikirenyi ee Israeli, mwalighisa kulwa na wamaiza wenyu: msefo ngolo, angu kungilwa ni kiture, angu kusughusika, hata msakewiobua.

2 WATHESALONIKE 3:13

Msakesilwa ni ndighi kwa kubonya nicha wanidu.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

WAEBRANIA 12:5

Angu mooliwa agho malagho ghemshashira ghighoragha nenyo sa wana? “Mwanwapo, kusakewona ni ilagho itini kuja kukania kwa Bwana, hata kusakefwa ngolo iji wakukaba.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

WUFUNUO 2:3

Namanya angu kwawuyarumaghia luma kwa wundu ghwapo hata ndekusilwagha ni ndighi.

1 SAMUELI 12:24

Inyo mumuobuo BWANA tu, mumdumikie kwa wuloli, kwa ngolo renyu rose, mkikumbuka agho malagho mabaa BWANA um'bonyere.