WAEBRANIA 12:27 - Biblia Ilagho Jiboie Kwa Wandu Wose

²⁷ Malagho agha “Indo jimu sena,” ghiawonyera kuinjwa kwaro ivo visughuswagha sa vilambo viumbilo, eri ivo visedimikagha kusughuswa, vipate kusigharika.

WAEBRANIA 12:27 ပူးပေါင်းရင်းမြစ်များ

ISAYA 34:4

Majeshi ghose gha mlungunyi ghichasagha, na mawingunyi kuchakuchwa sa karatasi. Majeshi gharo ghose ghichapotoka sa malemba gha mizabibu na gha mtini.

ISAYA 54:10

Mighondi mibaa na mitini yadima kuinjwa, ela lukundo lwapo lukatie ndeluchaainjwa kwako, na ilaghano japo ja sere sichaajiinja. Naghamba ini BWANA, uo ukuwoniagha wughoma.

ISAYA 65:17

BWANA waghamba, “Olenyi niaumba mlungunyi kuwishi na ndoenyi kuwishi; na maza ra kala nderichaakumbukwa hata kugheshwa anduangi.

ISAYA 66:22

“Angu sa iji koni mlungunyi kuwishi na ndoenyi kuwishi nerekubonyereghe kuchaadua imbiri kwapo, ni huwo koni na kivalwa chako na irina jako jichaadua imbiri kwapo.

EZEKIELI 21:27

Kunona, kunona, nichaghunona ugho muzi hata ghusesigharike andu komanyisha wei ghorekoghe, hata wameria kucha mundu waro moni, nani nichamneka ugho muzi.

HAGAI 2:21

“Mzere Zerubabeli, m'baa wa Juda kukaia nalighisa kusughusa mlungunyi na ndoenyi.

MATHAYO 24:35

Mlungunyi na ndoenyi kuchaida, ela madedo ghapo ndeghichaaida anduangi.

WAROMA 8:19

Angu vilambo vose viumbilo vawesera kwa bea mbaa kuja kufunukulwa kwa wana wa Mlungu.

WAROMA 8:21

kukaia, ivo vilambo veni vichafunywa andenyi ya wuzumba ghwa kuwoa, vipate wuhuru ghwa wubaa ghwa wana wa Mlungu.

1 WAKORINTHO 7:31

na awo wawuyabonya maza ra ndoenyi, wikaie sa wisewueribonya. Kwa kukaia wurumwengu ughu seji ghuko ghwaawuyaida.

WAEBRANIA 1:10

Na sena, “Oho Bwana, aho kuzoenyi, koreumbieghe ndoenyi na kwa mikonu yako kumoni, korebonyereghe mlungunyi.

WAEBRANIA 13:14

Angu aha ndediwadie muzi ghungi ghuduagha anduangi, ela daawuyaghulola ugho ghuchagha.

WAEBRANIA 9:11

Ela Kristo uendacha, uo sa Mkohani M'baa wa maza ndicha richee, kwa chia ya ija hema mbaa ikatie kuchumba (isebonyero kwa mikonu, kutambua kwaro iseko ya kuumbwa uku),

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 21:1

Niko ngawona mlungunyi kuwishi na ndoenyi kuwishi; angu uko mlungunyi kwa imbiri na ndoenyi kwa imbiri korekoghe kwameria kuida, na bahari ndeerekoghe sena anduangi.

WUFUNUO 21:4

Uchawiaghia mbori rose mesonyi kwawo, na kifwa chingi ndechichaakaia sena anduangi, hata wasi, hata kukema, hata kuwawa kungi; angu maza ra imbiri rameria kuida.”

WUFUNUO 21:5

Na uo oreserieghe kidombo aighu ya kifumbi cha nguma ukaghamba, “Ola niaribonya maza rose rikaie mbishi.” Wokoni ukaghora, “Kughiandike agha, angu ni malagho ghiko na wuloli, ghidimagha kurumirilwa.”