WAEBRANIA 12:25 - Biblia Ilagho Jiboie Kwa Wandu Wose

²⁵ Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

WAEBRANIA 12:25 ပူးပေါင်းရင်းမြစ်များ

1 WAZURI 12:16

Nao iji wandu wose wa Israeli wawona kukaia mzuri nderewisikireghe, wikamtumbulia mzuri, “Deko na ifunguki kwa Daudi? Isi ndediwadie ifwa jingi kwa mwana wa Jese. Kula Muisraeli ndewuye cha hemenyi kwake! Wen-Daudi ndewikuzighane weni.” Niko Waisraeli wikawuka na kughenda cha hemenyi kwawo.

2 MALAGHO GHA NGELO 7:19

Ela ngera mwaghaluka na kurisigha sharia rapo na malaghiro ghapo agho nimnekie, nao mghenda kuidumikia milungu mizima na kuitasa,

KUFUMA 16:29

Ndemmbonagha angu BWANA wamnekie iyo Sabato ikaie ituku ja kuhora, niyo sababu umnekie mkate mandu awi ituku ja karandadu, eri kula mundu ukaie andu koni uko ituku ja mfungade. Kula mundu ndekaie mzinyi kwake.”

KUFUMA 20:22

BWANA ukamlaghira Musa uwizere wandu wa Israeli huwu: “Mwawona mmbeni seji Ini BWANA nadedanya nenyo kufuma mlungunyi.

MAKATANISHO 1:24

Nammbangie, mkalegha kusikira; namnekie wutesia, mkaghulegha.

MAKATANISHO 1:32

Wandu wisemanyagha wiabwaghwa ni kulegha hikima, na wukelu ghwawo ghuchawitotesha.

MAKATANISHO 13:18

Kumenya mafundisho kwadareda wukiwa na waya, ela uo usikiragha mafundisho, uchanekwa ishima.

MAKATANISHO 15:32

Uo usetalagha mafundisho, wadakumenya moni; ela uo usikiragha mawonyero, uchapata kutambukilwa.

MAKATANISHO 8:33

Sikirenyi mafundisho ghapo, mkaie na hikima, hata msakeghilegha.

ISAYA 48:6

“Kwameria kughisikira na kughiwona agha ghose; Welee, kulemwa ni kughighora? Kufuma idana nichakubonya kusikire maza mbishi, maza rivisikie jingi kusererimanyireghe.

ISAYA 64:9

Kusebonye machu putu ee BWANA, hata kusakekumbuka mawiwi ghedu kwa kala. Zighana, kudimanye kukaia diwose isi deko wandu wako.

JEREMIA 11:10

Wamerie kuwuria wuwiwi ghwa weke ndee wa kala, awo wereleghieghe kughisikira malagho ghapo; wamerie kuitasa milungu mizima, na kuidumikia. Wandu wa Israeli na wandu wa Juda wamerie kujichikanya ijo ilaghano japo nerejibonyereghe na weke ndee.

EZEKIELI 5:6

Ela wandu wa Jerusalemu wikailegha memu yapo, wikakuwonyera weni kukaia wawiwi kuchumba iro mbari ra wandu kwa kulegha malaghiro ghapo kuchumba wandu wa masanga agho ghighumarie ugho muzi; wikailegha memu na malaghiro ghapo.

ZEKARIA 7:11

“Ela wandu wapo wereleghieghe kusikira, wikaghilika, wikafindika madu ghawo wisesikire.

MITALO 32:15

Angu mkasigha kumnugha, nao moni uchawida kireti sena, nenyo mchatotesha awandu wose.”

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MATHAYO 8:4

Jesu ukamzera, “Kusakemghoria mndungi ilagho jingi; ela ghenda kukuwonyere kwa mkohani, kufunye ivo vizongona vilaghirilo ni Musa, ghukaie wushuhuda kwa wundu ghwa kueleshwa kwako.”

MABONYO GHA WADUMI 7:35

“Musa uhu weremleghieghe wikighamba, ‘Nani ukuwikie kukaie m'baa na mtanyi aighu yedu?’ Nuo moni oredumiloghe ni Mlungu ukaie m'baa na mkiri, kwa kuteselwa ni malaika uo oremfutukieghe kisachinyi.

WUKUMBUSO 18:19

Mundu uchaalegha kusikira malagho gha uo mlodi namduma, nichamkaba.

WUKUMBUSO 30:17

Ela mkaghaluka na kuleghasikira, hata mghaluke na kuitasa milungu mizima, na kuidumikia,

WUKUMBUSO 4:36

Orekusighieghe kusikire lwaka lwake kufuma mlungunyi, eri upate kukufundisha; ukakusigha kuwone modo ghwake m'baa andoenyi, na oho kukalusikira lwaka lwake kufuma modonyi.

1 WATHESALONIKE 5:15

Manyenyi angu mndungi onyu usakelipia kiwiwi kwa kiwiwi, ela matuku ghose mlole kubonyerana mecha mmbeni na mmbeni kwa wandu wose.

2 TIMOTHEO 4:4

nawo wichasigha kuisikira ija loli na kunugha chughano.

WAEBRANIA 1:1

Kufuma kokala, Mlungu oreghorieghe mando malazi na weke aba wedu kwa chia zima-zima, ukitumia walodi.

WAEBRANIA 11:7

Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.

WAEBRANIA 12:19

lwaka lwa tarumbeta, na lwaka lwa uo oreghorieghe malagho; agho gherewibonyereghe wandu werekoghe wikighisikiria kuvoya angu wisechurilo malagho ghangi sena anduangi.

WAEBRANIA 3:12

Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

WAEBRANIA 3:17

Na awo weremvavirieghe Mlungu ngolo miaka mirongo ina ni weke ani? Wele si waja werebonyereghe kaung'a, wikafwa kireti?

WAEBRANIA 8:5

Awo waawuyabonya kazi iko fwana na kirerendi cha kazi ya Andu kwa Wueli kwa mlungunyi; angu iji Musa orekoghe kaavui na kuiwusira iyo hema, orefundishiroghe ni Mlungu ukizerwa, “Manya kubonye kula kindo karakara na mfwano ghuja ghoni korewonyeroghe aighu ya mghondi.”

JOSHUA 22:15

Wikacha Gileadi kwa Wareubeni, na Wagadi, na nusu ya kichuku cha Manase wiko isanga ja Gileadi, wikawizera,

JOSHUA 22:16

“Izungu jose ja Israeli jaghamba, ‘Ni ilaghoki iji jizamie huwu mwajibonya aighu ya Mlungu wa Israeli kwa kughaluka na mbai idime; mkakuaghia mmbeni madhabahu na kumlegha BWANA?

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

WUFUNUO 22:9

Ela uo ukanizera, “Kusakebonya huwo! Ini ne mdumiki sa kumoni, na sa wanyinyu awo walodi na awo wighiwadiagha malagho gha wulodi ghwa chuo ichi; kumtase Mlungu.”