WAEBRANIA 12:23 - Biblia Ilagho Jiboie Kwa Wandu Wose

²³ na ikwanyiko ja wavalwa wa imbiri wa Mlungu, awo wiandikilo mlungunyi. Mwavika kwa Mlungu uo mtanyi wa wose, na kwa roho ra wandu wa hachi wikatishiro,

WAEBRANIA 12:23 ပူးပေါင်းရင်းမြစ်များ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

ZABURI 111:1

BWANA ndekaso! Nichamfunyira BWANA chawucha kwa ngolo yapo yose andenyi ya ikwanyiko ja wandu wecha.

ZABURI 69:28

Marina ghawo ndeghivuto andenyi ya chuo cha irangi, hata wisakengirwa andenyi ya mtalo ghwa wahachi.

ZABURI 89:27

Nicham'bonya ukaie mwana wapo wa womi wa imbiri, na mzuri m'baa kuchumba wazuri wose wa ndoenyi.

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

ZABURI 94:2

Oho ko mtanyi wandu wose; wuka kuwilipe wang'eti agho ghiwifwanagha.

ZABURI 96:13

imbiri ya BWANA iji wacha kubonya nguma ndoenyi. Uchawibonyera nguma wandu wiko wurumwengunyi kwa hachi na loli.

ZABURI 98:9

angu uacha kughubonyera nguma wurumwengu, Uchawibonyera nguma wandu wiko wurumwengunyi kwa hachi na loli.

KUFUMA 13:2

“Kuniwikie kula mvalwa wa imbiri. Mvalwa wa imbiri uo ose andenyi ja Israeli; ukaiagha ni mdamu angu nyamandu, uchawuya wapo.”

KUFUMA 32:32

Ela idana nakulomba kuwifue wughoma kaung'a yawo; si huwo, nakulomba kuvute irina japo kufuma kwa icho chuo kuandikie wandu wako.”

KUFUMA 4:22

Na oho kuchamzera Farao, ‘BWANA waghora huwu: Israeli ni mwana wapo wa imbiri;

MCHILI 12:7

Wandu wichawuya ndoenyi, na roho iwuye kwa Mlungu uo oreifunyireghe.

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

LUKA 10:20

Elaima msakeboilwa kwa iri, wei pepo rawikilo aisi konyu, ela boilonyi angu marina ghenyu ghaandikilo mlungunyi.”

JOHANE 5:27

Sena wamnekie nguma retanya, angu uko Mwana wa Mdamu.

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

1 WAKORINTHO 13:12

Angu idana daawuyawona a kilolenyi miramira; ela ngelo iyo, dichawona wushu kwa wushu. Ngelo ihi, naawuyamanya kutinieri; ela ngelo iyo, nichatambukilwa putu sa iji koni ini nimanyiro ni Mlungu.

1 WAKORINTHO 15:49

Na sa iji koni dereidwaeghe fwana ya mundu wa teri, huwo koni dichaidwa fwana ya mundu wa mlungunyi wori.

1 WAKORINTHO 15:54

Iji ugho ghowoa ghwaghaluswa ghukaie ghodua, na ugho ghofwa kuwuya ghodua kwa kala, niko maandiko ghichaakatia agho ghighambagha: “Kifwa chamilwa ni kusima.”

2 WAKORINTHO 5:8

Nesi deko na ngolo mbaa, dikiwona angu kufuma mumbinyi na kughenda cha kedu kwa Bwana, ni nicha kuchumba.

WAEFESO 1:22

Mlungu waviwikie vilambo vose vikaie maghunyi kwake Kristo, na kummbika ukaie chongo aighu ya vilambo vose kwa wundu ghwa ikanisa;

WUKUMBUSO 21:17

Ela uchamtala uo mwana wa womi wa muka usemkunde kukaia mvalwa wa imbiri kwa kumneka ifungu ja vilambo mando awi, nuo moni mvalwa wa imbiri, na hachi ya kuvalwa kwa imbiri ni yake.

WAFILIPI 4:3

Nani nakulomba oho wori mngara wa kazi wa loli, kuwitesie awo waka; angu wabonyere kazi mbaa andwamweri nani edumikia ijo Ilagho Jiboie, dikwanye na Klementi na wangara wapo wa kazi wazima; awo marina ghawo ghiko andenyi ya chuo cha irangi.

WAKOLOSAI 1:12

Mkimfunyira Aba chawucha, uo umdimishire kukaia wandu wifwane kukaia wangara wa ijo ifwa ja waeli, andenyi ya ugho mwengere.

WAKOLOSAI 1:24

Idana naboilwa andenyi ya matiriro ghapo kwa wundu ghonyu, nani naawuyakatisha kwa mumbi ghwapo agho matiriro gha Kristo ghisigharikie kwa wundu ghwa mumbi ghwake, najo ni ikanisa.

1 TIMOTHEO 3:5

Ikakaia mundu usedimagha kuibonyera nguma nyumba yake cheni, udima wada kujilindia ikanisa ja Mlungu?

WAEBRANIA 11:4

Kwa irumirio, Abeli oremfunyireghe Mlungu kizongona chirumirikie kuchumba cha Kaini, nacho chikam'bonya urumirilo kukaia na hachi, Mlungu ukimshuhudia kwa kurumiria manosi ghake. Wafue loli, ela kwa chia ya irumirio jake, waduagha ukideda.

WAEBRANIA 11:40

Kwa kukaia Mlungu orezoeghe ukawona kilambo chimu chiboie kuchumba kwa wundu ghodu, kukaia kuseko na isi, awo wisekatisho anduangi.

WAEBRANIA 2:12

ukighamba, “Nichawichilia wanidu irina jako, na aghadi ya izungu, nichakukasa.”

WAEBRANIA 9:27

Na seji koni iwikilo kwa wandu kufwa indo jimweri, na nyuma yaro kutanywa,

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WUFUNUO 14:4

awa niwo wiserekulushireghe weni kwa waka, ni wandu wielie. Awa niwo wimnughagha uo Mwana wa Ng'ondi andu kose ughendagha, nawo wamerie kukombolwa kufuma kwa wadamu, wikaie mavalo gha imbiri kwa Mlungu na kwa Mwana wa Ng'ondi;

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.

WUFUNUO 6:11

Niko kula umu orenekeloghe nguwo ndacha ya chokwa, wikazerwa wichurie kuhoresha katini, hata mtalo ghukate ghwa wadumiki wambao, na waruna awo werekoghe wibwagho sa awo weni.

WUFUNUO 6:9

Hata iji uo Mwana wa Ng'ondi oreghufungueghe ugho muhuri ghwa kasanu, nerewonieghe aisi ya madhabahu roho ra wandu werebwaghiloghe kwa wundu ghwa ijo ilagho ja Mlungu, na kwa wundu ghwa wushuhuda werekoghe nagho;