WAEBRANIA 12:22 - Biblia Ilagho Jiboie Kwa Wandu Wose

²² Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WAEBRANIA 12:22 ပူးပေါင်းရင်းမြစ်များ

2 WAZURI 19:4

Kewada BWANA Mlungu wako wasikira agho malagho ghose ghaghorwa ni m'baa wa majeshi gha Ashuru, uo wadumwa ni mzuri wa Ashuru kumsholia Mlungu uko moyo, nao ughikemie agho malagho; kwa huwo lomba Mlungu kwa wundu ghwa agho masighariko gha wandu wedu.”

ZABURI 2:6

Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

ZABURI 42:2

Nakaia na kau ya Mlungu, uo Mlungu uko moyo. Niendammbona Mlungu lii?

ZABURI 48:2

Ugho mghondi ghwa Sioni, ghuko cha kaskazinyi, ghwawukie ighu; ghwaghokie, nagho ni muzi ghwa Mzuri m'baa, ghuredagha kuboilwa ndoenyi kose.

ZABURI 68:17

BWANA wacha andu kwake kuelie kufuma Sinai, na maelfu gha magare ghiwadie ndighi.

ZABURI 84:2

Nakunde na ndighi kukaia aho! Neko na bea ekaia andu kukaiagha BWANA. Nicham'boria Mlungu uko moyo kwa kuboilwa kubaa.

ZABURI 87:3

Malagho mecha ghaghorwa aighu yako, ee muzi ghwa Mlungu.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 14:32

Dichawitumbulia wada awo wadumwa wa iro mbari ra wandu? Dichawizera, “Mlungu wamerie kuimaziria Jerusalemu, na wandu wake witiririlo, wichakaia nicha andenyi yaro.”

ISAYA 24:23

Na aho mori ghuchawuya kira, na iruwa ndejichaafunya miengere yaro anduangi; kwa kukaia BWANA wa majeshi uchabonya nguma aighu ya Mghondi ghwa Sioni na andenyi ya Jerusalemu; nao uchafunukua wubaa ghwake imbiri ya wabaa waro.

ISAYA 27:13

Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

ISAYA 51:11

Niko aho wandu wa BWANA wikombolo wichawuya, wichacha Jerusalemu wikibora, nawo wichakaia na maboilo gha kala na kala; wichakaia na iseko na kuboilwa, wasi na kulila ndeghuchaakaia kwawo anduangi.

ISAYA 51:16

Nakunekie malagho ghapo gheghora, nani ngakulindia kwa ndighi rapo; ni ini nibonyere mlungunyi, na kuwika misingi ya ndoenyi; nani nadawizera wandu wa Jerusalemu, ‘Inyo mo wandu wapo.’”

ISAYA 59:20

BWANA waghamba, “Nichacha Jerusalemu kumkombua inyo kivalwa cha Jakobo, mghalukagha na kusigha makosa ghenyu.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

JEREMIA 17:25

niko wazuri weseria kifumbi cha nguma cha Daudi wichangia wikiidiria ihi mbenge ya ughu muzi, wikijoka magare na farasi, awo chiaimweri na wabaa wawo, na wandu wa Juda na awo wikaiagha Jerusalemu; na muzi ughu ghuchakailwa ni wandu kwa kala na kala.

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

DANIELI 7:10

Kamoda ka modo kerefumieghe, na kuida imbiri kwake. Maelfu gha wandu werekoghe wikimdumikia, na mamilioni gha wandu, werekaighe kimusi imbiri kwake. Koti etanya ikawikwa, na vuo wikakuchulwa.

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

JOELI 2:32

Ela uo uchaalomba wutesia ghwa BWANA uchakia. Na seji BWANA ughambie, ‘Weko wamu andenyi ya Jerusalemu wichaafufufunuka, awo niwisaghue wichakaia moyo.’”

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

MATHAYO 5:35

hata kwa ndoenyi, angu ni kifumbi chewikiria maghu ghake; hata kwa Jerusalemu, angu ni muzi ghwa Mzuri m'baa.

WAROMA 11:26

kwa huwu Waisraeli wose wichakia, sa iji iandikilo, “Mkiri uchacha kufuma Sioni nao uchaghuinja wuwiwi ghwa Jakobo

WAROMA 9:26

Na aja koni ighorelo, ‘Inyo ndemko wandu wapo’, wichawangwa ‘Wana wa Mlungu uko moyo.’”

WAGALATIA 4:26

Ela Jerusalemu ghwa mlungunyi ghooka huru, nagho nuo mao.

WAEFESO 2:19

Kwa huwo idana, inyo ndemduagha waghenyi na wandu wemara-mara, ela moko wakitina andwamweri na waeli, nenyo moko wandu wa kinyumba cha Mlungu;

WUKUMBUSO 33:2

BWANA orechieghe kufuma Mghondi ghwa Sinai; ukajoka sa iruwa aighu ya Edomu, ukang'ala-ng'ala kwa wandu wake kufuma Mghondi ghwa Parani ukacha andwamweri na weke malaika elfu ikumi uko na lumu lwa modo mkonunyi kwake ghwa kiwomi.

WUKUMBUSO 5:26

Ni mdamu uao usikire Mlungu uko moyo ukighora aghadi ya modo seji dasikira nao ukakaia moyo?

WAFILIPI 3:20

Ela isi kedu ni mlungunyi, nesi daawuyammbesera Mkiri ufumagha aho, Bwana Jesu Kristo;

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

2 TIMOTHEO 4:18

Bwana uchanivuvua kufuma kwa kula kiwiwi, na kunikira kwa wundu ghwa Wuzuri ghwake ghwa mlungunyi. Kwake uo, ndeghukaie wubaa kwa kala na kala. Amen.

WAEBRANIA 10:31

Ni ilagho jeobosha kughwa mikonunyi kwa Mlungu uko moyo.

WAEBRANIA 11:10

Angu Abrahamu orekoghe ukighuwesera muzi ghuko na misingi, ghuaghilo na kubonywa ni Mlungu.

WAEBRANIA 11:16

Ela seji iko, weekunda isanga jiboie kuchumba, najo ni ja mlungunyi. Kwa huwo, Mlungu ndewonagha waya ghungi iji wakammbanga Mlungu wawo, angu wawiboisire muzi.

WAEBRANIA 13:14

Angu aha ndediwadie muzi ghungi ghuduagha anduangi, ela daawuyaghulola ugho ghuchagha.

WAEBRANIA 3:12

Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

JOSHUA 3:10

Mchamanya kukaia Mlungu oko aghadi konyu, na angu ndechaalemwa ni kuwifunya Wakanaani, Wahiti, Wahivi, Waperizi, Wagirgashi, Waamori, na Wajebusi kwa chia ihi:

JUDA 1:14

Na Enoko, mundu wa kivalwa cha mfungade nyuma ya Adamu, orefunyireghe wulodi aighu ya wandu awa ukighamba, “Olenyi Bwana waawuyacha andwamweri na maelfu gha waeli wake,

WUFUNUO 14:1

Niko ngazighana, nao hoja Mwana wa Ng'ondi uko kimusi aighu ya Mghondi ghwa Sioni, wikwanye nao waja wandu elfu ighana na mirongo ina na inya, awo wereandikiloghe irina jake na irina ja Ndee chamunyi kwawo.

WUFUNUO 21:10

Ukanidwa noko cha mghondinyi m'baa niko andenyi ya Roho, ukaniwonyera ugho muzi ghuelie ghwa Jerusalemu, ghukisea kufuma mlungunyi kwa Mlungu,

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.

WUFUNUO 22:19

Na mndungi ukainja ilagho jingi ja wulodi ghwa chuo ichi, Mlungu uchainja iwaghio jake ja ugho mudi ghwa irangi, na jekaia andenyi ya ugho muzi ghuelie; seji ghighorelo andenyi ya chuo ichi.

WUFUNUO 3:12

Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.

WUFUNUO 7:2

Ngawona malaika umu sena, ukisea kufuma aja iruwa jibukiagha, uko na muhuri ghwa Mlungu uko moyo; nao ukawiwanga kwa lwaka lubaa awo weke malaika bana werenekeloghe ndighi rebonya ndoe na bahari ilagho;