WAEBRANIA 12:11 - Biblia Ilagho Jiboie Kwa Wandu Wose

¹¹ Ingelo dikanilwagha dadawawa, wulalo ghoboilwa; ela konyuma, kukanilwa kose kwadareda matunda gha sere ghiko gha hachi kwa uo ufundishiro nako.

WAEBRANIA 12:11 ပူးပေါင်းရင်းမြစ်များ

KUZOYA 21:11

Ela ilagho ijo jikamzamia na ndighi Abrahamu, kwa wundu ghwa mwana wake Ishmaeli.

ZABURI 118:18

BWANA wanikabie nandighi, ela ndenisighie nifo anduangi.

ZABURI 119:165

Awandu wiikundagha sharia yako, weko na sere mbaa; ndekuwadie kindo chingi chidimagha kuwikuwisha anduangi.

ZABURI 89:32

nichawikaba kwa wundu ghwa kaung'a yawo, na kuwibonya wipate wasi kwa wundu ghwa mawiwi ghawo.

MAKATANISHO 15:10

U mundu usighagha chia ya Mlungu uchapatwa ni ikabo ibaa; mundu uzamilwagha ni kuwonyerwa makosa uchafwa.

MAKATANISHO 19:18

Mfundishe mwana wako ngelo uko mtini, kusekaie ngara na kunoneka kwake kwa kuleghamfundisha.

ISAYA 19:22

Na BWANA uchaikaba Misri, ukikaba na kuboisa; nawo wichamghalukia BWANA, nao uchasikira kuvoya kwawo na kuwikira.

ISAYA 32:17

Kazi ya hachi ichakaia kureda sere, nayo ichareda wumboa na kurumirikia kwa kala na kala.

WAROMA 14:17

Angu wuzuri ghwa Mlungu si kuja na kunywa anduangi, ela ni hachi, na sere, na kuboilwa andenyi ya Roho Mweli;

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

2 TIMOTHEO 4:8

Na idana nawikilwa kirumbu cha hachi, icho nichaanekwa ni Bwana uo Mtanyi wa hachi jija Ituku; hata si ini moni niekeri anduangi, ela uchawineka awo wose wikundagha kuja kuwoneka kwake.

WAEBRANIA 12:10

Weke aba wa ndoenyi weredikanieghe kwa ngelo ndini seji werekundieghe, ela Mlungu wadikania kwa fwaida edu diweni, dighupate ghuja wueli ghwake.

WAEBRANIA 5:14

Ela vindo vikurie, ni va wandu wabaa, awo wikufundishire kwa kurizaisira akili rawo ridime kumanya mecha na mawiwi.

1 PETRO 1:6

Inyo mwaboilwa andenyi ya maza iri, hata ngera idana kwa ngelo vui, yadimika mtiriro kwa matimo mazima mazima,

2 PETRO 2:14

Weko na meso ghichue wulaki, nawo ndewikunde kutana na kaung'a. Wakalia wandu wanyonge; ngolo rawo rakufundishire kukaia na lwafuo; ni wandu wiwadilo ni njowe putu.