WAEBRANIA 11:37 - Biblia Ilagho Jiboie Kwa Wandu Wose

³⁷ Werelasiroghe na magho, weredumbuloghe na misumeno, werebwaghiloghe kwa lufu, werekoghe wikimara-mara wikirwa mirongo ya ng'ondi na ya mburi; werekoghe wakiwa, wandu wa wasi, wikorongelo.

WAEBRANIA 11:37 ပူးပေါင်းရင်းမြစ်များ

2 SAMUELI 12:31

Ukawidwa wunyika wandu wa ugho muzi, ukawiwika wibonye kazi na misumeno, na sururu ra chuma, na masoka gha chuma; ukawiwika wibonyeghe matofali. Na huwo niko orebonyereghe kwa mizi yose ya Waamoni. Niko Daudi na wandu wose wikawuya Jerusalemu.

1 WAZURI 18:13

Wele bwana wapo, ndekughorelo jingi seji ini mdumiki wako nerebonyereghe ingelo Jezebeli orekoghe ukiwibwagha walodi wa BWANA; seji nerewivisireghe walodi wa BWANA ighana jimweri, ngawivisa mbangenyi mirongo-misanu mirongo-misanu, na kuwijisha vindo na machi?

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

1 WAZURI 19:1

Nao Ahabu ukamghoria Jezebeli iro maza rose Elija oreribonyereghe, na seji uwibwaghie walodi wa Baali kwa lufu.

1 WAZURI 19:10

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose; kwa kukaia wandu wa Israeli wasighie malaghiro ghako, wikachikanya madhabahu ghako, na kubwagha walodi wako kwa lufu. Idana naasighwa niekeri, nawo waawuyalola kunibwagha.”

1 WAZURI 19:13

Elija uendasikira ulo lwaka, ukafinikira wushu ghwake na shuka; ukafuma na kukaia kimusi mnyangonyi ghwa mbanga. Lukacha lwaka lukamzera, “Niki kubonyagha aha Elija?”

1 WAZURI 19:14

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose, kwa kukaia wandu wa Israeli wasighie malaghiro ghako.”

1 WAZURI 19:19

Nao Elija ukafuma aja ukaghenda; ukamkua Elisha mwana wa Shafati ukilima na mafungu ikumi na awi gha ng'ombe; ifungu ja ikumi na iwi nijo Elisha orekoghe najo. Elija ukaida kaavui nao, ukamkumbia shuka yake.

1 WAZURI 21:10

Msaghuo wandu wandonyi wawi, muwiwike kaavui nao wipate kureda mashitaki aighu yake ghemzera, ‘Oho kwamsholia Mlungu na mzuri.’ Nao mumfunye shighadi, ulaso na magho hata ufo.”

2 WAZURI 1:8

Wikatumbulia, “Ni mundu urwae mrongo ghwa nyamandu, uko na mkowa ghwa mrongo kiwonunyi kwake.” Mzuri ukaghamba, “Uo ni Elija, Mtishbi.”

2 WAZURI 2:13

Nao ukashoa ija shuka ya Elija erempotokieghe ukawuya na kukaia kimusi modenyi ghwa Jordani.

2 WAZURI 2:8

Elija ukawada shuka yake, ukaiwirira na kughikaba machi; machi ghikadumbuka mafungu awi, hata wose wawi wikameria kuida andu kuomie.

1 MALAGHO GHA NGELO 20:3

Na awo wandu werekoghe andenyi ukawireda na kuwidumikisha kwa kazi ra misumeno, shilanga, na masoka; huwo niko Daudi orebonyereghe kwa mizi yose ya Waamoni. Niko Daudi chiaimweri na wandu wose wikawuya Jerusalemu.

2 MALAGHO GHA NGELO 24:21

Ela wikam'bonya Zekaria njama, na kwa momu ghwa mzuri, wikamlasa na magho wazenyi ya Hekalu.

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 26:23

wikamfunya Uria aja Misri, wikamreda kwa Mzuri Jehoiakimu; nao ukam'bwagha kwa lufu na kughukumba mumbi ghwake andu korikia kwa wandu wa kawaida.)

ZEKARIA 13:4

Ngelo iyo ikavika, kula mlodi uchafushwa waya ni mawono ghake. Ndechaarwa ikoti ja mafuri, eri ukalie wandu,

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

MATHAYO 21:35

Nao walimi wikawada wadumiki wake, umu wikamkaba, na umu wikam'bwagha, na mzima wikamlasa na magho.

MATHAYO 3:4

Johane orerwaeghe nguwo ibonyero kwa mafuri gha ngamila, ukakufunga mkowa ghwa mrongo kiwonunyi kwake. Vindo vake verekoghe zighe na wuki ghwa kireti.

MATHAYO 8:20

Jesu ukamzera, “Mizozo eko na miruma, na nyonyi ra mbeonyi reko na vijngu; ela Mwana wa mdamu ndewadie wulalo ghungi ghokuhoresha anduangi.”

LUKA 13:34

“Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha!

MABONYO GHA WADUMI 14:19

Ela werechieghe Wayahudi wamu kufuma Antiokia na Ikonio, wikawighalusa wandu ngolo, wikawada kumlasa Paulo na magho; wikamkurudua shighadi ya muzi, wikighesha wei wameria kufwa.

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

2 WAKORINTHO 12:10

Niko huwo, kwa wundu ghwa Kristo, naboilwa andenyi ya wunyonge, na kudukanwa, na wasi, na kukorongwa, na hasara; angu iji niko mnyonge, niko niko na ndighi.

WAEBRANIA 11:25

ukasaghua kupata wasi chiaimweri na wandu wa Mlungu, kuchumba maseko gha kaung'a ghiidagha.

WAEBRANIA 13:3

Wikumbukenyi awo wiko kifungonyi, seji moofungwa andwamweri nawo, na awo wikorongwagha, seji mwaawuyakorongwa andwamweri nawo; kwa kukaia inyo wori moko na mumbi.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”