WAEBRANIA 11:34 - Biblia Ilagho Jiboie Kwa Wandu Wose

³⁴ wikarimisha medo ibirie, wikafufunuka wisebwagho kwa lufu, wikapata ndighi nyuma ya kusilwa kwawo, wikawuya mang'oni wudenyi, wikawinga majeshi gha kighenyi.

WAEBRANIA 11:34 ပူးပေါင်းရင်းမြစ်များ

1 WAZURI 19:1

Nao Ahabu ukamghoria Jezebeli iro maza rose Elija oreribonyereghe, na seji uwibwaghie walodi wa Baali kwa lufu.

1 WAZURI 19:3

Elija ukaobua, ukakimbia kujikira irangi jake; ukaghendanya na mdumiki wake hata Beer-sheba aho Juda ukamsigha aho.

2 WAZURI 6:1

Ituku jimu, kipughi cha walodi wikamzera Elisha, “Wona, andu kudinekie kokaia ni kutini ndekudikatagha.

2 WAZURI 6:32

Elisha orekoghe kidombo nyumbenyi kwake, chiaimweri na wabaa wamu. Na mzuri orekoghe waduma mundu ukirie; ela mundu uja imbiri usevikie, Elisha ukawizera waja wabaa, “Uja m'bawaghi waduma mundu unidumbuo chongo. Olenyi ukavika aha, mrughe mnyango msemlekerie ungie; mzuri moni hoyo waawuyamnugha nanyuma.”

AYUBU 42:10

Hata iji Ayubu wameria kuwilombia waghenyi wake wadadu, BWANA ukam'bonya kuwona nicha mando awi kuchumba imbiri.

AYUBU 5:20

Ngelo ya njala, uchakuwika moyo; ngelo ya wuda, uchakukira kusebwagho.

ZABURI 124:7

Deefufunuka sa nyonyi ifumie mdeghonyi ghwa mdiwi; mdegho ghoochika, nesi dikaafufunuka!

ZABURI 144:10

Kwadawisimisha wazuri, na kumvuvua mdumiki wako Daudi.

ZABURI 6:8

Injikenyi kwapo inyo mmbose m'bonyagha mawiwi, BWANA wamerie kusikira kililo chapo.

ZABURI 66:12

Kwasighie wamaiza wedu wikadichang'acha-chang'acha; daidie aghadi ya modo na machinyi, ela sena kukadireda andu kwa banana.

KUFUMA 18:4

na irina ja mzima orewangiloghe Eliezeri, (angu oreghambieghe, “Mlungu wa aba waniteserie, na ukanikira na lufu lwa Farao.”)

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

JEREMIA 26:24

Ela kwa kukaia Ahikamu mwana wa Shafani oremteserieghe Jeremia, ndeeredimikieghe ufunyo kwa wandu ubwagho anduangi.

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.

1 PETRO 4:12

Wakundwa, msakeshinulwa ni agho matimo ghibirie ghawuyamchea kumtima, seji kuamba ni malagho gha kighenyi ghawuyabonyeka konyu.

WATANYI 15:8

Ukawikaba na kuwibwagha kitungu cha wandu wengi na ndighi, ukasea na kughenda ukakaia lukororonyi lwa igho ja Etamu.

1 SAMUELI 18:11

Nao Sauli ukajikumba ifumu jake ukighesha, “Nichamkwanya Daudi na wurigha.” Ela Daudi ukajiepa mando awi.

1 SAMUELI 19:10

Sauli ukalola kumdunga Daudi na ifumu hata umkwanye na wurigha ghwa nyumba, ela Daudi ukamuepa na ifumu jikadunga wurighenyi. Daudi ukakimbia na kukia.

1 SAMUELI 20:1

Nao Daudi ukakimbia kufuma Naiothi aja Rama, ukacha kwa Jonathani ukamzera, “Welee, nabonyere wada? Wuwiwi ghwapo niki? Ni kaung'aki nibonyere kwa ndeyo hata ukunde kunibwagha?”