WAEBRANIA 11:29 - Biblia Ilagho Jiboie Kwa Wandu Wose

²⁹ Kwa irumirio, Waisraeli wereruwukieghe Bahari ya Shamu sa ndoe iomie; ela Wamisri wiendatima kubonya huwo, wikamilwa ni machi.

WAEBRANIA 11:29 ပူးပေါင်းရင်းမြစ်များ

NEHEMIA 9:11

Korebonyereghe chia kwa wandu wako aghadi ya bahari; kukawilongoza wikaida aighu ya ndoe iomie. Awo werewinughagha wikamilika andenyi ya machi mengi, karakara na igho jakumbwa baharinyi.

ZABURI 66:6

Oreighalusireghe bahari ikawuya ndoe iomie, wandu wereidieghe na maghu aghadi ya moda. Aho dikaboilwa andenyi kwake.

ZABURI 78:13

Orewaghanyireghe bahari wikaida aghadi yaro; ukabonya machi ghitumbanyike kitungu.

KUFUMA 14:13

Musa ukawizera awo wandu, “Msakeobua, mangenyi mmbone kukia kwa BWANA ucham'bonyera idime; kwa kukaia awa Wamisri muwiwonagha idime, ndemuchaawiwona sena anduangi.

KUFUMA 14:22

Wandu wa Israeli wikaida ghadi na ghadi ya bahari andu kuomie, na machi ghikakaia sa wurigha chia ya mkonu ghwawo ghwa kiwomi na chia ya mkonu ghwawo ghwa kiwaka.

KUFUMA 14:27

Nao Musa ukaghorua mkonu ghwake aighu ya bahari, nayo ikawuriana luma lwa nakesho kwa ndighi sa iji koni erekoghe. Wamisri wikatima kukimbia, ela BWANA ukawikumba baharinyi.

JOSHUA 2:10

Dasikire seji BWANA uiomeshere Bahari ya Shamu imbiri konyu ingelo mfumie Misri, na seji muwibwaghie Sihoni na Ogu waja wazuri wawi wa Waamori, kimonu cha mashariki ya Jordani.