WAEBRANIA 11:12 - Biblia Ilagho Jiboie Kwa Wandu Wose

¹² Kwa huwo, kufumanya na mundu umweri, Abrahamu, uo orekoghe sa ufue wori, cherevaloghe kivalwa kingi na ndighi, sa nyerinyeri ra mlungunyi, na sa msangagha ghusetalikagha, ghuko mbai-mbai ya bahari.

WAEBRANIA 11:12 ပူးပေါင်းရင်းမြစ်များ

KUZOYA 15:5

BWANA ukamfunya shighadi ukamzera, “Zighana cha mlungunyi kuwone ngera kwadima kuritala nyerinyeri.” Nao ukaghamba, “Huwu niko kivalwa chako chichaakaia.”

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

KUZOYA 26:4

Nichachichuria kivalwa chako sa nyerinyeri ra mlungunyi, nani nichachineka kivalwa chako masanga agha ghose. Na kwa kivalwa chako, mbari rose ra ndoenyi richanilomba irasimio;

KUZOYA 32:12

Na oho korenilaghirieghe kukaia kuchanibonyera nicha na kuchichuria kivalwa chapo chikaie sa wungi ghwa msangagha ghwa baharinyi, chisetalikagha kwa wungi ghwaro.”

2 SAMUELI 17:11

Kwa huwo mawoni ghapo ni agha, Waisraeli wose wikwanyike chiaimweri a kwako, kufuma Dani hata Beer-sheba, wengi sa msangagha ghwa baharinyi, na oho kumoni kughendanye nawo wudenyi.

1 WAZURI 4:20

Wandu wa Juda na wa Israeli werekoghe wengi sa msangagha ghwa baharinyi; wikaja na kunywa wikiboilwa.

1 MALAGHO GHA NGELO 27:23

Mzuri Daudi nderetalieghe wandu wiko aisi ya irika ja miaka mirongo iwi, angu BWANA orekoghe walaghira kuwibonya Waisraeli wikaie wengi sa nyerinyeri ra mlungunyi.

NEHEMIA 9:23

Korewinekieghe kivalwa kingi sa nyerinyeri ra mlungunyi. Kukawibonya wijikaie isanga korewilaghirieghe weke ndee kukaia wichajipata.

KUFUMA 32:13

Kumbuka wadumiki wako Abrahamu, Isaaka, na Jakobo; awo korewighemieghe kumoni kukighamba, ‘Nichachichuria kivalwa chako sa nyerinyeri ra mlungunyi, na iji isanga jose nerekulaghirieghe, nichajineka kivalwa chako, nawo wichakaia aho kwa kala.’”

ISAYA 10:22

Kwa kukaia hata ngera Waisraeli weko wengi sa msangagha ghwa bahari, ela ni masighariko ghawo ghichaawuya. Wamerie kuwikilwa malaghiro ghetoteshwa kwa hachi.

ISAYA 48:19

Kivalwa chako kumangu chakaia sa msangagha, ee, sa shangagho ra msangagha ghwa bahari; marina ghawo kumangu na jingi ndegherevutwagha hata kutoteshwa imbiri kwapo anduangi.”

JEREMIA 33:22

Sa iji koni majeshi gha mlungunyi ghisetalikagha, na msangagha ghwa baharinyi ghusepimikagha, ni huwo koni nichaachichuria kivalwa cha mdumiki wapo Daudi na wakohani wa Kilawi awo wawuyanidumikia.”

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

HABAKUKI 1:9

“Majeshi ghawo wadapata wusimi kwa kutumia ndighi; wikakacha wadaobosha kula mundu. Wafungwa wawidwa wunyika ni wengi sa msangagha.

WAROMA 9:27

Isaya nao waghora kwa lwaka lubaa aighu ya Israeli ukighamba, “Hata ngera mtalo ghwa wana wa Israeli ni sa msangagha ghwa baharinyi, ela ni awo watini tu wichaasigharika niwo wichaakia.

WUKUMBUSO 1:10

BWANA Mlungu onyu wam'bonyere mkachurikia, na idime mooka sa nyerinyeri ra mlungunyi kwa wungi.

WUKUMBUSO 28:62

Na seji morekoghe wengi sa nyerinyeri ra mlungunyi, mchasighwa watinieri; angu kuleghie kumsikira BWANA Mlungu wako.

JOSHUA 11:4

Wikacha na masikari ghawo ghose, ijeshi ibaa ja wandu wengi na ndighi sa msangagha ghwa baharinyi wiko na farasi na magare mengi.

WUFUNUO 20:8

nao uchaghenda ukiwikalia wandu wa mbari rose ndoenyi, awo Gogu na Magogu, upate kuwikwanya kwa wundu ghwa wuda; wandu wengi nandighi sa msangagha ghwa baharinyi.

WATANYI 7:12

Wamidiani, Waamaleki, na wandu wose wa Mashariki werekoghe wachua vololonyi sa zighe kwa wungi ghwawo; na ngamila rawo rerekoghe nyingi risetalikagha, nyingi sa masangagha ghwa pwani kwa wungi ghwaro.

1 SAMUELI 12:5

Nao Samueli ukawizera, “Mlungu ni shahidi, na uo mshingwa mavuda wake wori ni shahidi idime kukaia ndemmbonie ikosa jingi kwapo.” Nao wikaghamba, “BWANA ni shahidi.”