WAEBRANIA 10:38 - Biblia Ilagho Jiboie Kwa Wandu Wose

³⁸ Ela mhachi wapo, uchadua moyo kwa irumirio; nao ngera wawuya nyuma, ngolo yapo ndeichaaboilwanya nao anduangi.

WAEBRANIA 10:38 ပူးပေါင်းရင်းမြစ်များ

2 SAMUELI 22:22

Kwa kukaia nererilindirieghe chia ra BWANA, hata seretaneghe na Mlungu wapo kwa kubonya wuwiwi anduangi.

ZABURI 147:11

ela BWANA wadaboilwa ni wandu wimuobuagha, awo wilusuwiriagha lukundo lwake lukatie.

ZABURI 149:4

BWANA wadaboilwa ni wandu wake; wadawibonya wandu wikuserie wineko ishima kwa kuwibonya wisime.

ZABURI 5:4

Oho ndekuko Mlungu oboilwa ni wuwiwi, wuwiwi ndeghukaiagha kwako anduangi.

ZABURI 85:8

Naawuyasikiria seji BWANA MLUNGU ughoragha; waawuyadilaghira sere isi wandu wake, iji disewurie kubonya malagho gha wukelu.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

EZEKIELI 18:24

“Ela mundu wa hachi ukaisigha hachi yake, na kubonya agho ghiko mawiwi karakara na uja mundu mmbiwi ubonyagha wuchafu, welee, uchakaia moyo? Hata! Ndekuwadie ilagho jingi ja hachi yake jichaakumbukwa; ela uchafwa kwa wundu ghwa wuwiwi na kaung'a uribonyere.

EZEKIELI 3:20

Sena mundu wa hachi ukaghaluka na kubonya wuwiwi, nani nimmbikie kikuwaro chemtangala, uchafwa. Kwa kukaia kusemghorie, uchafwa kwa wundu ghwa kaung'a yake, na agho mabonyo ghake gha hachi oreghibonyereghe, ndeghichaakumbukwa; ela bagha yake nichailawia kwako.

EZEKIELI 33:13

Hata ngera namzera mundu wa hachi kukaia uchakaia moyo kwa wundu ghwa hachi yake, nao ubonye kaung'a, ibonyo jingi ja hachi yake ndejichaakumbukwa; ela uchafwa kwa wundu ghwa ugho wuwiwi waghubonya.

HABAKUKI 2:4

Iji nijo ilagho, ‘Olenyi awo wiko wawiwi rohonyi kwawo, wichalemwa; ela awo wiko na hachi wichakaia moyo angu wiko waloli kwa Mlungu.’”

ZEFANIA 1:6

Nichawitotesha awo wighalukie na kusigha kuninugha na awo wisenilolagha hata kunilomba ini BWANA Mlungu niwilongoze.”

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

MATHAYO 12:18

“Wonenyi mdumiki wapo uo nimsaghue wangolo wapo, uo uniboiagha ngolonyi. Nichaiwika Roho yapo aighu kwake, nao uchawighoria mbari rose matanyo ghapo gha hachi.

MATHAYO 13:21

ela ndewadie miri ingi; wadakaia najo kwa ngelo vui, hata ghikacha matiriro angu kusumbulwa kwa wundu ghwa ilagho ijo, shwa wori wadajisigha.

WAROMA 1:17

Angu hachi ya Mlungu yafunukulwa andenyi yaro kwa chia ya irumirio kuvikia irumirio; sa iji koni iandikilo, “Uo utalwagha kukaia na hachi kwa chia ya irumirio, uchakaia moyo.”

WAGALATIA 3:11

Idana yawoneka worinyi kukaia ndekuwadie mndungi utalwagha kukaia na hachi imbiri ya Mlungu kwa chia ya Sharia; angu “Uo ose utalilo kukaia na hachi kwa irumirio, uchakaia moyo.”

1 WATHESALONIKE 2:15

awo werem'bwaghieghe uo Bwana Jesu, na awo walodi, wikadiwinga isi. Nawo wadazamia Mlungu, na kuwitangala wandu wose,

WAEBRANIA 10:39

Ela isi ndediko wa awo wiwuyagha nyuma na kutota, ela deko wa awo wiko na irumirio jekira roho redu.

JAKOBO 5:6

Mwatanya na kum'bwagha mundu wa hachi, nao ndetangalanagha nenyo anduangi.

1 JOHANE 2:19

Awo wandu werefumieghe kodu, ela ndewerekoghe wa kedu anduangi; ngera wedeeka wa kedu, kumangu waduanyagha nesi. Ela werefumieghe, eri wipate kuwoneka worinyi kukaia awo wose si wa kedu anduangi.