WAEBRANIA 10:30 - Biblia Ilagho Jiboie Kwa Wandu Wose

³⁰ Angu damwichi uo oreghorieghe, “Ngenga ni yapo, ini nichalipa.” Na sena “Bwana uchawitanya wandu wake.”

WAEBRANIA 10:30 ပူးပေါင်းရင်းမြစ်များ

ZABURI 135:14

BWANA uchawidederia wandu wake; uchawiwonia wughoma wadumiki wake.

ZABURI 50:4

Wawanga mlungunyi na ndoenyi, rishuhudie ukitanya wandu wake.

ZABURI 94:1

Ee BWANA, oho ko Mlungu oluya lugho; wonyera machu ghako.

ZABURI 96:13

imbiri ya BWANA iji wacha kubonya nguma ndoenyi. Uchawibonyera nguma wandu wiko wurumwengunyi kwa hachi na loli.

ZABURI 98:9

angu uacha kughubonyera nguma wurumwengu, Uchawibonyera nguma wandu wiko wurumwengunyi kwa hachi na loli.

ISAYA 59:17

Wakurushire hachi sa ngao ya laghenyi, na kukia sa kofia ya chuma chongonyi kwake. Warwae kisasi sa nguwo rake, na kukurigha lubio sa nguwo ekumba.

ISAYA 61:2

Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

ISAYA 63:4

Kwa kukaia ituku ja kuluya lugho jerekoghe ngolonyi kwapo, na mwaka ghwa kuwikombua wandu wapo ghwameria kuvika.

EZEKIELI 18:30

“Kwa wundu ughu nichamtanya inyo ee wandu wa Israeli, kula umu onyu kunughana na mabonyo ghake, ini Bwana MLUNGU naghamba. Heenyi mghaluke, msighe makosa ghenyu, msechenoneka kwa wundu ghwa mawiwi ghenyu!

EZEKIELI 34:17

“Na inyo chagha chapo, ini Bwana MLUNGU naghamba, Olenyi nichatanya aghadi ya ng'ondi na ng'ondi; bauru na fwandi.

WALAWI 19:18

Kusakemlipia mndungi angu kukaia na ngenga nao. Ela kumkunde mmbenyu sa iji koni kukukunde kumoni; ini ne BWANA.

NAHUMU 1:2

BWANA ni Mlungu wa iriso ulipiagha kisasi. Wadawikaba awo wimtangalagha, na kuwibonyera machu wamaiza wake.

WAROMA 12:19

Wakundwa, jingi mselipie ngenga, ela msighie machu gha Mlungu wulalo; angu yaandikilo, “Ngenga ni yapo, ini nichalipa; waghamba Bwana.”

WAROMA 13:4

angu uo moni ni mdumiki wa Mlungu, kwa wundu ghwa fwaida yako. Ela ngera kwabonya kiwiwi, kuobuo; kwa kukaia ndedwagha lufu duu, angu uo ni mdumiki wa Mlungu oikatisha adhabu yake aighu ya awo wibonyagha kiwiwi.

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

1 SAMUELI 25:26

Idana bwana wapo, sa iji BWANA ukaiagha moyo, na sa iji koni roho yako ikaiagha moyo, nawona kukaia BWANA wakughiria kusebonye kiwiwi chedia bagha, hata kulipia kisasi chingi kwa mkonu ghwako ghoni. Kwa huwo, awo wamaiza wako, na wose wikundagha kukubonya kiwiwi, ndewikabo sa Nabali.

1 SAMUELI 26:10

Nao Daudi ukaghamba, “Sa iji BWANA ukaiagha moyo, uchamkaba moni, angu ituku jake jefwa jivika, angu kewada ungie wudenyi nao ufue aho.