WAEBRANIA 10:24 - Biblia Ilagho Jiboie Kwa Wandu Wose

²⁴ Nesi ndeditalane na kushashiriana diweni na diweni, kwa lukundo, na kubonya kazi ndicha.

WAEBRANIA 10:24 ပူးပေါင်းရင်းမြစ်များ

ZABURI 41:1

Warasimilwa uo mundu umtalagha mkiwa; BWANA uchamkira ngelo ya wasi.

MAKATANISHO 29:7

Mundu wa hachi waichi hachi ra wakiwa, mundu uzamie ndetambukilwagha ni maza sa iro.

MABONYO GHA WADUMI 11:29

Wanughi wikawona nicha wiwidumie wutesia waruna werekoghe wikikaia Judea kula umu seji udimagha;

WAROMA 11:4

Ela Mlungu wamtumbulie wada? “Neko na wandu elfu mfungade wisemdungie Baali ngokoro.”

WAROMA 12:15

Boilonyi andwamweri na awo wiboilwagha, lilenyi andwamweri na awo wililagha.

1 WAKORINTHO 10:33

Bonyenyi seji koni nawuyatima kuwiboia wandu wose kwa kula ilagho, kuseko kulola fwaida rapo nimoni; ela ra wandu wengi, eri wipate kukirwa.

1 WAKORINTHO 9:22

Kwa wanyonge, nerewurieghe sa mnyonge, eri niwipate wanyonge. Nawurie wa chia rose kwa wandu wose, eri niwikire wamu kwa chia iyo yose idimikagha.

2 WAKORINTHO 8:8

Siwueghora agha sa kumfunyira momu, ela kwa kuwonyera seji wazima wiko na ngolo etesia; naawuyalola kuwona ngera lukundo lonyu ni lwa loli.

2 WAKORINTHO 9:2

angu namanya moko tayari kutesia, nani nawuyakukasa nenyo kwa wandu wa Makedonia, ngighamba angu wandu wa Akaya werekuwikieghe tayari kufuma mwaka ghusirie; na wuwana ghonyu ghwawinyavurishire kaavui ya wose.

WAGALATIA 5:13

Angu inyo wanidu morewangiloghe mkaie huru, manyenyi mseghutumie wuhuru ghonyu kwa maza ra mumbi; ela mdumikiane mmbeni na mmbeni kwa lukundo.

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WAGALATIA 6:1

Wanidu, ngera mndungi wawadwa na ikosa jingi, inyo muko wa kiroho, mumtesie kwa roho ya wumboa; mkikulindia inyo mmbeni msechetimwa wori.

WAKOLOSAI 3:16

Ilagho ja Kristo ndejikaie andenyi konyu kwa wungi, mkifundishana na kuwonyerana mmbeni na mmbeni kwa hikima yose. Mkibora zaburi, na chumbo, na chumbo ra kiroho; mkimfunyira Mlungu chawucha ngolonyi konyu.

1 WATHESALONIKE 1:3

Nesi dawuyaikumbuka imbiri ya Mlungu Aba odu, iyo kazi yenyu ya irumirio, na kufunga ndighi konyu kwa lukundo, na kumanga kwa isuwirio andenyi ya Bwana odu Jesu Kristo.

1 WATHESALONIKE 5:11

Kwa huwo kumbanenyi ngolo mmbeni na mmbeni, na kuaghana mmbeni na mmbeni, seji koni mwawuyabonya.

2 WATHESALONIKE 3:9

Si angu wei ndediwadie hachi emlemera, ela dedekunda dimmbonyere mfwano ghwa tabia edu, mpate kukufwananisha nagho.

1 TIMOTHEO 6:18

Nawo wibonye nicha, wikaie na mali kwa wundu ghwa kubonya nicha, wifunyagha vindo vawo wikiwiwaghia wazima kwa ngolo ndicha.

TITO 2:4

na kwa iyo chia, wiwifundishe waka wa irika kuwikunda womi wawo, na wana wawo;

TITO 3:8

Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

WAEBRANIA 13:1

Uko kukundana kwa wanidu ndekuduo.

WAEBRANIA 13:3

Wikumbukenyi awo wiko kifungonyi, seji moofungwa andwamweri nawo, na awo wikorongwagha, seji mwaawuyakorongwa andwamweri nawo; kwa kukaia inyo wori moko na mumbi.

WAEBRANIA 3:13

Ela mshashirane mmbeni na mmbeni kula ituku jiwangwagha “Idime”, eri mndungi onyu usekechakaia ughilikie kwa wukalo ghwa kaung'a.

1 JOHANE 3:18

Wanake watini, disakekaia na lukundo lwa madedo maduu, ela lwa mabonyo na loli.