WAEBRANIA 10:22 - Biblia Ilagho Jiboie Kwa Wandu Wose

²² ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 10:22 ပူးပေါင်းရင်းမြစ်များ

1 WAZURI 15:3

Ukabonya kaung'a rija reni ndee oreribonyereghe. Nderekoghe mloli putu kwa BWANA Mlungu wake seji wawae wa madafu Daudi orebonyereghe.

1 MALAGHO GHA NGELO 12:33

Wandu wa Zebluni wikacha masikari elfu mirongo misanu wiboisiro kwa wuda chiaimweri na maswagha ghose, kumtesia Daudi kwa nia imweri.

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

1 MALAGHO GHA NGELO 29:17

Mlungu wapo naichi kukaia oho kwatimagha ngolo, na kuboilwa ni wandu wecha kwa ishima na kwa wucha ghwa ngolo nakufunyira vilambo ivi vose kwa ngolo, nani nawona wandu wako wiko aha wikikufunyira kwa ngolo na kuzuma.

ZABURI 111:1

BWANA ndekaso! Nichamfunyira BWANA chawucha kwa ngolo yapo yose andenyi ya ikwanyiko ja wandu wecha.

ZABURI 119:10

Nadakulola kwa ngolo yapo yose; kusenisighe ngighenda kula na memu yako.

ZABURI 119:145

Nakuwanga kwa ngolo yapo yose; kunidike ee BWANA. Nichariwadia sharia rako.

ZABURI 119:2

Warasimilwa awo wiiwadiagha memu yake, awo wimlolagha BWANA kwa ngolo yawo yose.

ZABURI 119:34

Kunineke kutambukilwa, nipate kuiwadia sharia yako, na kuinugha kwa ngolo yapo yose.

ZABURI 119:58

Nalomba kwa ngolo yapo yose, kunirumirie; kuniwonie wughoma kunughana na ilaghiro jako.

ZABURI 119:69

Wandu wikukasire wadanighora kwa tee, ela ini nadaghiwadia mafundisho ghako kwa ngolo yapo yose.

ZABURI 119:7

Nichakukasa kwa ngolo ndicha, ngikufundisha sharia rako na hachi.

ZABURI 119:80

Kunibonye niiwadie memu yako putu, nisechefushwa waya.

ZABURI 32:11

Boilonyi mzume andenyi ya BWANA inyo wahachi; kabenyi chukilighili inyo muko na ngolo ndicha.

ZABURI 51:10

Kuniumbie ngolo ielie andenyi kwapo ee Mlungu; kuningire roho mbishi ya loli.

ZABURI 73:28

Ela ini, ni nicha nikaie kaavui na Mlungu; nipate wulindiri ghwa Bwana MLUNGU, na kueresha malagho gha kazi rake rose.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 9:1

Nichakufunyira chawucha oho BWANA kwa ngolo yapo yose. Nichaghora malagho gha mabonyo ghako gha mashiniko.

ZABURI 94:15

Hachi ichafunukulwa ni Watanyi, na wandu wa ngolo ndicha wichainugha.

KUFUMA 29:4

“Kumrede Haruni na wana wake mnyangonyi ghwa Hema Ekwania, na kuwioghosha kwa machi.

MAKATANISHO 23:26

Wika mafundisho ghapo ngolonyi kwako mwanwapo, kunughe mighendo yapo.

ISAYA 29:13

BWANA ukaghamba, “Kwa kukaia wandu awa wacha kunitasa kwa momu ghoni ingelo ngolo rawo riko kula na ini, kunitasa kwawo kwanughana na mizango na mawiko gha wadamu,

ISAYA 52:15

Kwa huwo uchawishinua wandu wa mbari nyingi, na wazuri wichanyama kima kwa wundu ghwake; angu wichawona iro maza wisereghoreloghe, na kuritambua iro maza wisererisikireghe anduangi.”

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 3:10

Aighu ya agho ghose, uja Juda wa kwawo useko mloli nderewurieghe kwapo kwa ngolo yake yose, ela odeeka ukibonya mikalo tu, waghamba BWANA.”

JEREMIA 30:21

M'baa wawo uchafuma kwawo koni, na uo ubonyagha nguma uchafuma aghadi kwawo, nicham'bonya usoghode kaavui nani, nao uchakaia kaavui nani; angu nani udimagha kunisoghodera kwa ndighi rake reni?

EZEKIELI 16:9

“Niko ngakuoghosha na machi na kuinja bagha rako; ngakushinga mavuda.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

WALAWI 14:7

Niko uchammichira uja mundu ukunde kueleshwa iyo bagha mando mfungade, na kumghora kukaia uelie. Nao uchailekeria ija nyonyi iko moyo iburuke noko.

WALAWI 16:4

Imbiri usengirie andenyi ya Andu kwa Wueli Kuchumbie, suti ukuoghoshe moni kwa machi, ima uro ijoho ja kitani ja wueli, na mwadeghu wa kitani, na mkowa ghwa kitani, na kiremba cha kitani. Agho ni marwao gha wueli.

WALAWI 8:6

Musa ukamreda Haruni na wana wake, ukawioghosha kwa machi.

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

MITALO 8:7

Kukakawielesha kubonye huwu: kuwimichire machi gheinja kaung'a, nawo wiare mimbi yawo, na kuoghosha nguwo rawo, na kukuelesha weni.

MATHAYO 3:11

Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo.

LUKA 1:1

Kwa kukaia wengi wamerie kukufunya wiandike malagho gha maza ribonyekie aghadi kodu,

JOHANE 3:5

Jesu ukamtumbulia, “Nakughoria loli, ngera mundu usevalo kwa machi na Roho, ndedimagha kungia kwa wuzuri ghwa Mlungu anduangi.

JOHANE 8:9

Wiendasikira malagho agho, wikazoya kufuma umu umu wikizoya na waghosi; Jesu ukasigharika uekeri chiaimweri na uja muka uko kimusi.

MABONYO GHA WADUMI 22:16

Idana kuweseraki? Wuka kubaputizo, kuoghosho kaung'a rako, kukijiwangia irina jake.’

MABONYO GHA WADUMI 8:21

Ndekuwadie ifungu hata hachi ingi andenyi ya ilagho iji; angu ngolo yako ndeiko nicha imbiri ya Mlungu anduangi.

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

2 WAKORINTHO 7:1

Idana kwa kukaia deko na malaghiro agha wakundwa, yadifwana dikueleshe isi diweni wuchafu ghose ghwa mumbi na roho, na kughukatisha wueli kwa uko kuobua kwa Mlungu.

WAEFESO 3:12

nesi deko na wuwana ghongia kwa Mlungu kwa wuing'oni, kwa chia ya irumirio diko najo andenyi ya Kristo.

WAEFESO 5:26

upate kujielesha kwa kujioghosha na machi kwa ilagho;

WAEFESO 6:5

Inyo wazumba, wisikirenyi awo wiko weke bwana wenyu wa kimmbi kwa kuobua na kusughusika; kwa ngolo ielie, seji mwaawuyamdumikia Kristo;

1 TIMOTHEO 4:2

kwa chia ya wandu wa tee wikaliagha, awo nia rawo riko seji reekabwa mtero kwa chuma chikumbilo modonyi.

TITO 3:5

oredikirieghe; si kwa wundu ghwa mabonyo ghangi gha hachi dibonyere anduangi, ela ni kwa wundu ghwa wughoma ghwake moni kwa chia ya kuoghosha kwa kuvalwa wuwishi, na kubonywa wawishi ni Roho Mweli;

WAEBRANIA 10:1

Kwa kukaia iyo Sharia eeka na kirerendi cheni cha vilambo viboie vichagha, wulalo ghwa fwana ya loli ya ivo vilambo, na jingi ndeidimagha kuwikatisha awo wandu wisoghodagha kwa Mlungu, kwa kufunya vizongona vija veni tulituli mwaka hata mwaka.

WAEBRANIA 10:19

Kwa huwu wanidu, deko na wuwana ghongia Andu kwa Wueli kwa bagha ya Jesu;

WAEBRANIA 11:28

Kwa irumirio, orewikieghe Pasaka, ukamichira bagha vizingitinyi va minyango eri uo Malaika Mtoteshi wa wavalwa wa imbiri usekewiadada.

WAEBRANIA 12:24

na kwa Jesu mpatanishi wa ilaghano iwishi, na bagha imichiro ighoragha nicha kuchumba iyo ya Abeli.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

WAEBRANIA 6:11

Na isi dakunde kula umu onyu uwonyere kufunga ndighi uko koni, kwa kukatisha ijo isuwirio hata kutua.

WAEBRANIA 7:19

(angu Sharia ndeeredimieghe kukatisha ilagho jingi); na kwa luwaru lumu isuwirio jiboie kuchumba jaredwa, ijo jididimishagha kumsoghodera Mlungu kaavui.

WAEBRANIA 9:10

ela gheeka kwa wundu ghwa vindo, kunywa, na kuogha; naro ni sharia ra mumbi riwikilo hata ivike ngelo ebonya maghaluso.

WAEBRANIA 9:19

Angu iji Musa wawighoria wandu kula momu ghwa Sharia, orewadieghe bagha ya ngache na mburi, chiaimweri na machi na sufu itinikie na isawi ja hisopu, ukachimichira icho chuo cha Sharia chiaimweri na awo wandu ukighamba,

JAKOBO 1:6

Ela ndelombe kwa irumirio, kuseko na ngera ingi, angu uo uko na ngera wafwanana na mivo-mivo ya bahari ighenjwagha na kukumbwa-kumbwa ni mbeo.

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.

1 PETRO 1:2

Wandu wisaghulo na kuwikwa ni Mlungu uja Aba, na kueleshwa ni uo Roho, wipate kumsikira Jesu Kristo, na kueleshwa kwa bagha yake. Mvono na sere nderichurikie konyu.

1 PETRO 3:21

Ilagho ijo, jafwanana na wubaputizo ghwa idana ghumkiragha inyo; si sa kuja kuinja wuchafu ghwa mumbi anduangi, ela ni kuja kubonya malaghiro kwa Mlungu kwa nia ielie, kwa chia ya kuruka kwake Jesu Kristo;

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,