WAEBRANIA 1:14 - Biblia Ilagho Jiboie Kwa Wandu Wose

¹⁴ Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?

WAEBRANIA 1:14 ပူးပေါင်းရင်းမြစ်များ

KUZOYA 32:24

Ela Jakobo ukasigharika uekeri; na mndumu ukacha ukabukana nao hata kaavui na ndoe kuela.

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

AYUBU 1:6

Nao ituku jimu, weke malaika wikacha kukuwonyera weni imbiri ya BWANA, na Shetani wori ukacha aghadi kwawo.

ZABURI 104:4

Kwadatumia mbeo sa wadumwa wako, na luhehia sa wadumiki wako.

ZABURI 34:7

Malaika wa BWANA wadabonya kambi, kuwimara chia rose awo wimuobuagha; nao wadawikira.

DANIELI 3:28

Nebukadnezari ukaghamba, “Mlungu wa Shadraka, Meshaki na Abednego ndekaso, uo umdumie malaika wake kuwikira wadumiki wake. Weremrumrieghe na kuleghatala momu ghwapo; wikakaia tayari kufunya mimbi yawo kuchumba kudumikia na kutasa mlungu ghungi isaakaia ni Mlungu wawo moni.

DANIELI 6:22

Mlungu wapo wamdumie malaika wake, na kuifunga memu ya shimba, naro nderinibonyere ilagho jingi anduangi, kwa kukaia serewonekieghe kukaia na ikosa jingi imbiri kwake; na hata imbiri kwako ee mzuri sibonyere ikosa jingi anduangi.”

DANIELI 7:10

Kamoda ka modo kerefumieghe, na kuida imbiri kwake. Maelfu gha wandu werekoghe wikimdumikia, na mamilioni gha wandu, werekaighe kimusi imbiri kwake. Koti etanya ikawikwa, na vuo wikakuchulwa.

MATHAYO 1:20

Nao iji orekoghe ukighiririkanya malagho agho, malaika wa Bwana ukamfutukia kwa ndodo ukamzera, “Josefu mwana wa Daudi, kusakeobua kummbusa mkako Maria, angu kifu uko nacho ni kwa ndighi ra Roho Mweli.

MATHAYO 13:41

uja Mwana wa Mdamu, uchawiduma weke malaika wake wiwikwanye na kuwiinja na mbai ya wuzuri ghwake, awo wose wiredagha kaung'a na wose wibonyagha wuwiwi;

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

MATHAYO 2:13

Nao iji wameria kughala, malaika wa Bwana ukamfutukia Josefu ndodonyi ukamzera, “Wuka kummbwade mwana na mae, mkimbirie Misri, mkaie ahoeni hata namghoria; angu Herode uchamlola mwana upate kum'bwagha.”

MATHAYO 24:31

nao uchawiduma weke malaika wake na lwaka lubaa lwa tarumbeta, kuwikwanya wasaghulwa wake kufuma mbembe inya ra wurumwengu, kufuma kutua uku hata kutua kuja kwa mlungunyi.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

MATHAYO 4:11

Nao Ibilisi ukamsigha, na weke malaika wikacha kumdumikia.

MARKO 10:17

Hata iji Jesu wazoya charo chake, mundu umu ukamghendia na iseghe, ukamdungia ngokoro, ukamkotia, “Mwalimu mucha, yanifwana nibonye ilaghoki ima nipate ifwa ja irangi ja kala na kala?”

LUKA 1:19

Malaika ukamtumbulia, “Ini ne Gabrieli, nikaiagha kimusi imbiri ya Mlungu, nani naadumwa nichekughoria oho malagho mecha.

LUKA 1:23

Nao ngelo ya wudumiki ghwake iendasia, ukaghala cha nyumbenyi kwake.

LUKA 16:22

“Nao uja mkiwa ukafwa, ukadalwa ni weke malaika, ukasea kidombo kaavui na Abrahamu.

LUKA 2:13

Nao shwa jikawoneka izungu ja mlungunyi andwamweri na uja malaika, jikimkasa Mlungu na kughamba,

LUKA 2:9

Nao malaika wa Bwana ukawifutukia, na wubaa ghwa Bwana ghukang'ala-ng'ala chia rose kwawo, nawo wikaobua nandighi.

MABONYO GHA WADUMI 11:22

Malagho agho ghikajivikia Ikanisa jerekoghe Jerusalemu, nawo wikamduma Barnaba ughende Antiokia.

MABONYO GHA WADUMI 12:23

Shwa wori malaika wa Bwana ukamkaba, na kumghusha angu useremkasireghe Mlungu, ukalumwa ni vunyu ukafwa.

MABONYO GHA WADUMI 12:7

Shwa malaika wa Bwana ukakaia kimusi aho, na mwengere ghukang'ala-ng'ala chumbenyi cha jela; ukamnyavura Petro luwarunyi ukammbusira ukighamba, “Wuka shwa-shwa.” Nao minyororo ikapotoka kufuma mikonunyi kwake.

MABONYO GHA WADUMI 13:2

Nao iji werekoghe wikimtasa Mlungu na kufunga tumu, Roho Mweli ukaghamba, “Niwikienyi Barnaba na Sauli kwa wundu ghwa iyo kazi niwiwangie.”

MABONYO GHA WADUMI 16:26

Nao ahoeni, korekoghe na msughusiko m'baa ghwa ndoe; misingi ya jela ikasughusika, na shwa wori minyango yose ikarughuka, na vifungo va kula mfungwa vikafunguka.

MABONYO GHA WADUMI 27:23

Angu ikwau, malaika wa Mlungu wapo uo nimtasagha, orekoghe kimusi kaavui nani

MABONYO GHA WADUMI 5:19

Ela kio ghadi malaika wa Bwana ukairughua minyango ya jela na kuwifunya shighadi ukawizera,

WAROMA 11:14

eri niwibonye wamzedu Wayahudi kukaia na iriso, na kwa chia iyo nikire wamu wawo.

WAROMA 13:6

Ni kwa wundu ughu mwalipa kodi wori, angu awo wabonyi nguma wikakabonya iro kazi wadamdumikia Mlungu.

WAROMA 15:16

nipate kukaia mdumiki wa Kristo Jesu kwa wandu wa mbari zima, kwa ugho wukohani ghwa Ilagho Jiboie ja Mlungu, eri wandu wa mbari zima wikaie kizongona chirumirikiagha kwa Mlungu, chieleshero ni Roho Mweli.

WAROMA 15:27

Werefunyireghe kwa kuboilwa, ela kwa loli erewifwanieghe wibonye huwo; angu ngera wandu wa mbari zima wawaghane na waeli marasimio gha kiroho, yawifwana wandu wa mbari zima nawo weni wiwidumikie waeli kwa marasimio gha kimumbi.

WAROMA 8:17

na ikakaia diko wana, de wandu wa ifwa, wandu wa ifwa wa Mlungu, na wangara wa ifwa andwamweri na Kristo; ikakaia datirirwa andwamweri nao, eri diwonekaswa andwamweri nao wori.

1 WAKORINTHO 1:21

Angu Mlungu, kwa hikima yake, wurumwengu ghorelemeloghe ni kummanya kwa hikima yake cheni. Niko erem'boieghe Mlungu, kwa chia ya wukelu ghwa agha dawuyaghichila, kuwikira awo wirumiriagha.

2 WAKORINTHO 9:12

angu wudumiki ughu ndeghuwietesia waeli weni wiekeri anduangi, ela ghwawibonya wandu kumfunyira Mlungu chawucha kwa wungi.

WAGALATIA 3:29

Na ikakaia muko wa Kristo, aho moko wana wa Abrahamu, na wana wa ifwa karakara na ijo ilaghiro.

WAGALATIA 3:7

Kwa huwo mwawona kukaia wandu wa irumirio niwo wiko wana wa Abrahamu.

WAGALATIA 3:9

Niko huwo awo wose wiko wandu wa irumirio, warasimilwa chiaimweri na Abrahamu uo orekoghe na irumirio.

WAEFESO 3:6

kukaia, wandu wa mbari zima wapatire kuwuya wandu wa ifwa, via va ghuja mumbi ghumweri, na wangara wa ijo ilaghiro Mlungu orejibonyereghe andenyi ya Kristo Jesu kwa chia ya Ilagho Jiboie.

WAFILIPI 2:17

Hata ngera niafunywa sa kizongona cha kunywa, na kudilwa aighu ya kizongona cha irumirio jenyu, nichaboilwa na kuzuma andwamweri nenyo mmbose.

WAFILIPI 2:25

Nawona ni suti nimdumie mwanidu Epafrodito, mngara wa kazi na asikari andwamweri nani; ni mdumwa onyu, na mdumiki wa maza rapo.

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

TITO 3:7

eri dipate kutalwa kukaia na hachi kwa mvono ghwake, na kuwuya wandu wa ifwa wesuwiria irangi ja kala na kala.

WAEBRANIA 10:11

Na kula mkohani wadabonya wudumiki ghwake ituku ituku kalazi koni, ukifunya vizongona vija veni, ivo jingi visedimagha kuinja kaung'a.

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

WAEBRANIA 6:12

Msekaie waghadi, ela mkufwananishe na awo wichaajipata ifwa ijo ilaghiro, kwa chia ya irumirio na irumaghio.

WAEBRANIA 6:17

Kwa wundu ugho, iji Mlungu orekundeghe kuwiwonyera kilolia agho makusudi ghake ghiseghalukagha, awo werekoghe wijipate ifwa ijo ilaghiro, orejibonyereghe ijo ilaghiro kwa ighemi;

WAEBRANIA 8:6

Ela sa iji iko, Kristo wapatire wudumiki ghuboie kuchumba ugho ghwa kala, seji koni ijo ilaghano wawuyajidumikia jiko jiboie kuchumba; kwa kukaia jibonyero kwa malaghiro mecha kuchumba.

WAEBRANIA 9:28

huwo koni Kristo, umeria kufunywa indo jimweri uriduke kaung'a ra wengi, uchawoneka indo ja kawi; si kwa wundu ghwa kulwa na kaung'a, ela upate kuwikira awo wose wawuyammbesera kwa kufunga ndighi.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

1 PETRO 1:12

Nawo wikafunukuilwa angu ndewerekoghe wikikudumikia weni; ela ni inyo, kwa iro maza rimerie kuereshwa konyu ni awo weremchilieghe Ilagho Jiboie, kwa chia ya Roho Mweli uo oredumiloghe kufuma mlungunyi; na iro maza, weke malaika wakunda nandighi kurizighana.

1 PETRO 1:4

na kupata ifwa jisenonekagha, jiselushiro, jisesiagha, jiwikilo mlungunyi kwa wundu ghonyu

1 PETRO 3:7

Huwo koni inyo womi, mkaie na waka wenyu kwa wumboa; mkim'bonyera ishima muka, uo sa mundu uko mnyonge; kwa kukaia moko wangara wa ifwa ja mvono ghwa irangi, malombi ghenyu ghisecheghirilwa.

JUDA 1:14

Na Enoko, mundu wa kivalwa cha mfungade nyuma ya Adamu, orefunyireghe wulodi aighu ya wandu awa ukighamba, “Olenyi Bwana waawuyacha andwamweri na maelfu gha waeli wake,

WUFUNUO 5:6

Niko neremmbonieghe Mwana wa Ng'ondi uko kimusi ghadi na ghadi ya icho kifumbi cha nguma, na iro nyamandu riko moyo inya, na awo waghosi. Nao orekoghe ukiwoneka seji odebwaghwa; orekoghe na mbembe mfungade, na meso mfungade, nagho ni roho mfungade ra Mlungu ridumilo ndoenyi kose.