TITO 3:8 - Biblia Ilagho Jiboie Kwa Wandu Wose

⁸ Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

TITO 3:8 ပူးပေါင်းရင်းမြစ်များ

AYUBU 22:2

“Welee, mdamu wadima kumfwana Mlungu? Loli mundu uko na hikima wadakufwana uo moni.

ZABURI 78:22

kwa kukaia ndewerekoghe na irumirio kwake hata ndewererirumirieghe ndighi rake rekira anduangi.

MAKATANISHO 21:28

Wushuhuda ghwa tee ghuchasia, ela ilagho ja mundu usikiragha jichadua.

MATHAYO 20:4

Ukawizera, ‘Na inyo wori ghendenyi mbuwenyi ya mizabibu, na icho chiko hachi yenyu nichamlipa.’

JOHANE 12:44

Nao Jesu ukaghora kwa lwaka lubaa, “Mndungi ukanirumiria ini, ndenirumiriagha ini tu, ela wamrumiria uo orenidumieghe.

JOHANE 5:24

“Namghoria loli, uo ose usikiragha ilagho japo, na kumrumiria Uo orenidumieghe, oko na irangi ja kala na kala; nao ndengiagha kutanyonyi anduangi, ela wameria kuida kufuma kifonyi na kungia iranginyi.

MABONYO GHA WADUMI 12:15

Wikamzera, “Koko na isu.” Ela uo ukachuria kughora wori ni huwo koni. Wikamzera, “Ni malaika wake.”

WAROMA 4:5

Na mundu usebonyagha kazi, nao warumiria kwa Uo uwitaliagha wandu wisemuobuagha Mlungu wikaie na hachi, irumirio jake mundu uo jatalwa kukaia hachi.

2 WAKORINTHO 4:13

Kwa kukaia deko na roho ija cheni ya irumirio, erekoghe na uja mundu oreandikieghe, “Ini nederumiria, niko ngadeda,” isi wori darumiria, niko huwu dadeda;

WAEFESO 4:28

Mundu orekoghe kitoi, useiwe sena; ela bora ubonye kazi ndicha kwa mikonu yake, eri udime kuwitesia awo wisewadie.

1 TIMOTHEO 1:15

Ilagho iji ni ja loli, najo jafwana kurumirilwa putu, kukaia Jesu orechieghe wurumwengunyi kukira wakaung'a; na wa imbiri wa awo wakaung'a ni ini moni;

1 TIMOTHEO 2:8

Niko nikunde angu womi wose wilombe kula andu, wikiwusira mikonu ielie, kuseko na machu angu kurashana kungi.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

2 TIMOTHEO 1:12

na kwa wundu ugho, niko nawuyapatwa ni ughu wasi. Ela sifwagha waya, angu namwichi uo nimrumirie, nani neko na wuloli kukaia wadima kuchilindia icho nichiwikie kwake hata Ituku jija.

TITO 1:9

Suti ukaie mundu ujiwadiagha nicha ijo ilagho ja loli jirumirikie, seji koni ufundishiro; eri udime kufundisha mafundisho gha loli, na wokoni udime kuwisima kwa kuwiwonyera makosa awo wijitangalagha.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

TITO 2:7

Kukuwonyere kumoni kukaia mfwano ghwa mabonyo mecha kwa kula chia, na kwa mafundisho ghako kukuwonyere kumoni kukaia kwaghiichi sena kwawuyaghitala,

TITO 3:1

Kuwikumbuse wandu wikusere kwa wabaa, na awo wibonyagha nguma; wikaie wesikira, na kukaia tayari kubonya kazi iyo yose iko ndicha.

TITO 3:14

Na wandu wedu wikufundishe kukufunya kwa kubonya kazi ndicha, eri widime kutesia maza rakundika kwa shwa-shwa, wisekaie wisene mabonyo.

FILEMONI 1:11

(Uo imbiri orekoghe usene fwaida ingi kwako, ela idana oko na fwaida kwako na kwapo wori).

WAEBRANIA 10:24

Nesi ndeditalane na kushashiriana diweni na diweni, kwa lukundo, na kubonya kazi ndicha.

1 PETRO 1:21

Kwa chia yake uo, moko na irumirio kwa Mlungu, uo oremrukishireghe kufuma kwa wafu, na kumneka wubaa; eri irumirio jenyu, na isuwirio jenyu, jikaie kwa Mlungu.