TITO 3:14 - Biblia Ilagho Jiboie Kwa Wandu Wose

¹⁴ Na wandu wedu wikufundishe kukufunya kwa kubonya kazi ndicha, eri widime kutesia maza rakundika kwa shwa-shwa, wisekaie wisene mabonyo.

TITO 3:14 ပူးပေါင်းရင်းမြစ်များ

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

MATHAYO 21:19

Hata iji waghuwona mtini mbai na mbai ya chia ukaghughendia, nao nderepatireghe itunda jingi ela malemba maduu. Ukaghuzera ghuja mudi, “Jingi kuseve itunda sena.” Nao ghuja mtini ghukanyaya shwa wori.

MATHAYO 7:19

Kula mudi ghusevagha matunda ghiboie, ghwadademwa na kukumbwa modonyi.

JOHANE 15:16

Inyo ndemorenisaghueghe ini anduangi, ela ni ini neremsaghueghe inyo, na kumduma mwende muve matunda, matunda ghiduagha; eri icho chose mchaalomba kwa Aba kwa irina japo umneke.

JOHANE 15:8

Aba uchakaswa mkava matunda mengi, nenyo mchawoneka kukaia moko wanughi wapo.

MABONYO GHA WADUMI 18:3

na kwa kukaia kazi rawo redeeka rifwanane, ukakaianya nawo; angu wose wedeeka na kazi ebonya hema.

MABONYO GHA WADUMI 20:35

Neremmbonyereghe kwa maza rose, seji kwa kubonya huwo idifwane diwitesie awo wisewadie ndighi; dikikumbuka malagho gha Bwana Jesu seji oreghambieghe, ‘Kuneka wandu koko na irasimio nandighi kuchumba kunekwa ni wandu.’”

WAROMA 12:13

Funyenyi manosi kwa wundu ghwa waeli, mkulisishe kukaribisha waghenyi.

WAROMA 15:28

Kwa huwu iji nameria iyo kazi, na kuwineka icho chichangilo, nichaghenda Spania ngiidiria konyu;

WAEFESO 4:28

Mundu orekoghe kitoi, useiwe sena; ela bora ubonye kazi ndicha kwa mikonu yake, eri udime kuwitesia awo wisewadie.

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

WAFILIPI 4:16

angu hata iji nerekoghe Thesalonike, morekoghe mkiniredia wutesia kalazi koni.

WAFILIPI 4:17

Si angu wei naawuyalola agho manosi, ela naawuyalola itunda jichuriagha mtalo ghonyu.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

1 WATHESALONIKE 2:9

Inyo mwakumbuka seji dibonyere kazi kwa kusumbuka nandighi wanidu; derebonyereghe kazi kio na dime, eri disekechamlemera ungi onyu, ngelo dikimchilia ijo Ilagho Jiboie ja Mlungu.

2 WATHESALONIKE 3:8

nesi ndederejieghe vindo va mndungi disevilipe anduangi; ela derebonyereghe kazi kwa kufunga ndighi kio na dime, eri disemlemere mndungi onyu.

TITO 2:8

kwa madedo gha loli ghisedimagha kufunywa makosa; eri mtangali upate kufushwa waya, kwa kusowa ilagho jingi iwiwi jeghora.

TITO 3:8

Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

2 PETRO 1:8

Angu mkakaia na maza iri kwa wungi, richam'bonya msekaie waghadi, hata kulemwa ni mabonyo ghiwonyeragha uko kummanya Bwana odu Jesu Kristo.