TITO 3:1 - Biblia Ilagho Jiboie Kwa Wandu Wose

¹ Kuwikumbuse wandu wikusere kwa wabaa, na awo wibonyagha nguma; wikaie wesikira, na kukaia tayari kubonya kazi iyo yose iko ndicha.

TITO 3:1 ပူးပေါင်းရင်းမြစ်များ

MAKATANISHO 24:21

Mwana wapo, kumuobuo BWANA na mzuri, hata kuseleghe kumsikira ungi wawo;

MCHILI 10:4

M'bonyi nguma ukakubonyera machu, kusakesigha kazi yako; kunyama kima kwadima kughalua malagho.

ISAYA 43:26

“Kunikumbuke, nao kuche didede agho malagho; reda mashitakio ghako kupate kuwoneka ngera koko na hachi.

JEREMIA 27:17

Msakewisikira! Mdumikienyi mzuri wa Babuloni mpate kukaia moyo. Kwaki ado ughu muzi ghuwuyagha ighacho?

MATHAYO 22:21

Wikaghamba, “Ni va Kaisari.” Nao ukawizera, “Kwa huwu mnekenyi Kaisari vindo va Kaisari na Mlungu vindo va Mlungu.”

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WUKUMBUSO 17:12

Mundu ukang'eta, na kulegha kumsikira mtanyi angu mkohani uo udumikagha imbiri ya BWANA Mlungu wako, uchabwaghwa; na kwa chia iyo, mchainja wuwiwi kwa Israeli.

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

1 TIMOTHEO 2:2

kwa wundu ghwa wazuri, na wandu wose wa veo va ighu; eri dipate kukaia na irangi jihorie, na ja sere, jiko na kuobua kwa Mlungu, jiko ja ishima kwa chia rose.

1 TIMOTHEO 4:6

Kukawineka wanidu malaghiro agha, kuchakaia mdumiki mucha wa Kristo Jesu; ujishiro nicha kiroho, andenyi ya ijo irumirio, na mafundisho mecha agho kumerie kughinugha.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

2 TIMOTHEO 1:6

Kwa wundu ugho, nakukumbusa kujinyavurishe ijo inosi ja Mlungu jiko andenyi kwako; ijo korejipatireghe kwa chia ya kukuwikiria mikonu yapo.

2 TIMOTHEO 2:14

Kuwikumbuse wandu maza iri, na kuwilaghira imbiri ya Bwana kukaia, wiinjikie nganyi aighu ya malagho ghisewadie fwaida ingi, ela ghadawinona awo wighisikiriagha.

2 TIMOTHEO 2:21

Ngera mndungi wakuelesha moni na iro maza mbiwi, uchakaia chombo cha ishima, chiwikilo wakfu, chimfwanagha mundu wa nyumba, kwa wundu ghwa kula kazi ndicha.

TITO 1:16

Waghamba wei wamwichi Mlungu, ela waawuyamkana kwa mabonyo ghawo; ni wandu wizamie, wileghagha, wisefwanagha kwa kazi ingi ndicha.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

TITO 3:14

Na wandu wedu wikufundishe kukufunya kwa kubonya kazi ndicha, eri widime kutesia maza rakundika kwa shwa-shwa, wisekaie wisene mabonyo.

TITO 3:8

Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

2 PETRO 1:12

Kwa huwo, nakunde kumkumbusa maza iri matuku ghose, hata ngera mwariichi na kumanga andenyi ya iyo loli mko nayo.

JUDA 1:5

Idana nakunde nimkumbuse, hata ngera mwamerie kughorelwa malagho ghose kufuma imbiri; kukaia, Mlungu uendawikira wandu isanga ja Misri, konyuma orewitoteshereghe awo wereleghieghe kurumiria.