TITO 2:8 - Biblia Ilagho Jiboie Kwa Wandu Wose

⁸ kwa madedo gha loli ghisedimagha kufunywa makosa; eri mtangali upate kufushwa waya, kwa kusowa ilagho jingi iwiwi jeghora.

TITO 2:8 ပူးပေါင်းရင်းမြစ်များ

NEHEMIA 5:9

Niko ngaghamba, “Agho malagho mwawuyabonya ndeghiboie! Yafwane kughenda kwa kum'bonyera Mlungu ishima, eri mghirie wandu wa iro mbari zima, awo wiko wamaiza wedu wisediseke.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

MARKO 12:17

Nao Jesu ukawizera, “Mnekenyi Kaisari vilambo viko vake Kaisari, na Mlungu vilambo viko vake Mlungu.” Nao wikashinika loli-loli.

MARKO 12:28

Nao umu wa walimu wa Sharia ukacha, ukasikira sa iji werekoghe wikimkotia, nao ukimanya angu wawitumbulia nicha, ukamkotia Jesu, “Welee, aghadi ya memu yose, ughu ghuchumbie ni ghuao?”

MARKO 12:32

Uja mwalimu wa Sharia ukamzera, “Ni loli mwalimu, kwaghora nicha angu Mlungu ni umweri, hata ndekuwadie mzima anduangi, ela uo moni.

MARKO 12:34

Nao Jesu iji wawona seji waghora kwa akili, ukamzera, “Oho ndekuko kula na Wuzuri ghwa Mlungu anduangi.” Na kufuma aho, mndungi nderedimieghe sena kumkotia ilagho jingi anduangi.

LUKA 13:17

Uendaghora huwo, wamaiza wake wose wikafushwa waya, na wandu wose wikaboilwa kwa wundu ghwa iro maza ndicha rose Jesu oreribonyereghe.

2 WATHESALONIKE 3:14

Ngera mndungi walegha kusikira agho daghighora andenyi ya barua ihi, mmbikenyi worinyi hata msewadane nao kwa ilagho jingi; eri upate kufwa waya.

1 TIMOTHEO 5:14

Kwa wundu ugho, niawona waka wifuilo ni womi wawo wiko watini, wilowolo, wive wana, wiribonyere nguma nyumba rawo; wisechemneka mmaiza wulalo ghodisholia.

1 TIMOTHEO 6:3

Ngera mndungi wafundisha wuzima, nao nderumiriagha malagho gha loli gha Bwana odu Jesu Kristo, na mafundisho ghiko na kuobua kwa Mlungu,

TITO 3:14

Na wandu wedu wikufundishe kukufunya kwa kubonya kazi ndicha, eri widime kutesia maza rakundika kwa shwa-shwa, wisekaie wisene mabonyo.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

1 PETRO 2:15

Angu ni lukundo lwa Mlungu kwa inyo kubonya nicha, muwinyamirishe wandu wakelu wisemanyagha.

1 PETRO 3:16

mkikaia na nia ielie, eri iji mwadukanwa, awo wisholiagha tabia renyu riboie andenyi ya Kristo, wipate kufwa waya.