TITO 2:7 - Biblia Ilagho Jiboie Kwa Wandu Wose

⁷ Kukuwonyere kumoni kukaia mfwano ghwa mabonyo mecha kwa kula chia, na kwa mafundisho ghako kukuwonyere kumoni kukaia kwaghiichi sena kwawuyaghitala,

TITO 2:7 ပူးပေါင်းရင်းမြစ်များ

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

2 WAKORINTHO 2:17

Angu isi, ndediko sa wandu wamu wengi witumiagha ilagho ja Mlungu kwa fwaida rawo weni anduangi, ela deko sa wandu wa loli widumilo ni Mlungu; dadeda imbiri ya Mlungu andenyi ya Kristo.

2 WAKORINTHO 4:2

Ela darilegha iro chia rivisikie ra waya, na kulegha kughenda na mikalo, hata ndedikunde kujighalusa ilagho ja Mlungu anduangi. Ela dadeda worinyi malagho gha loli, eri kula mundu udimanye seji diko imbiri ya Mlungu.

2 WAKORINTHO 8:8

Siwueghora agha sa kumfunyira momu, ela kwa kuwonyera seji wazima wiko na ngolo etesia; naawuyalola kuwona ngera lukundo lonyu ni lwa loli.

WAEFESO 6:24

Mvono ndeghukaie andwamweri na awo wose wimkundagha Bwana odu Jesu Kristo kwa lukundo lusewadie kutua.

WAFILIPI 1:10

eri mpate kusaghua iro riboie kuchumba, na kukaia muelie msewadie ikosa jingi ijo Ituku ja Kristo,

2 WATHESALONIKE 3:9

Si angu wei ndediwadie hachi emlemera, ela dedekunda dimmbonyere mfwano ghwa tabia edu, mpate kukufwananisha nagho.

1 TIMOTHEO 4:12

Mndungi usakeghumenya wudawana ghwako; ela kukaie mfwano kwa warumirii kwa chia ya madedo na tabia, kwa lukundo, kwa irumirio na wueli.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

TITO 3:8

Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

1 PETRO 5:3

si sa wandu m'bonyagha nguma aighu ya awo wiko aisi yenyu, ela mkaie fwana kwa chagha.