TITO 2:2 - Biblia Ilagho Jiboie Kwa Wandu Wose

² Kuwilaghire waghosi wikaie wa kukumazira, wiko na wuloli, wiko na suku, na irumirio jikatie, na lukundo, na kumanga.

TITO 2:2 ပူးပေါင်းရင်းမြစ်များ

AYUBU 12:12

Waghosi niwo wiko na hikima, sena kwa kukaia na matuku mengi, wawadie suku.

ZABURI 92:14

Ikeduaghosia yadavagha matunda toe, nayo yadakaia mmbishi toe.

MAKATANISHO 16:31

Chongo chielie imbu, ni kirumbu cha wubaa; chadapatwa kwa kukaia na irangi ja hachi.

ISAYA 65:20

Ndekuchaakaia na mwana ungi ufwagha uko mkoo, hata mghosi ungi ndechaafwa usekatishire matuku gha wughosi ghwake; kwa kukaia mwana uchazoghua uvike miaka ighana, ima uchefwa; na mghosi ufwagha usevikie miaka ighana, uchatalwa kukaia mkaung'a uwadilo ni njowe.

WALAWI 19:32

“Kummbukie kimusi mghosi uko na imbu kwa kumneka ishima, kumuobuo Mlungu wako; ini ne BWANA.

MARKO 5:15

Wikamghendia Jesu, wikammbona uja mundu orekoghe na ijeshi ja pepo uko kidombo, urwae nguwo, sena uko na akili rake nicha, wikaobua.

LUKA 8:35

Na wandu wikafuma wipate kuwona iro rerebonyekieghe; wikacha kwa Jesu na kummbona uja mundu orewingiloghe pepo uko maghunyi kwake warwa nguwo, na akili rake riko nicha, nawo wikangilwa ni wowa.

MABONYO GHA WADUMI 24:25

Nao iji Paulo orekoghe ukija malagho aighu ya hachi, kukumazira, na kuja kutanywa kuchagha, Felike ukaobua ukaghamba, “Idana kwadima kughenda, ngapata wulalo, nikuwanga sena.”

WAROMA 12:3

Angu kwa ugho mvono ninekelo, namzera kula mundu uko aghadi konyu, usakekujosa uo moni kuchumba seji imfwanagha; ela ukutale karakara na seji Mlungu umnekie ijo irumirio.

1 WAKORINTHO 15:34

Kuwurienyi; sighenyi kubonya kaung'a. Angu wamu ndewimwichi Mlungu anduangi. Naghora huwu kumfusha waya inyo.

1 WAKORINTHO 9:25

Kula mundu ose wa misarigho wadakuzaisira kukumazira moni kwa maza rose. Wabonya huwo, eri wipate kirumbu chiseduagha; ela isi ni kupata kirumbu chiduagha.

2 WAKORINTHO 5:13

Angu ikakaia deeghalukwa ni akili redu, ni kwa wundu ghwa Mlungu; na ikakaia diko na akili redu nicha, ni kwa wundu ghwa fwaida enyu.

WAGALATIA 5:23

wumboa, na kukumazira; aighu ya maza iri, ndekuwadie sharia ingi anduangi.

WAFILIPI 4:8

Kutua wanidu, maza iro rose riko ra loli, iro rose riko ra ishima, iro rose riko ra hachi, iro rose rielie, iro rose riboie; ikakaia riko ringi ra sare ndicha, ikakaia ghuko wucha ghungi, ikakaia chiko kilambo chingi chifwanagha kukaswa; ririkanyenyi aighu ya maza iro.

1 WATHESALONIKE 5:6

Kwa huwo disakelala seji wazima wilalagha, ela dichereshe na kukaia na akili.

1 WATHESALONIKE 5:8

Ela angu isi de wandu wa dime, ndedikaie na akili, dikirwa irumirio na lukundo sa ngao ya laghenyi, na isuwirio ja kukia sa kofia ya chuma.

1 TIMOTHEO 1:10

na walaki; womi wilakagha na womi, waiwi wandu, watee, na waghemi wa tee, chiaimweri na maza zima rose risewadanagha na mafundisho gha loli;

1 TIMOTHEO 1:14

na Bwana oredirieghe mvono ghwake aighu yapo kwa wungi, chiaimweri na irumirio, na lukundo luko andenyi ya Kristo Jesu.

1 TIMOTHEO 1:2

Nakuandikia oho Timotheo, mwanwapo tiki kwa irumirio. Mvono ndeghukaie kwako, na wughoma, na sere ifumagha kwa Mlungu Aba, na kwa Kristo Jesu Bwana odu.

1 TIMOTHEO 1:5

Na malaghiro ghedu isi ni kukunda wikaie na lukundo ulo lufumagha kwa ngolo ielie, na nia iboie, na irumirio ja loli.

1 TIMOTHEO 3:11

Waka wori suti wikaie wa loli, wisekaie wezighiria, ela wikaie wikumaziragha weni, wiko waloli kwa maza rose.

1 TIMOTHEO 3:2

Idana mzighaniri wa ikanisa ni suti ukaie usewadie ikosa jingi; ukaie mndwawomi wa muka umweri, udimagha kukumazira, uko na akili nicha, mundu wa ishima, ukaribishagha wandu, uichi kufundisha,

1 TIMOTHEO 3:4

Suti ukaie mundu uibonyeragha nguma nyumba yake nicha, mundu uwibonyagha wana wake wimsikire, na kukaia na ishima kwa kula chia.

1 TIMOTHEO 3:8

Watesia wa ikanisa wokoni, suti wikaie waloli wiseko weghaluka-ghaluka; wisenywagha divei nyingi, hata kukaia na iriso ja fwaida iseboie.

1 TIMOTHEO 5:1

Kusakemkemia mghosi ungi; ela kumvoye sa ndeyo, na wadawana sa wanyinyu wa womi;

TITO 1:13

Wushuhuda ughu ni ghwa loli. Kwa huwo, kuwikemie kwa kubia, eri wipate kukaia waloli kwa irumirio,

TITO 1:8

Ela ukaie mundu okaribisha wandu, ukundagha kubonya nicha, ukubonyeragha nguma moni, mundu wa hachi, uelie, ukumaziriagha moni.

TITO 2:7

Kukuwonyere kumoni kukaia mfwano ghwa mabonyo mecha kwa kula chia, na kwa mafundisho ghako kukuwonyere kumoni kukaia kwaghiichi sena kwawuyaghitala,

FILEMONI 1:9

elaima kwa wundu ghwa lukundo, nawona nibonye ilombi kwako. Ini Paulo, mdumwa wa Kristo Jesu, na idana ne mfungwa kwa wundu ghwake,

1 PETRO 1:13

Kwa huwu mkaie na nia riko tayari kubonya malagho. Mkaie na akili nicha, mkighusuwiria ghuja mvono ghuchaamchea ngelo ya kufunukulwa kwa Jesu Kristo.

1 PETRO 4:7

Uko kutua kwa maza rose kwalighisa; kwa huwo kaienyi na akili na kukumazira eri mpate kulomba Mlungu.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

2 PETRO 1:6

na aighu ya kumanya, mchurie kukumazira; na aighu ya kukumazira, mchurie kumanga; na aighu ya kumanga, mchurie kuobua kwa Mlungu;