TITO 2:14 - Biblia Ilagho Jiboie Kwa Wandu Wose

¹⁴ Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

TITO 2:14 ပူးပေါင်းရင်းမြစ်များ

KUZOYA 48:16

na malaika uo orenikirieghe nisepato ni mawiwi; uwirasimie wana awa. Irina japo na marina gha weke aba Abrahamu na Isaaka, ndeghiduo andenyi kwawo. Nawo ndewizoghuo wive na kuchurikia ndoenyi kose.”

ZABURI 130:8

Uchawikira wandu wake Israeli na kaung'a rawo rose.

ZABURI 135:4

Wamsaghue Jakobo ukaie wake, wandu wa Israeli wikaie mali yake cheni.

KUFUMA 15:16

Kiture na wowa vangia andenyi kwawo; kwa wundu ghwa kudima kwa mkonu ghwako, wakaia kima sa igho; hata wandu wako wameria kuida ee BWANA, hata wandu wako waida, awo korewighueghe.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

EZEKIELI 37:23

Ndewichaakulusha na milimu yawo hata kukunona na vilambo vizamie sena, angu makosa ghangi ghawo; ela nichawikira na uko kuwuya nyuma kwawo kose, uko werenibonyereghe nako kaung'a. Nichawielesha wikaie wandu wapo, nani nikaie Mlungu wawo.

WALAWI 25:41

niko ufume kwako chiaimweri na wana wake, na kughenda cha mzawo andu ifwa ja ndee jerekoghe.

MALAKI 3:3

Uchacha kutanya sa mundu ueleshagha feza. Mdumwa wa BWANA uchawielesha wakohani sa mchani vuma ueleshagha feza na dhahabu wipate kumfunyira mafunyo ghiboie.

MITALO 25:13

najo jichakaia kwake na kwa kivalwa chake nyuma yake ja kukaia na wukohani ghwa matuku ghose; kwa kukaia ndererumaghieghe wutasi ghwa milungu mizima, ela Mlungu wake; nao ukabonya wupatanisho kwa wundu ghwa kaung'a ra wandu wa Israeli.”

MITALO 7:15

mwanwanjau umweri, bauru imweri, mwana wa ng'ondi wa womi umweri wa mwaka ghumweri, kwa wundu ghwa kizongona chekora,

MATHAYO 1:21

Nao uchava mwana wa womi, na oho kuchammbanga irina jake Jesu, angu nuo uchaawikira wandu wake kufuma kaung'enyi rawo.”

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

JOHANE 10:15

sa iji Aba uniichi ini, nani namwichi Aba; nani najifunya irangi japo kwa wundu ghwa ng'ondi.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

MABONYO GHA WADUMI 15:14

Simeoni waghora idakoni seji Mlungu orezoeghe kuwivikia wandu wa mbari zima, ukupatire wandu kufuma aghadi kwawo kwa wundu ghwa irina jake.

MABONYO GHA WADUMI 15:9

Hata nderewonyereghe wuchumbano ghungi aghadi ya awo na isi, ela orerieleshereghe ngolo rawo kwa irumirio.

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

MABONYO GHA WADUMI 9:36

Na aja Jopa korekoghe na mnughi umu uwangwagha Tabitha, kigriki ni Dorkasi (kutambua kwaro ni shaa.) Muka uhu orekoghe na mabonyo mecha na kufunya makuwio.

WAGALATIA 1:4

uo orekufunyireghe moni kwa wundu ghwa kaung'a redu, upate kudikira na ngelo rizamie ra matuku agha, karakara na lukundo lwa Mlungu Aba odu;

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

WAEFESO 1:11

Andenyi kwake Kristo, kunughana na ugho mpango ghwa Mlungu, uo uvikatishagha vilambo vose, karakara na njama ya lukundo lwake,

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WUKUMBUSO 14:2

Inyo mo wandu wa BWANA Mlungu onyu; wamsaghue aghadi ya wandu wose wa ndoenyi, mkaie wandu wake moni.

WUKUMBUSO 26:18

BWANA wamghora idime kukaia inyo mo mbari ya wandu wake moni, sa iji koni ulaghirie; na kukaia mughiwadieghe malaghiro ghake.

WUKUMBUSO 4:20

Ela BWANA wammbwadie inyo, ukamfunya Misri modonyi ghwa iwiwi ja chuma; ukamfunya mpate kukaia wandu wake moni seji iko idime.

WUKUMBUSO 7:6

Angu inyo mo wandu msaghulo ni BWANA Mlungu onyu kufuma aghadi ya wandu wose wa ndoenyi; mkaie wake moni; nenyo mo wasaghulwa wa BWANA Mlungu onyu.

1 TIMOTHEO 1:15

Ilagho iji ni ja loli, najo jafwana kurumirilwa putu, kukaia Jesu orechieghe wurumwengunyi kukira wakaung'a; na wa imbiri wa awo wakaung'a ni ini moni;

1 TIMOTHEO 2:10

ela wikupambe kwa mabonyo mecha, seji iwifwane waka wimuobuagha Mlungu.

1 TIMOTHEO 2:6

uo orekufunyireghe moni ukaie wukomboli kwa wundu ghwa wandu wose, nagho ni wushuhuda ghufunyiro kwa ngelo yaro.

1 TIMOTHEO 6:18

Nawo wibonye nicha, wikaie na mali kwa wundu ghwa kubonya nicha, wifunyagha vindo vawo wikiwiwaghia wazima kwa ngolo ndicha.

TITO 2:7

Kukuwonyere kumoni kukaia mfwano ghwa mabonyo mecha kwa kula chia, na kwa mafundisho ghako kukuwonyere kumoni kukaia kwaghiichi sena kwawuyaghitala,

TITO 3:8

Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 10:24

Nesi ndeditalane na kushashiriana diweni na diweni, kwa lukundo, na kubonya kazi ndicha.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.

1 PETRO 1:18

Angu mwamanya morekombologhe kufuma kwa iro chia renyu ra wuduu ra kala, iro moreriwadieghe kufuma kwa weke ndeyo; si kwa vilambo vinonekagha sa feza angu dhahabu anduangi,

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

1 JOHANE 1:9

Dikarumiria kaung'a redu, Mlungu ni mloli na mhachi; nao uchadifuya wughoma kaung'a redu, na kudielesha wuwiwi ghodu ghose.

1 JOHANE 3:2

Wakundwa, de wana wa Mlungu idana; ela ndeiwueka worinyi seji dichaakaia. Damanya angu kasikira Kristo wawoneka worinyi, dichafwanana nao, angu dichammbona seji koni uko.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.