TITO 2:12 - Biblia Ilagho Jiboie Kwa Wandu Wose

¹² nagho ghwadifundisha kulegha mawiwi, na bea ra wurumwengu, dipate kudua moyo diko na akili ndicha, waloli, na irangi jiko na kuobua kwa Mlungu andenyi ya wurumwengu ughu;

TITO 2:12 ပူးပေါင်းရင်းမြစ်များ

ZABURI 105:45

eri wandu wake widime kuriwada sharia rake, na kusikira malaghiro ghake. BWANA ndekaso!

ZABURI 4:3

Manyenyi kukaia, BWANA wakusaghue moni wandu wimuobuagha; Ngammbanga BWANA wadasikira.

EZEKIELI 36:27

Nichangira roho yapo andenyi konyu, na kumghenja kwa kunugha sharia rapo, nenyo mchailindia na kuitala memu yapo.

MATHAYO 12:32

Sena uo uchaaghora ilagho ja kumtangala Mwana wa Mdamu uchalekelwa, ela uo uchaaghora ilagho ja kumtangala Roho Mweli, ndechaalekelwa kwa wurumwengu ughu hata kwa wurumwengu ghuchagha wori.

MATHAYO 16:24

Niko Jesu ukawizera wanughi wake, “Mndungi ukakunda kukaia mnughi wapo, suti ukukane uo moni, ughuduke msalaba ghwake uninughe.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

LUKA 1:75

kwa wueli na hachi imbiri kwake matuku ghose gha irangi jedu.

JOHANE 14:30

Sidimagha kughora nenyo luma, angu m'bonyi nguma wa wurumwengu ughu waawuyacha; nao ndewadie nguma ringi aighu yapo anduangi.

JOHANE 6:25

Nao iji wammbona kimonu cha ndiwa wikamzera, “Mwalimu, kwachee lii aha?”

MABONYO GHA WADUMI 24:16

Kwa huwo naawuyafunga ndighi matuku ghose nisekaie na ikosa jingi imbiri ya Mlungu, na imbiri ya wandu wori.

MABONYO GHA WADUMI 24:25

Nao iji Paulo orekoghe ukija malagho aighu ya hachi, kukumazira, na kuja kutanywa kuchagha, Felike ukaobua ukaghamba, “Idana kwadima kughenda, ngapata wulalo, nikuwanga sena.”

WAROMA 12:2

Msakekufwananisha mmbeni na wurumwengu ughu, ela mghalulo kwa chia ya akili renyu kubonywa mbishi; mpate kumanya lukundo lwa Mlungu; niki chiboie, chirumirikiagha, na chiko chikatie.

WAROMA 6:12

Kwa huwu msesighe kaung'a ibonye nguma andenyi ya mimbi yenyu ifwagha, hata mrumirie kurikatisha bea raro.

WAROMA 6:19

Niaghora sa wandu wose, kwa wundu ghwa kusowa kutambukilwa konyu. Sa iji koni morefunyireghe via venyu kwa wuchafu, na kubonya wuwiwi ghuchumbie, huwo koni idana muvifunye putu via venyu kubonya hachi kwa wundu ghwa kueleshwa.

WAROMA 8:13

angu mkakaia moyo mkighenda seji mumbi ghukundagha mchafwa; ela mkaghibwagha mabonyo gha mumbi kwa Roho, mchakaia moyo.

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

2 WAKORINTHO 7:1

Idana kwa kukaia deko na malaghiro agha wakundwa, yadifwana dikueleshe isi diweni wuchafu ghose ghwa mumbi na roho, na kughukatisha wueli kwa uko kuobua kwa Mlungu.

WAGALATIA 1:4

uo orekufunyireghe moni kwa wundu ghwa kaung'a redu, upate kudikira na ngelo rizamie ra matuku agha, karakara na lukundo lwa Mlungu Aba odu;

WAGALATIA 5:24

Na awo wiko wa Kristo Jesu wamerie kughusulubisha mumbi chiaimweri na mirudo yaro na bea raro.

WAEFESO 1:4

Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

WAKOLOSAI 1:22

Ela idana, wampatanishire na uo moni kwa chia ya kifwa cha Mwana wake, uko na mumbi ghwa nyama; upate kumreda inyo imbiri kwake wandu wielie, msewadie iboli hata ikosa jingi.

1 WATHESALONIKE 4:7

Angu Mlungu nderediwangieghe diduo andenyi ya wuchafu, ela dikaie andenyi ya wueli.

1 WATHESALONIKE 4:9

Idana inyo ndemne haja eandikilwa malagho gha kuwikunda wanidu anduangi, angu inyo mmbeni mwamerie kufundishwa ni Mlungu kukundana mmbeni na mmbeni;

1 TIMOTHEO 4:12

Mndungi usakeghumenya wudawana ghwako; ela kukaie mfwano kwa warumirii kwa chia ya madedo na tabia, kwa lukundo, kwa irumirio na wueli.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

1 TIMOTHEO 6:9

Na wandu wikunde kukaia na mali, waghwa na kungia matimonyi; wangia mdeghonyi, na andenyi ya bea nyingi ra ndengwa risewadie akili, iro riwinonagha, na kuwitotesha wandu.

2 TIMOTHEO 3:12

Na loli, awo wikunde kudua na irangi jemuobua Mlungu andenyi ya Kristo Jesu, wichatirirwa

2 TIMOTHEO 4:10

Angu Dema wanisighie kwa kukunda maza ra wurumwengu ughu ghwa idana na kughenda Thesalonike, Kreske nao waghendie Galatia, na Tito ukaghenda Dalmatia.

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

WAEBRANIA 8:11

Hata ndewichaafundishana kula mundu na mmbao, angu kula mundu na mruna, wikighamba ‘Mmanye Bwana’ angu wose wichanimanya, kufuma mtini, hata m'baa wawo.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

2 PETRO 2:9

Kwa huwo, Bwana waichi kuwivuvua na matimo awo wimuobuagha Mlungu, na kuwiwika wakosi wifungie hata Ituku ja Kutanywa;

2 PETRO 3:11

Kwa kukaia vilambo ivi vose vichasagha huwu, yamfwana inyo mkaie wandu wifwane wada? Yamfwana mkaie na irangi jielie, na kuobua kwa Mlungu;

1 JOHANE 2:27

Ela inyo mwaduagha mmbikilo wakfu kwa kunekwa Roho Mweli, hata ndemne haja efundishwa ni mndungi; angu uo Roho Mweli mnekelo, wawuyamfundisha maza rose; nao ni wa loli, hata ndeghoragha tee anduangi; nenyo kaienyi andenyi kwake Kristo, sa iji koni umfundishire.

1 JOHANE 2:6

Uo ughambagha wei wadakaia andenyi ya Mlungu, yamfwana kughenda seji koni Jesu Kristo oreghendieghe.

1 JOHANE 5:19

Isi damanya angu de wa Mlungu, na wurumwengu ghose ghwadakaia aisi ya Uja Mmbiwi.

JUDA 1:18

Weremghorieghe huwu, “Ngelo ya kutua mbai, kuchakaia na wandu wisekagha, winughagha bea rawo reni risewadie kuobua kwa Mlungu.”

WUFUNUO 14:12

Aha niko jikundikie irumaghio ja waeli, awo wiiwadiagha memu ya Mlungu na ijo irumirio ja Jesu.