TITO 2:11 - Biblia Ilagho Jiboie Kwa Wandu Wose

¹¹ Angu mvono ghwa Mlungu ghwamerie kuwoneka kwa wundu ghwa kukia kwa wandu wose,

TITO 2:11 ပူးပေါင်းရင်းမြစ်များ

ZABURI 67:2

Chia yako imanyike andoenyi, na kukia kwako kumanyike kwa mbari rose ra wandu.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 96:10

Righorienyi mbari rose, “BWANA ni Mzuri; ndoenyi koowikwa andu kwaro, kusedimagha kunyavurika; uchawitanya wandu kwa hachi.”

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

ZEKARIA 4:7

Vighirio viwonekagha sa mghondi vichainjika imbiri kwako, na oho kuchaiagha Hekalu sena. Kukaimeria, kukiwika igho ja kutua, wandu wichazuma wikighamba, ‘Yaghoka nao! Yaghoka!’”

MATHAYO 28:19

Idana ghendenyi m'bonye wandu wa mbari rose wikaie wanughi, mkiwibaputiza kwa irina ja Aba, na ja Mwana, na ja Roho Mweli;

MARKO 16:15

Nao ukawizera, “Ghendenyi wurumwengunyi kose, chilenyi Ilagho Jiboie kwa wadamu wose.

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

LUKA 3:6

na kula mundu uchawona kukia kwa Mlungu.’”

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:9

Ugho mwengere ghorekoghe ghwa loli, ghuchee wurumwengunyi kumlangalishira kula mdamu.

MABONYO GHA WADUMI 11:23

Nao iji wavika aho, na kuwona seji Mlungu uredie mvono ghwake kwa wandu, ukaboilwa; ukawishashira wose widuo waloli kwa Bwana wikifunga ndighi kumnugha kwa ngolo yose.

MABONYO GHA WADUMI 13:43

Ikwanyiko jiendasia, Wayahudi wengi na wandu winughie dini ya Kiyahudi wimuobuagha Mlungu, wikanughana na Paulo na Barnaba, nawo wikawija malagho na kuwishashira angu widuo andenyi ya mvono ghwa Mlungu.

MABONYO GHA WADUMI 13:47

Angu niko Bwana udilaghirie ukighamba: ‘Nakuwika oho kukaie mwengere ghwa wandu wa mbari zima, eri kurede kukia ndoenyi kose.’”

MABONYO GHA WADUMI 17:30

Ngelo ra kusowa kumanya, Mlungu nderetalieghe anduangi; ela idana, walaghira wandu wose andu kose, wihee mawiwi ghawo.

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

WAROMA 10:18

Ela niakotia, da loli ndewisikire? Loli wasikire putu, angu: “Chwaka rawo rasikirikie ndoenyi kose na madedo ghawo ghaerie hata kutua kwa ndoenyi.”

WAROMA 5:15

Ela inosi ja Mlungu ndejiko sa ijo ikosa ja Adamu. Angu ngera wandu wengi werefueghe wikishekerelwa ni ikosa ja mundu umweri, kuchumba na ndighi, wandu wengi wapatire mvono ghwa Mlungu kwa wungi na inosi jake, kwa chia ya ugho mvono ghwa uja mundu umweri Jesu Kristo.

WAROMA 5:2

Uo udiredie kwa irumirio hata dikavikia kughupata ughu mvono dawuyakaia andenyi yaro; nesi daboilwa kwa wundu ghwa ijo isuwirio diko najo jekaia na wungara andenyi ya wubaa ghwa Mlungu.

2 WAKORINTHO 6:1

Kwa huwo dikibonya kazi andwamweri na Mlungu, damvoya mseghuwuse mvono ghwake duu.

WAGALATIA 2:21

Sidimagha kughukana mvono ghwa Mlungu, angu ikakaia kutalwa kukaia na hachi kuapatika kwa chia ya Sharia, kufwa kwa Kristo ndekune fwaida ingi.

WAEFESO 2:5

hata iji derekoghe difue rohonyi kwa chia ya makosa ghedu, oredikaishireghe moyo chiaimweri na Kristo, (mookirwa kwa mvono)

WAEFESO 2:8

Angu mookirwa kwa mvono kwa chia ya irumirio; najo si ibonyo jenyu jingi, ni inosi ja Mlungu;

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

WAKOLOSAI 1:6

jerechieghe konyu, sa iji koni loli jawuyaera wurumwengunyi kose jikiva matunda na kuzoghua. Huwo koni, na aghadi konyu, kufuma morejisikireghe na kutambukilwa ni ugho mvono ghwa Mlungu andenyi ya loli,

2 WATHESALONIKE 2:16

Idana Bwana odu Jesu Kristo moni, na Mlungu Aba odu, uo oredikundieghe na kudineka wuhoreshi ghwa ngolo kwa kala na kala, na isuwirio icha, kwa chia ya mvono;

1 TIMOTHEO 1:14

na Bwana oredirieghe mvono ghwake aighu yapo kwa wungi, chiaimweri na irumirio, na lukundo luko andenyi ya Kristo Jesu.

1 TIMOTHEO 2:4

uo ukunde wandu wose wikie, na kuvikia kuimanya iyo loli.

2 TIMOTHEO 1:10

Na idana, mvono ugho ghwawonekie worinyi kwa chia ya kuwoneka kwa Mkiri odu Kristo Jesu, uo uinjire kifwa na kureda irangi jisefwagha mwengerenyi kwa chia ya ijo Ilagho Jiboie.

2 TIMOTHEO 4:17

Ela Bwana orekoghe andwamweri nani, ukanineka ndighi rewichilia ghose, eri wandu wa mbari zima wose wipate kusikira. Aho ngavuvulwa sa kufuma momunyi ghwa shimba.

WAEBRANIA 12:15

Manyenyi mndungi useghusowe ghuja mvono ghwa Mlungu, isechekaia muri ghungi ghwa kuwawa ghubuke na kureda wasi hata kuwilusha wandu wengi.

WAEBRANIA 2:9

Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.