TITO 1:7 - Biblia Ilagho Jiboie Kwa Wandu Wose

⁷ Angu mzighaniri wa ikanisa sa mdumiki wa Mlungu, suti ukaie mundu usewadie ikosa jingi; usekaie ukukasire, angu ojokwa ni machu shwa-shwa, angu mmbongeri, angu mundu otumia ndighi, angu iriso ja fwaida isefwanagha.

TITO 1:7 ပူးပေါင်းရင်းမြစ်များ

KUZOYA 49:6

Kusakengia njamenyi kwawo ee roho yapo, hata kusakengia ikwanyikonyi jawo ee roho yapo. Angu werewibwaghieghe wandu kwa machu ghawo, na kwa wutukutu ghwawo wereridemieghe njau, na kuridumbua mighenu.

MAKATANISHO 14:17

Mundu ojokwa ni machu shwa-shwa, wadabonya kiwukelu, ela mundu uwadie suku wadarumaghia.

MAKATANISHO 15:18

Mundu wa machu wadawusira nganyi, ela mundu wa mboa wadahoresha nganyi.

MAKATANISHO 16:32

Mundu usejokwagha ni machu shwa-shwa, waboie kuchumba ing'oni ja wuda; uo ukumaziriagha moni, wachumba, uo uwadagha muzi wudenyi.

MCHILI 7:9

Kukajokwa ni machu kukumazire; wakelu niwo wikaiagha na machu.

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

EZEKIELI 44:21

Mkohani ungi usenyo divei ingelo wakangia waza ya nandenyi.

WALAWI 10:9

“Iji oho na wana wako mwakangia andenyi ya Hema ekwania, msenyo divei angu chofi mchefwa, iyo ichakaia ni sharia ya kala na kala vivalwa venyu vose.

MATHAYO 24:45

“Nani uo mdumiki uko mloli na wa akili, uo bwana wake uchaammbika aighu ya wandu wake, uwineke vindo kwa kimu charo?

LUKA 12:42

Bwana ukamzera, “Idana mdumiki mucha na wa akili ni uao, uo Bwana wake uchaammbika aighu ya nyumba yake, uwiwaghie wadumiki wambao vindo vawo, kwa ngelo yaro?

WAEFESO 5:18

Msakewongia kwa divei, angu aho koko na kunoneka; ela mchulo ni Roho,

WAFILIPI 1:1

Ini Paulo na Timotheo, wadumiki wa Kristo Jesu, namuandikia inyo waeli wose wiko andenyi ya Kristo Jesu aho Filipi, chiaimweri na wazighaniri, na watesia wa ikanisa.

TITO 1:5

Nerekusighieghe Krete eri kupate kuriboisa iro maza riserekoghe nicha, na kuwisaghua waghosi wa Ikanisa andenyi ya kula muzi seji nerekuzerieghe.

TITO 2:3

Kuwilaghire wakeku wokoni wikaie na tabia ra ishima; wisakekaia wazighirii, angu wazumba wa chofi. Wifundishe agho ghiko mecha,

1 PETRO 4:10

Kula mundu ndetumie ijo inosi orejipatireghe kwa wundu ghwa fwaida ya mmbao, sa mzighaniri mucha wa mvono mzima-mzima ghwa Mlungu.

1 PETRO 5:2

Lishenyi chagha cha Mlungu chiko aisi ya wuzighaniri ghonyu. Si kwa kufungishwa ndighi anduangi, ela kwa kukunda; si kwa kulola fwaida isefwane, ela kwa ngolo ielie;

2 PETRO 2:10

na kuchumba awo wawuyanugha bea ra wuchafu, na kumenya kubonyerwa nguma. Ni walimu wa tee wiko na wuwana, wikunde kuwisholia awo wabaa kuseko na wowa.