TITO 1:6 - Biblia Ilagho Jiboie Kwa Wandu Wose

⁶ Mghosi ukaie mundu usewadie ikosa jingi, mndwawomi wa muka umweri, uko na wana wirumiriagha, wiseghorwagha kwa maza rizamie kwa kulegha kusikira.

TITO 1:6 ပူးပေါင်းရင်းမြစ်များ

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

MAKATANISHO 28:7

Mundu uiwadiagha sharia, ni mwana wa hikima; ela mngara wa wandu wa lwafuo, wadamfusha ndee waya.

EZEKIELI 44:22

Wakohani wiselowuo muka ufuilo angu uleghelo; ela wichalowua wai wa wandu wa Israeli, angu muka ufuilo ni mumi uko mkohani.

WALAWI 21:14

Si muka ufuilo, angu uleghelo, angu orekoghe ilaya; angu unonelo; ela uchalowua mwai uelie kufuma kwa kichuku chake cheni;

WALAWI 21:7

“Mkohani uselowuo muka orekoghe ilaya, angu orekoghe osela-sela; hata uselowuo muka uleghelo, kwa kukaia mkohani ni mweli wa Mlungu wake.

MALAKI 2:15

Welee, Mlungu nderemfungieghe mkakaia kindo chimweri roho na mumbi? Makusudi ghake gherekoghe kii? Odekunda mpate wana wichaawuya wandu wa Mlungu kwa loli. Kwa huwo mlindie ungi onyu usechikanye malaghiro ghake, sena ukaie mloli kwa mkake.

LUKA 1:5

Matuku gha Herode mzuri wa Judea, korekoghe na mkohani umu uwangwagha Zakaria, wa ifungu ja wukohani ghwa Abia, nao orekoghe na mkake, nao ni mwai wa kichuku cha wukohani ghwa Haruni, uwangwagha Elizabeti.

WAEFESO 5:18

Msakewongia kwa divei, angu aho koko na kunoneka; ela mchulo ni Roho,

1 WATHESALONIKE 5:14

Idana wanidu damshashira muwikanie na kuwiwonyera awo wiko waghadi, muwikumbe ngolo awo wifwagha ngolo, muwitesie wanyonge, mkaie na irumaghio kwa wose.

1 TIMOTHEO 1:9

ukimanya kukaia Sharia ndeerewikiloghe kwa wundu ghwa awo wibonyagha hachi, ela edewikwa kwa wundu ghwa waleghi sharia, na wandu wisesikiragha; kwa wandu wisemuobuagha Mlungu, na wakaung'a; kwa wandu wiseelie, na awo wisemwichi Mlungu; kwa wandu wibwaghagha weke ndee, na weke mae; kwa wabwaghi wandu,

1 TIMOTHEO 3:12

Watesia wa ikanisa wikaie womi wa muka umweri-umweri, wikaie wandu wiwibonyeragha wana wawo nguma nicha, na nyumba rawo.

TITO 1:10

Angu weko wandu wengi wileghagha, wiko na madedo maduu, nawo ni wandu wa mikalo; kuchumba ni awo wa kushamishwa.

1 SAMUELI 2:11

Niko Elkana ukawuya cha mzinyi kwake Rama, na uja mwana Samueli ukasighwa ukimdumikia BWANA aisi ya mkohani Eli.

1 SAMUELI 2:22

Idana Eli orekoghe waghosia nandighi, ukakaia ukisikira iro maza rose wana wake werekoghe wikiwibonyera Waisraeli, na seji werekoghe wikilala na waka awo werekoghe wikidumika aho mbengenyi ya Hema ekwania.