TITO 1:4 - Biblia Ilagho Jiboie Kwa Wandu Wose

⁴ Nakuandikia oho Tito, mwana wapo tiki wa irumirio diko najo diwose. Mvono ndeghukaie kwako, na sere ifumagha kwa Mlungu Aba na Kristo Jesu Mkiri odu.

TITO 1:4 ပူးပေါင်းရင်းမြစ်များ

LUKA 2:11

angu idime koni, Mkiri wavalwa kwa wundu ghonyu mzinyi kwa Daudi, na ni Kristo Bwana.

JOHANE 4:42

Wikamzera uja muka, “Idana isi darumiria, si kwa wundu ghwa malagho ghako tu, ela angu damsikira isi diweni, nesi damanya loli uhu ni Mkiri wa wurumwengu.”

WAROMA 1:12

huwo ni kughamba, dipate kukummbana ngolo diweni na diweni kwa irumirio jenyu na japo.

WAROMA 1:7

Namuandikia inyo wakundwa wose wa Mlungu muko Roma, muwangilo mkaie waeli. Mvono ndeghukaie konyu na sere ifumagha kwa Mlungu Aba odu na kwa Bwana Jesu Kristo.

2 WAKORINTHO 12:18

Neremshashireghe Tito uche konyu, ngamdumanya na uja mwanidu. Kewada Tito nuo oremkitireghe? Welee, ndederebonyereghe kwa wulongozi ghwa uo Roho moni? Ndedereghendieghe kwa ija chia cheni anguwada?

2 WAKORINTHO 2:13

ela ngolo yapo ndeerekoghe na sere, angu neremsowieghe mwanidu Tito aho. Niko ngalaghana na wandu na kughenda Makedonia.

2 WAKORINTHO 4:13

Kwa kukaia deko na roho ija cheni ya irumirio, erekoghe na uja mundu oreandikieghe, “Ini nederumiria, niko ngadeda,” isi wori darumiria, niko huwu dadeda;

2 WAKORINTHO 7:6

Ela Mlungu, uo uwihoreshagha ngolo wanyonge, oredihoreshereghe ngolo kwa kucha kwa Tito.

2 WAKORINTHO 8:16

Ela chawucha kwa Mlungu, uo wawuyamneka Tito ngolo iyo cheni efunga ndighi kumtesia.

2 WAKORINTHO 8:23

Kwa maza ra Tito, uo ni mngara wapo na m'bonyi kazi andwamweri nani kwa kumdumikia inyo; na awo wanidu ni wadumwa wa makanisa, nawo ni wubaa ghwa Kristo.

2 WAKORINTHO 8:6

Kwa wundu ugho, deremshashirieghe Tito uo oreizoeghe iyo kazi ya mvono aghadi konyu, uimerie.

WAGALATIA 2:3

Ela hata Tito moni, uo derekwanyeghe, nderefungishiroghe ndighi kushamishwa anduangi, hata ngera saki orekoghe Mgriki.

WAGALATIA 3:26

angu inyo mmbose moko wana wa Mlungu andenyi ya Kristo Jesu kwa chia ya irumirio.

WAGALATIA 3:28

Ndekuwadie Myahudi, angu Mgriki; ndekuwadie mzumba, angu mkitina; ndekuwadie mndwawomi, angu muka anduangi; angu inyo mmbose moko wandu wamweri andenyi ya Kristo Jesu.

WAEFESO 1:2

Mvono ndeghukaie konyu, na sere rifumagha kwa Mlungu Aba odu, na kwa Bwana Jesu Kristo.

WAKOLOSAI 1:2

namuandikia inyo waeli na wanidu wa loli andenyi ya Kristo wiko Kolosai. Mvono ndeghukaie konyu na sere rifumagha kwa Mlungu Aba odu.

1 TIMOTHEO 1:12

Namfunyira chawucha Kristo Jesu Bwana odu, uo unidimishire kubonya iyo kazi, na kunitala kukaia mloli andenyi ya wudumiki ghwake;

2 TIMOTHEO 1:1

Ini Paulo, mdumi wa Kristo Jesu kwa lukundo lwa Mlungu, udumilo kujichila ijo ilaghiro ja irangi jiko andenyi ya Kristo Jesu,

2 TIMOTHEO 1:2

nakuandikia oho Timotheo mwana wapo mkundwa: Mvono ndeghukaie kwako, na wughoma, na sere rifumagha kwa Mlungu Aba, na kwa Kristo Jesu Bwana odu.

2 TIMOTHEO 4:10

Angu Dema wanisighie kwa kukunda maza ra wurumwengu ughu ghwa idana na kughenda Thesalonike, Kreske nao waghendie Galatia, na Tito ukaghenda Dalmatia.

TITO 1:3

Na iji isuwirio, orejiwonyereghe worinyi kwa ngelo yaro, kwa ilagho jake, kwa chia ya kuchila uko kuwikilo mikonunyi kwapo kwa amri ya Mlungu Mkiri odu.

TITO 2:13

dikijiwesera kwa isuwirio ijo Ituku jirasimilwagha, ja uko kuwoneka kwa wubaa ghwa Mlungu odu m'baa, na Mkiri Jesu Kristo.

2 PETRO 1:1

Ini Simoni Petro, mdumiki na mdumi wa Jesu Kristo, nawiandikia awo wimerie kupata irumirio ja zoghori mbaa jija jeni diko najo kwa chia ya Mlungu odu na Mkiri Jesu Kristo.

2 PETRO 1:11

na kwa chia ihi, mcharumirilwa putu kungia andenyi ya Wuzuri ghwa Bwana na Mkiri odu Jesu Kristo.

2 PETRO 2:20

Kwa kukaia, nyuma ya kufufunuka kufuma kwa ugho wuchafu ghwa wurumwengu, kwa chia ya kummanya Bwana na Mkiri odu Jesu Kristo, wikawuya wikawadwa na kumazirwa andenyi kwaro sena, kutua kwawo kwakaia kuzamie kuchumba imbiri.

2 PETRO 3:18

Ela mzoghuo andenyi ya mvono, na uko kummanya Bwana na Mkiri odu Jesu Kristo. Kwake uo, ndeghukaie ghuja wubaa, kufuma idana, hata kwa kala na kala. Amen.

2 PETRO 3:2

mpate kukumbuka seji walodi wielie werezoeghe kughora, na ugho momu ghwa Bwana na Mkiri ghuchee kwa chia ya wadumi wenyu.

1 JOHANE 5:14

Nesi deko na wuwana ughu andenyi kwake, kukaia, dikalomba kindo chingi karakara na lukundo lwake, wadisikira.

JUDA 1:3

Wakundwa, ngikaia na bea mbaa emuandikia malagho aighu ya kukia kodu isi diwose, nerewonieghe ni suti niandike, ngimlomba angu mujidederie ijo irumirio werenekeloghe awo waeli indo jimweri tua.