TITO 1:3 - Biblia Ilagho Jiboie Kwa Wandu Wose

³ Na iji isuwirio, orejiwonyereghe worinyi kwa ngelo yaro, kwa ilagho jake, kwa chia ya kuchila uko kuwikilo mikonunyi kwapo kwa amri ya Mlungu Mkiri odu.

TITO 1:3 ပူးပေါင်းရင်းမြစ်များ

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 45:15

Kwa loli oho ko Mlungu wa Israeli, kukuvisagha kumoni, ee Mlungu na Mkiri wa Israeli.

ISAYA 45:21

Choonyi mghore mashitakio ghenyu worinyi, wipate kughibonyera njama chiaimweri. Nani oreghighorieghe agha konkala uko, nani oreghifunukueghe kokala, Welee, si ini moni BWANA? Hata ndekuwadie mlungu ungi mzima kuchumba ini, Mlungu wa hachi na Mkiri, ndekuwadie ungi kunichumba Ini putu.

DANIELI 11:27

Na awo wazuri wawi wichasea kidombo meza imweri kuja vindo, wikikaia na wuwiwi ngolonyi kwawo. Wichakaia wikighoriana tee weni na weni, wisedimagha kuvikia kudumbua ilagho jingi; angu kutua kwawo kuchacha kwa ngelo ilaghirilo.

DANIELI 8:23

Kutua kwa kubonya nguma kwawo, iji wabonyi wuwiwi wichaakatisha wuwiwi ghwawo, uchawuka mzuri umu ubirie uichi ndawi.

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

MARKO 1:15

ukighamba, “Ngelo yakatia na wuzuri ghwa Mlungu ghwavika kaavui; heenyi mjirumirie Ilagho Jiboie.”

MARKO 13:10

Ela imbiri ya iro, suti Ilagho Jiboie jichilo kwa mbari rose.

MARKO 16:15

Nao ukawizera, “Ghendenyi wurumwengunyi kose, chilenyi Ilagho Jiboie kwa wadamu wose.

LUKA 1:47

na roho yapo yaboilwa ni Mlungu Mkiri wapo;

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

MABONYO GHA WADUMI 17:26

Nao orebonyereghe mbari ra wandu kufuma kwa mundu umweri, wikaie ndoenyi kose; nyuma ya kuwika ngelo na mano ya andu kwawo kokaia;

WAROMA 15:19

kwa ndighi ra weke mwakilimbiti na mashiniko, na kwa ndighi ra Roho Mweli. Huwu namerie kujichila Ilagho Jiboie ja Kristo kufuma Jerusalemu hata Iluriko.

WAROMA 16:25

Idana kwa Mlungu uo udimagha kummangisha andenyi ya irumirio jenyu, karakara na ijo Ilagho Jiboie nawuyajichila ja Jesu Kristo, na karakara na wufunuo ghwa ija ngasu, iyo erevisikieghe kwa ngelo ndacha iidie;

WAROMA 16:26

ela idana yamerie kufunukulwa worinyi kwa chia ya maandiko gha walodi, na kumanyishwa kwa mbari rose, karakara na momu ghwa Mlungu wa kala na kala, ghoreda uko kusikira kwa chia ya irumirio;

WAROMA 5:6

Iji derekoghe disewadie ndighi, kwa ngelo yaro cheni, Kristo orefueghe kwa wundu ghwa wawiwi.

1 WAKORINTHO 9:17

Angu ngajichila kwa kukunda kwapo koni, nisuwiria mafungu; ela naawuyajichila kwa kukaia ni kazi yapo, angu Mlungu uninekie ugho wudumiki nighubonye.

WAGALATIA 4:4

Ela iji ngelo yakatia, Mlungu oremdumieghe Mwana wake ukavalwa ni muka, nao orevaloghe aisi ya Sharia,

WAEFESO 1:10

kukaia, kwa ngelo ikatie, upate kuvikwanya vilambo vose andenyi kwake; ivo viko mlungunyi, na ivo viko andoenyi.

WAEFESO 2:17

Na Kristo ukacha, ukachila sere konyu inyo morekoghe kula, na wokoni kwa awo werekoghe kaavui.

WAFILIPI 1:13

Walindiri wose wa ngomenyi, chiaimweri na wandu wazima wose, wacheemanya wori kufungwa kwapo ni kwa wundu ghwa Kristo;

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

WAKOLOSAI 1:6

jerechieghe konyu, sa iji koni loli jawuyaera wurumwengunyi kose jikiva matunda na kuzoghua. Huwo koni, na aghadi konyu, kufuma morejisikireghe na kutambukilwa ni ugho mvono ghwa Mlungu andenyi ya loli,

1 WATHESALONIKE 2:4

ela sa iji koni dererumiriloghe ni Mlungu kukaia dafwane kujidwa ijo Ilagho Jiboie, niko koni dighoragha, si sa kuwiboia wandu anduangi, ela dadajighora kwa kum'boia Mlungu; uo umanyagha ngolo ra wandu.

1 TIMOTHEO 1:1

Ini Paulo, mdumi wa Jesu Kristo uwikilo kwa amri ya Mlungu Mkiri odu, na ya Kristo Jesu isuwirio jedu.

1 TIMOTHEO 1:11

karakara na ijo Ilagho Jiboie ja wubaa, ja Mlungu ukaswaghwa; ijo nerenekeloghe nijidumikie.

1 TIMOTHEO 2:3

Ilagho iji jaboie, najo jarumirilo ni Mlungu Mkiri odu;

1 TIMOTHEO 4:10

Angu ni kwa wundu ugho dawuyabonya kazi kwa kufunga ndighi, kwa kukaia dawikie isuwirio jedu kwa Mlungu uko moyo, uhu uko Mkiri wa wandu wose, na kuchumba wa awo wirumiriagha.

2 TIMOTHEO 4:17

Ela Bwana orekoghe andwamweri nani, ukanineka ndighi rewichilia ghose, eri wandu wa mbari zima wose wipate kusikira. Aho ngavuvulwa sa kufuma momunyi ghwa shimba.

TITO 2:10

hata kuiwa-iwa, ela wiwonyere seji wiko waloli putu, eri wipate kwa maza rose kughirudia ishima mafundisho gha Mlungu Mkiri odu.

TITO 2:13

dikijiwesera kwa isuwirio ijo Ituku jirasimilwagha, ja uko kuwoneka kwa wubaa ghwa Mlungu odu m'baa, na Mkiri Jesu Kristo.

WUFUNUO 14:16

Niko uo oreserieghe kidombo aighu ya iwingu, ukakumba mundu ghwake ndoenyi, na ndoe ikakuwidwa.