RUTHU 4:15 - Biblia Ilagho Jiboie Kwa Wandu Wose

¹⁵ Uchakubonya kukaie na ndighi mbishi, na kukuhoresha ngelo ya wukeku ghwako; angu mka-mwanwako uo uvae mwana, wakukunde; nao waboie kuchumba wana wa womi mfungade.”

RUTHU 4:15 ပူးပေါင်းရင်းမြစ်များ

KUZOYA 45:11

Ini moni nichakaia nikikuzighana, angu yasighwa sena miaka misanu ya njala, isechekaia oho na muzi ghwako, na vose kuko navo, kubwaghwa ni njala!’

KUZOYA 47:12

Josefu ukawineka ndee na waruna, na nyumba ya ndee yose vindo kunughana na mtalo ghwa wandu wawo.

ZABURI 55:22

Kumneke BWANA wasi ghwako, nao uchakutesia; na jingi ndechaamsigha mhachi ulemo.

MAKATANISHO 18:24

Weko waghenyi wikubonyagha weni kukaia waghenyi, ela oko mghenyi wa kaavui uchumbie mruna mundu.

ISAYA 46:4

Ni ini moni nikaiagha kufuma kwavalwa hata kwaghosia, nichakudwa hata kwabuka imbu. Ni ini moni nerekubonyereghe, nani nichakulindia; nichakudwa na kukukira.

RUTHU 4:16

Naomi ukammbwadia uo mwana laghenyi kwake, ukakaia ukimlela.

1 SAMUELI 1:8

Niko mumi wake Elkana ukamzera, “Wele Hana, kuliliaki? Kwaki kusejagha vindo? Ni wasi ghwa indoki kuko nagho ngolonyi kwako? Welee, ini sifwane kwako kuchumba wana wa womi ikumi anguwada?”

1 SAMUELI 2:5

Awo werekoghe wighudie wabonya vibarua wipate vindo, ela awo werekoghe na njala waghuda. Kolowi wavae wana mfungade, ela uo muka uvae wana wengi wasighwa duu.