RUTHU 4:11 - Biblia Ilagho Jiboie Kwa Wandu Wose

¹¹ Waghosi na wandu wose werekoghe aho wikaghamba, “Ee, isi dakaia washahidi. Mlungu ndem'bonye uo muka uchagha nyumbenyi kwako ukaie sa Raheli na Lea awo weremvaieghe Jakobo wana wengi. Kuchurikie na kukaia m'baa kwa kichuku cha Efrata na kukaia na sare iboie Bethlehemu.

RUTHU 4:11 ပူးပေါင်းရင်းမြစ်များ

KUZOYA 23:10

Efroni moni orekoghe kidombo aghadi ya Wahiti. Nao ukamtumbulia Abrahamu Wahiti wose wiko kidombo mbengenyi ya muzi ghwawo wikisikiria,

KUZOYA 24:60

wikamrasimia Rebeka wikighamba, “Mwanidu kukaie mae wa milioni nyingi, kivalwa chako chisime mizi ya wamaiza wawo.”

KUZOYA 29:16

Labani orekoghe na wai wawi. Uo m'baa orewangwaghwa Lea, na uo mtini orewangwagha Raheli.

KUZOYA 29:25

Ela nakesho, Jakobo ukawona kila ni Lea, ukamzera Labani, “Kwanibonyere wada huwu? Welee, nechi ini nedekudumikia kwa wundu ghwa Raheli? Kwaki sena kwanikalia huwu?”

KUZOYA 29:32

Lea ukapata kifu, ukava mwana wa womi, ukammbanga irina jake Reubeni; angu oreghambieghe, “Loli BWANA waghuzighana wasi ghwapo, idana mumi wapo uchanikunda.”

KUZOYA 35:23

Idana wana wa Jakobo werekoghe ikumi na wawi. Wana wa Lea ni: Reubeni, mwana wa imbiri wa Jakobo, Simeoni, Lawi, Juda, Isakari na Zebluni.

KUZOYA 35:24

Wana wa Raheli ni: Josefu na Benjamini.

1 WAZURI 21:8

Niko ukaandika barua na kuringira sahihi ya Ahabu; ukarikaba mhuri ghwa Ahabu, na kuriduma kwa wabaa na vilongozi wikaianyagha na Nabothi mzinyi kwake.

1 MALAGHO GHA NGELO 2:51

Salma, uo orepatireghe muzi ghwa Bethlehemu, na Harefu, uo orepatireghe muzi ghwa Beth-gaderi.

ZABURI 132:6

Dasikire malagho gha Sanduku ya Ilaghano diko Bethlehemu, dikaaiwonia mlambenyi ghwa Jearimu.

MAKATANISHO 14:1

Muka uko na hikima wadaagha nyumba yake; mkelu, wadaivuchua na mikonu yake moni.

MAKATANISHO 31:23

Mumi ni mundu umanyikie andu kokwania kwa muzi; andu useanyagha kidombo na waghosi wa isanga.

JEREMIA 32:10

Ngangira sahihi kwa ija barua eighua, na kuikaba muhuri, ngapata washahidi, na kupima rija pesa ratilinyi.

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

MATHAYO 2:6

‘Oho Bethlehemu wa Isanga ja Juda, ndekuko mtini putu aghadi ya vilongozi va Juda; kwa kukaia kwako uchafuma kilongozi, uchaawighenja wandu wapo Israeli.’”

WUKUMBUSO 25:7

Na ikakaia uo mundu ndeukunde kukanya na mkamruna, niko uo mkamruna uchaghenda mbengenyi kwa waghosi andu kokwania na kughamba, ‘Mruna mumi wapo ndekunde kuikatisha iyo kazi ya mruna kwapo.’

WUKUMBUSO 25:9

niko mkamruna uchafunya chadu chake na kumchuya mada gha meso ukighamba, ‘Mundu usekunde kuiagha nyumba ya mruna, wadabonyerwa huwo.’

RUTHU 1:2

Irina ja uo mundu orewangwagha Elimeleki, na irina ja mkwake orewangwagha Naomi; marina gha wana wake ni Mahaloni na Kilioni, wandu wa kichuku cha Efrata, wa Bethlehemu isanga ja Juda. Wikaghenda isanga ja Moabu, na kukaia aho.