RUTHU 4:1 - Biblia Ilagho Jiboie Kwa Wandu Wose

¹ Boazi ukaghenda hata andu kokwania mbengenyi ya muzi, ukasea kidombo aho. Nao uo mundu wa ifwa ja Elimeleki oremghoragha ukacha. Niko Boazi ukaghamba, “Ghaluka iichia mghenyi wapo kusee kidombo aha.” Ukaghaluka, ukasea kidombo.

RUTHU 4:1 ပူးပေါင်းရင်းမြစ်များ

KUZOYA 19:1

Nao weke malaika wawi wikacha Sodoma luma lwa kenyi; na Loti orekoghe kidombo mbengenyi. Hata iji Loti wawiwona ukawuka kuwimara, nao ukawighoghomia hata wushu ghwake ghukadunga andonyi ukaghamba,

KUZOYA 23:10

Efroni moni orekoghe kidombo aghadi ya Wahiti. Nao ukamtumbulia Abrahamu Wahiti wose wiko kidombo mbengenyi ya muzi ghwawo wikisikiria,

KUZOYA 34:20

Kwa huwu Hamori na mwana wake Shekemu wikacha andu wikwanyikiagha mbengenyi ya ugho muzi, wikawija malagho wandu wa muzi wikighamba,

2 SAMUELI 15:2

Absalomu orekoghe ukicha kokesho kio na kukaia kimusi mbai na mbai ya chia a mbengenyi ya muzi. Hata iji mndungi wakaia na ilagho jetanywa kwa mzuri, Absalomu orekoghe ukimmbanga na kumzera, “Kwafuma muzi ghuao?” Na uja mundu ukatumbulia, “Mdumiki wako ne wa kichuku kisiku cha Waisraeli,”

2 MALAGHO GHA NGELO 18:9

Mzuri wa Israeli na Jehoshafati mzuri wa Juda, werekoghe wasea aighu ya vifumbi vawo va nguma wirwae marwao ghawo gha kiwuzuri; nawo werekoghe a mbengenyi ya muzi ghwa Samaria andu viro vichanilwagha, na walodi wose werekoghe wikiloda imbiri yawo.

AYUBU 29:7

Ngelo nereghendagha mbengenyi ya muzi, na kusea kidombo andu kokwania,

AYUBU 31:21

Ikakaia nimkitire mwana mkiwa ngimanya nadima kumsima kotinyi,

ZABURI 69:12

Nadadedwa ni wandu wiseagha kidombo mwandunyi, na wawongeri wadanidunga chumbo rizamie.

MAKATANISHO 31:23

Mumi ni mundu umanyikie andu kokwania kwa muzi; andu useanyagha kidombo na waghosi wa isanga.

ISAYA 55:1

BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

JEREMIA 32:10

Ngangira sahihi kwa ija barua eighua, na kuikaba muhuri, ngapata washahidi, na kupima rija pesa ratilinyi.

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.

ZEKARIA 2:6

BWANA ukawizera wandu wake, “Choonyi! Choonyi! Kimbienyi mfume isanga ja kaskazinyi; kwa kukaia ni ini BWANA neremsaghisireghe kula andu.”

WUKUMBUSO 16:18

“Mmbike watanyi na wabaa andenyi ya mizi yenyu yose mnekwagha ni BWANA Mlungu onyu, kunughana na vichuku venyu, wipate kutanya wandu kwa hachi.

WUKUMBUSO 17:5

mumrede uo mundu angu uo muka ubonyere ilagho ijo iwiwi mbengenyi, na kumlasa na magho hata ufo.

WUKUMBUSO 21:19

wavi wake wichammbwada na kumghenja mbengenyi kwa waghosi kwa muzi ghwake ughoni ukaiagha.

WUKUMBUSO 25:7

Na ikakaia uo mundu ndeukunde kukanya na mkamruna, niko uo mkamruna uchaghenda mbengenyi kwa waghosi andu kokwania na kughamba, ‘Mruna mumi wapo ndekunde kuikatisha iyo kazi ya mruna kwapo.’

JOSHUA 20:4

Nao wadima kukimbiria imu ya mizi iyo, eri udime kuvikisha malagho ghake kwa waghosi aho mbengenyi ya muzi, upate kuwighoria vilongozi agho ghabonyeka. Niko wichamneka wulalo ghokimbiria andenyi ya muzi, nao upate kukaia aho.

RUTHU 3:12

Loli ini ne mundu wa kichuku chako, ela koko mundu uko wa kichuku cha kaavui kunichumba ini.

RUTHU 3:18

Nao ukamzera, “Wesera mao hata kwamanya seji iri maza righendagha; kwa kukaia umundu ndechaahora hata wameria kukatisha maza rose idime.”