RUTHU 3:9 - Biblia Ilagho Jiboie Kwa Wandu Wose

⁹ Ukakotia “Nani oho?” Ukatumbulia, “Ni ini Ruthu; nakulomba kunifinikire nguwo, kwa kukaia ni oho mundu odu wa ifwa.”

RUTHU 3:9 ပူးပေါင်းရင်းမြစ်များ

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

LUKA 14:11

Angu uo ose ukujosagha moni uchaserwa, na uo ose ukuseregha moni, uchajoswa.”

RUTHU 2:20

Naomi ukaghamba, “Uo mundu nderasimilo ni BWANA, uo kwa wughoma ghwake usewiliwagha awo wiko moyo na awo wifue.” Ukachuria kughora, “Uo mundu ni kichuku chedu cha kaavui, ni mundu wa ifwa.”

RUTHU 3:10

Nao ukamzera, “BWANA ndekurasimie mwai wapo, kwa kukaia wucha kwaghuwonyera idana, ghwachumba ghuja ghwa imbiri kughubonyere kwa mkekwako; angu kusewinughie wandu wa irika, wikaiagha wiko na mali angu wisene mali.

RUTHU 3:12

Loli ini ne mundu wa kichuku chako, ela koko mundu uko wa kichuku cha kaavui kunichumba ini.

RUTHU 3:8

Kio ghadi, Boazi ukaturukia, ukaghaluka luwaru, ukashinika kuwona muka walala maghunyi kwake.

RUTHU 4:4

Kwa huwo nawona nikughorie kupate kuighua imbiri ya awa wandu wiko kidombo aha, na imbiri ya waghosi wa wandu wapo. Iji kwawona kuikombua ni nicha, nako iji kusekunde kunighorie nimanye. Angu ndekuwadie mndungi oikombua ela oho, na nyuma ya oho ni ini.” Nao ukaghamba, “Nichaikombua.”

RUTHU 4:6

Nao uja mundu wa ifwa ukaghamba, “Kwa ilagho ijo, naiinjikia iyo hachi yapo eghua iyo ndoe; kwa kukaia wana wapo weni ndewichaaipata ifwa iyo ndoe. Ighuo oho, ini siikunde.”

1 SAMUELI 25:41

Nao Abigaili ukawuka, ukaghoghoma hata ukadunga wushu ghwake andonyi na kughamba, “Ola mdumiki wako oko aha kuoghosha maghu gha wadumiki wake bwana wapo.”