RUTHU 3:7 - Biblia Ilagho Jiboie Kwa Wandu Wose

⁷ Hata iji Boazi wameria kuja na kunywa, na ngolo yake kusikira nicha, ukaghenda konenyi andu mabunda gha shairi gheretumbanyiroghe, ukalala aho. Niko Ruthu ukacha mboa-mboa kwa kiviso ukamfunukua Boazi nguwo wakufinikira cha maghunyi; ukalala aho maghunyi.

RUTHU 3:7 ပူးပေါင်းရင်းမြစ်များ

KUZOYA 43:34

Vindo verekoghe vikibeghwa na kuwaghilwa kula mundu iwaghio jake kufuma mezenyi kwa Josefu, ela Benjamini ukabeghelwa vipimo visanu kuchumba kula umu wawo. Nawo wikaja, wikanywa, na kuboilwa chiaimweri nao.

2 SAMUELI 13:28

Niko Absalomu ukawilaghira wadumiki wake ukighamba, “Mumzighanireghe Amnoni; iji wanywa divei na kuwongia, ngamzera, ‘Mkabenyi Amnoni,’ basi moom'bwagha. Mseobuo, nechi nimoni namzera mkufungishe ndighi, mkaie mang'oni.”

1 WAZURI 21:7

Mkake Jezebeli ukamzera, “Ado sena ni oho kumoni mzuri? Wuka kuje vindo, kuseke na wasi ghungi. Ini nikuneka iyo mbuwa ya Nabothi Mjezreeli.”

ESTA 1:10

Ituku ja mfungade ja iyo karamu jiendavika, mzuri Ahasuero orekoghe na kuboilwa kubaa kwa wundu ghwa ija divei orenyueghe; ukawiwanga Mehumani, Biztha, Harbona, Bigtha, Abagatha, Zethari, na Karkasi, weke kolowi mfungade werekoghe wikimdumikia uo moni uekeri.

ZABURI 104:15

ufunye divei em'bonya uboilo, na mavuda ghem'bonya usisine, na mkate ghomneka ndighi.

MCHILI 10:19

Karamu yadaredia wandu maboilo, na divei yadasekesha wandu, ela pesa niyo ikatishagha maza rose.

MCHILI 2:24

Ndekuwadie ilagho jingi jiboie kwa mundu jichumbagha kuja na kunywa na kuboilwanya na kazi rake. Ijo najo neewona jadafuma kwa Mlungu.

MCHILI 8:15

Kwa huwo naawuyarumiriana na maboilo gha irangi, kwa kukaia ndekuwadie ilagho jingi jiboie kuchumba kwa mdamu uko wurumwengunyi, jichumbagha kuja, na kunywa na kuboilwa. Niko uchaadua ukiboilwa kazinyi kwake matuku ghose gha irangi jake Mlungu uchaamneka wurumwengunyi.

MCHILI 9:7

Ghenda kuje vindo vako kukaie na kuboilwa; kunyo divei yako kukaie na iseko, angu Mlungu wakurumirie.

1 WAKORINTHO 10:31

Kwa wundu ugho, ngera mwaja angu kunywa, angu ijo jose m'bonyagha, bonyenyi ghose kwa wundu ghwa wubaa ghwa Mlungu.

WAEFESO 5:18

Msakewongia kwa divei, angu aho koko na kunoneka; ela mchulo ni Roho,

WATANYI 16:25

Na ngelo ngolo rawo rerechuloghe ni kuboilwa wikaghamba, “Mmbangenyi Samsoni uchedibonyera misarigho”. Niko wikamreda Samsoni kufuma kifungonyi, ukasarigha imbiri kwawo. Wikamkaisha kimusi ghadi na ghadi ya nguro.

WATANYI 19:22

Hata iji werekoghe wikiboilwa, wandu wamu wa kisha wa ugho muzi wikacha wikaimara iyo nyumba na kukaba mnyango, wikamzera uja mghosi uko m'baa wa nyumba, “Funya uo mundu wangia nyumbenyi kwako, deekunda kummanya.”

WATANYI 19:6

Niko awo wandu wawi wikasea kidombo wikaja na kunywa. Uja mwai ndee ukalomba ukighamba, “Lala kio chimu sena kuboilo.”

WATANYI 19:9

Hata iji uja mundu na muka wake okanya, na mdumiki wake wawuka wighende, mghosi wake ukaghamba, “Zighanenyi idana ndoe yaawuyaswa, ndamwalalaa kio chimu. Nechi kira chisea idakoni; lalenyi aeni aha m'boilo, na kesho mchawuka kokesho kio mghale.”

RUTHU 3:6

Nao Ruthu ukasea cha lwalenyi lochania viro ukabonya sa iji koni uzereloghe ni mkekwake.

RUTHU 3:8

Kio ghadi, Boazi ukaturukia, ukaghaluka luwaru, ukashinika kuwona muka walala maghunyi kwake.